أغا الريف

الأجزاء 19

أغـــــا الـــريـــف ...🍂🍁
بـقـلم : استـبـرق دانـيال و راشـيـل زيدان
الفـصل الأول :رذيــلـــة أنــثــى أذلــهــا الـحــب
𝐏𝐀𝐑𝐓  181

خطواتو لكانو غاديين توقفو على سعالها ، رجع عندها ببطئ ويديه فجيوبو متحيدوش ، وقف على راسها وعيونو على لحمها لكل انش منو كيرجف ونصف جسدها بان نتيجة شتيوة لباقا كطيح ..

كانت ساهية فنفس النقطة او بركة من الماء مركزة على كل قطرة كطيح فيها وتسبب قوقعة ، محساتش بيه زقتاش وقف حدا راسها حتى سمعات سميتها منو ..

فاروق : سعاد

جلسات وراسها فالارض مبغاش تشوف فيه او بالاحرى يشوف عيونها المدمعين ، وقفات وبدون سابق انذار ختل توزنها ولكن يدو كانت سابقاها وشدها قبل مطيح،  تنفذات من يديه وتوجهات للعلف كتهزو لاسطبل بهايم توكلهم  ودموعها محبسوش..

تنهد فصمت وتبعها لاسطبل كيشوف فيها كيفاش كتقطع لعلف وكتحطو ليهم ، طريقة باش كانت كتقطع يديها كيرتاجفو ومقدراش تحكم فيهم ، خلاوه يتمشى عندها ويوقف ورا ظهرها ويدو على يدها ويقطع كلشي شويا بشويا ..

حركتو وظهرها للاصق مع ظهرو خلاو قلبها يزيد ينغزها ، غمضات عيونها وعلى اثرهم تساقطو دموع اكبر من حجمهم، مقدراش تصبر مقدراش تزيد توقف على قدامها لفشلو عليها وفلحظة جلسات فالارض وشهقة لكانت كتماها فقلبها خرجاتها بصرخات

عمرها صغير وقلبها النابض ميسمحوش ليها تزيد دقيقة ، عاشت طفولة مزرية وكملتها بها د الاحساس لهيا معارفاش شنو كيعني كل دقيقة وكل ثانية كتفكر صورتها فدراعو قلبها كينزف شويا بشويا وكانه قرب يحتضر..

جلس فالارض جنبها محاول يعنقها ولكن كانت اقوى منو فلتات من يديه ووقفات موجهة ابهمها فوجهو وكتبكي..

سعاد : متحااولش تحط عليا يديك،  فضلتيها عليا افاروق وهزيتي  عليا يديك حيت حرقت صورتها ، بعد مني

فاروق : غرتي على وحدة من تعداد الموتى اسعاد؟

ستبع

أغـــــا الـــريـــف ...🍂🍁
بـقـلم : استـبـرق دانـيال و راشـيـل زيدان
الفـصل الأول :رذيــلـــة أنــثــى أذلــهــا الـحــب
𝐏𝐀𝐑𝐓  182

كلمتو حدات ليها للسان وخلاتو يتربط ، متنكرش احساسها لغار وشعل فيها نار ولكن مضانتش من الاموات ، صبعها لكان مرفوع فوجهو نزل شويا بشويا وعيونو لكانو خارجين هبطو فالارض وعقلها تبلوكا..

ردة فعلها محركات فيه والو ، حدو قرب ليها وشاف فعيونها لكانو منفوخين بالبكا وعليهم احمرار ، مرر يديه عليهم وعلى اطرافهم وهمس بابتسامة شبح

فاروق : حرقتي اخر صورة كانت عندي،  وكانت تذكار من شخص عزيز عليا ، كتوقعيني غانسامحك بها د دموع؟