ချစ်မိကြတဲ့အခါ

4

Uni

" တကယ်မှားခဲ့ကြတာက ကျွန်တော်တို့ "

" မှားတာ သိတယ်.. မှားပါတယ် ဆိုပြီးဝန်ခံလိုက်ရင် ဝမ်အိမ်တော်က ဘာဖြစ်သွားမလဲ.."

" ဝမ်အိမ်ကတော့ မသိဘူး...ဝမ်အိမ်သခင်လေးကတော့ အားလုံးကိုဆန့်ကျင်ခဲ့တယ်မလား.."

" မပူနဲ့ ဒီကောင်အပြင်မှာ ကြာကြာမနေနိုင်ပါဘူး..ပြန်လာလိမ့်မယ်.."

" အစ်ကိုကြီးက အဲဒီလိုပဲထင်တာလား..ကျွန်တော်ကတော့ မထင်ဘူး.."

" ဘာလို့မထင်ရမှာလဲ..မွေးကတည်းက ဒီအရွယ်ထိ သူလုပ်နိုင်တာဘာရှိလို့လဲ..ပြဿနာ ရှာဖို့နဲ့ အရွဲ့တိုက်ဖို့ပဲသိတာ.."

" ဝမ်ကျယ့်မှာ မာနရှိတယ် အစ်ကိုကြီး.."

" ဘယ်သူ့ဆီမှာ မရှိလို့လဲ."

" အပြင်မှာ ဝမ်ကျယ်ရပ်တည်နိုင်မယ်ဆိုတာ ကျွန်တော် သိနေတယ်.."

" ဘယ်လိုပုံစံနဲ့လဲ..မဖြစ်နိုင်တာတွေ မပြောနဲ့ ဝမ်ဟိုင်.. မင်းအဲဒီလို ယုံကြည်မှု့တွေ လွန်ကဲလို့ ဒီကောင် အောက်ခြေလွတ်နေတာ...ကျေးဇူး ကန်းနေတာ.."

" အဲဒီယုံကြည်မှု့တွေနဲ့ ဝမ်ကျယ်က သိပ်ပြီးထိုက်တန်တယ်..ဝမ်ကျယ်က အရည်အချင်းရှိတယ်.."

" ဘာအရည်အချင်းလဲ..ပြဿနာတွေ ရှာတဲ့အရည်အချင်းလား..မင်းစိတ်တွေ ပျော့မလာနဲ့ ဝမ်ဟိုင်.. တစ်ချက်မှားတာနဲ့ ဝမ်အိမ်ရဲ့ သိက္ခာတွေ မြောင်းထဲရောက်မှာ.."

" အစ်ကိုကြီး.. ! "

" မင်း နားသင့်တယ်..ပြန်ရောက်တုန်း ကောင်းကောင်းနား.."

ဒီပြဿနာတွေရဲ့ အရင်းအမြစ်က ဝမ်ဟိုင်ဆိုသော သူ...ရည်ရွယ်ချက်ရှိရှိ မှားခဲ့တာ မဟုတ်ပေမဲ့ မှားတာက မှားတာပဲ...လူငယ်သဘာဝ ပျော်စေပျက်စေ စနောက်မိကြတဲ့ ကိစ္စက လူတစ်ယောက်ကို သေစေခဲ့သည်အထိ ပြင်းထန်ခဲ့တာ...

အမှားကို ဝန်ချချင်ခဲ့ပေမဲ့ အိမ်တော်အတွက်ဆိုတဲ့ အကြောင်းပြချက်နဲ့ အဝေးကိုပို့ပြစ်လိုက်ကြတာ..အချိန်သည်ကား ဆယ်စုနှစ်တစ်ခုကြာခဲ့ပြီ...သူ့ကို ဦးငယ်ခေါ်လို့ တွယ်တာလွန်းတဲ့ တူလေးကတော့ အကြည့်တစ်ချက်ပေးလိုက်တိုင်း ရွံစရာ လူတစ်ယောက်လို...