မောင့်သွန်းငယ်/ေမာင့္သြန္းငယ္

သင်္ကြန်လက်ဆောင်

Unicode

‌"နောင်တတဲ့ မောင်"

ရိုးရိုးရှင်းရှင်း စကားလုံးလေးနှစ်လုံးနဲ့ဖွဲ့စည်းထားတဲ့စကားစုလေး။အနက်အဓိပ္ပါယ်တွေအများကြီးနဲ့ဖွဲ့စည်းထားတဲ့ဒီစကားစုလေးက ဘယ်လောက်တောင်လေးနက်လိုက်သလဲ။ရင်နာဖို့အ​​ကောင်းဆုံးကဒီစကားလုံးလေးနှစ်လုံးကို ပြင်ဆင်ခွင့်မရ​တော့တာ၊ဘယ်တော့မှ ပြန်ပြင်ဆင်လို့မရတဲ့အမှားအတွက် ကျန်ရစ်ခဲ့တဲ့နောင်တဟာ သိပ်ခံစားရပါတယ် မောင်

"လွမ်းတယ် မောင်"

ငါဘဝထဲက မောင်ထွက်သွားခဲ့တာ နှစ်နှစ်တောင်ပြည့်ပြီး မောင်။လွမ်းတယ်လို့တောင် ငါ့ပါးစပ်က မသုံးရက်ပါဘူးမောင်ရယ်။ငါ့လုပ်ခဲ့တဲ့လုပ်ရပ်တွေအတွက် မောင့်အပေါ်မှားခဲ့မိတဲ့လုပ်ရပ်တွေအတွက် နေ့ရက်တိုင်းမှာ ငါဟာ ငရဲတွေနဲ့အတူ မောင့်ကိုလွမ်းပါရစေ။ရဲတင်းစွာ ငါဟာ​မောင့်အ​ပေါ် ပေါ်တင်မလွမ်းနိုင်တဲ့အခါ တိတ်တိတ်လေးတော့ လွမ်းခွင့်တော့ပေးပါ မောင်။ငါဟာ ပိုပိုပြီးအတ္တကြီးမိပြန်ပြီး မောင်ရယ်။မောင့်သာရှိရင်

"မောင့်သွန်းငယ်လေးက အတ္တကြီးလိုက်တာလို့ ပြောမလား။ဒါမှမဟုတ် အတ္တမကြီးရဘူးလို့ ဆူနေမလား။"

မောင့်ရဲ့ယောကျာ်းပီသတဲ့အသံသြသြလေးကိုလည်း လွမ်းတယ်မောင်။ယောကျာ်းဆန်ဆန်နဲ့ချိုသာတဲ့အပြုံးလေးကိုလည်းလွမ်းတယ်။ကြည့်လင်ပြီးအပြစ်ကင်းစင်တဲ့မျက်ဝန်းလေးတွေလည်း လွမ်းတယ် မောင်ရယ်။အနွေးထွေးဆုံးဖြစ်တဲ့ မောင့်ရင်ခွင်ကျယ်ကြီးကိုလည်း သိပ်လွမ်းတယ် မောင်ရယ်။
အချိန်တွေဘယ်လောက်ကြာကြာ မေ့မရခဲ့ပါဘူး။

"သွန်းခ ဆေးခန်းမသွားဘူးလား"

"သင်္ကြန်ပိတ်ရက်ဆိုတော့ နားမလို မနှင်း"

မနှင်းသည် မျက်ရည်တွေခိုးသုတ်နေတဲ့ သွန်းခကြောင့် ကိုယ်တိုင်လည်းစိတ်မကောင်းပါ။မိန်းမသားမို့ စိတ်နုတယ်ပြောရင်လည်း လက်ခံရမည်။သွန်းခကို သူမတကယ်သနားသည်။လွန်ခဲ့တဲ့နှစ်က သွန်းခနဲ့ယခု သွန်းခသည် တစ်နေရာမှမတူသလို အခြေအနေတွေကလည်း ကွာခြားလှသည်။