CUTARWA!

43

                    CUTARWA!

AYSHERCOOL

(BRIGHT PENS)

MIKIYA WRITER'S ASSOCIATION

https://whatsapp.com/channel/0029VaPywxs8kyyIhWtuvh3g

43

PAID ADVERT

*Hajiya ina zaki? Saurin me ki ke yi haka? Ɗan bani aron mintuna biyu kacal, na gaya miki albishir ɗin da na zo miki da shi. Shin ko kin san sirrin sheƙin fatar ummi, da ya sanya ta kama zuciyar MD raihan ta hana shi sukuni? Kai ba ma skin care ba, har da sirrin gyaran gashi, ina masu fama da amosani, karyewar gashi ko kuma sanƙo, jan gashi ne da ke? Ko taurin gashi kamar soson ƙarfe. Idan matsalar ki budurwar fata, tare da rashin glowing, Annur skin scrub da hair bliss sun shirya tsaf domin magance muku kukanku, me ku ke jira ku tuntuɓe su a kan lambar wayar su dan ƙarin bayani 07045971194 ko 08140450950*

43

Magaji ya sake duba takardar da aka kawo sammacin ya ce "An ya ummi ce ta kai wannan ƙarar?"

Iya ta ce "Za ta aikata, dan ba ka ga rashin mutuncin da ta tafka a cikin gidan nan ba"

Kawu Ilyasu ya ce "Yanzu ba wannan ne abun yi ba, kai magaji kai ne ka yi boko, yanzu meye abun yi ta yaya zamu shawo kan matsalar nan?"

Kawu Saminu ya ce "meye abun yi magaji?"

Ya numfasa ya ce "Tun jiya nake kiran wayarta a kashe, kamata yayi a fara ganin ummi, amma me aka yi mata har ta kai ga ta aikata haka, ummi da take saliha?"

Babar auwwalu ta ce "Ai ummi ta fetsare, dan ba ka ga rashin mutuncin da ta yi ba, har cewa ta yi ka yi mata fyaɗe iya ta ce ayi shiru da maganar, dauɗar gora ciki ka sha ta, da iya da idris da kai duk ba zata yafe muku ba".

Yayi turus, gabansa yayi mummunar faɗuwa ya ce "Ni kuma? Yaushe na aikata?"

"Oho muku dai, ta ce Iyan ce da kanta ta gaya mata"

Ya kalli iya ya ce "Innalillahi wa Innalillahi raji'un, Iya ni kuma? Yaushe? Ban san zancen ba fa sai da na nuna miki ina son auren ummi, ki ka gaya mini cewar ragowa ce, an taɓa yi mata fyaɗe tana yarinya, na ce ina son ta a haka, tun da tana yarinya ne, ki ka ce ba ki yarda ba. Nayi-Nayi ki gaya mini waye yayi mata ki ka ƙi, za ki aura mata idris na ce ki gaya masa abun da ki ka gaya mini, ki ka ce idan na faɗa zaki tsine mini, sai da zaki aurawa Idris ita na ce bai kamata ba ki ka ce dama shi yayi mata, amma ki zagaye ki ce mata ni na yi mata fyaɗe tana yarinya, duk saboda ki kare wanda yayi? Baki yi mini adalci ba, tsawon shekaru ummi kallon macuci take yi mini kenan?"

Iya ta ce "Ni fa ba haka na ce mata ba, na gaya mata hakan ne dan ta yarda da auren Idris a karo na biyu, kar ta auri wanda za ta aura amma kuma taƙi, kuma na yi haka ne dan Idris ya samu dama ta biyu a daidaita zumunci"

Hashim ya ce "Kuma ki ka ce mata ni na yi mata fyaɗe Iya, amma an yi abu ba ta sani ba har ki ka gaya mata? Wace ribar ki ka samu a kan hakan? Kawai ki cuce ni ki ɓata ni a idon yarinya saboda ki kare Idris? Iya meye dalilinki na fifita wani sashe a kan wani a cikin iyalanki ne?" Tuni idonsa yayi jawur, ya jefar da takardar sammacin ya ce "Ku je ku san yadda zaku yi ni ba ruwana"

Kawu Ilyasu ya ce "Idan ka tafi gidan ubanwa zamu koma? Yaya zamu yi da wannan abun? Ta ina za a fara rabon gadon shekara talatin da wani abu baya?"

"Wallahi baba ba saka hannuna, ba zan shiga maganar ba" yayi ficewarsa.

"Iya baki yi mini adalci ba, kin rarraba mini kan yarana kamar yadda ki ka rarraba kan naki yaran saboda son rai, ƙiri-ƙiri babu jituwa tsakanin Idris da magaji saboda ke, ashe wanda ki ke zaluntar da yawa, gashi kin zo kin sake damalmala lamari" cewar babar su Idris.