✦ أغـــــا الـــريـــف ...🍂🍁
بـقـلم : استـبـرق دانـيال و راشـيـل زيدان
#𝐏𝐚𝐫𝐭𝟎𝟏
زمـان كـانـت فـيـه نـيـة وبـركة ... زمان كـان راجل راجـل والــمـرأة الــمـرأة ... !!
زمان كانت فيه نية وزواج البركة يوم فرحك كولشي يفرح ويوم القرح يبكي فيه الغريب والبعيد .. ايام كانت الحشمة وبنت متعتبش باب باها الى نهار عرسها .. ولخرجات تخرج بحايكها مع خوتها ..
صوت زغاريد وضحك النسا كيتسمع من بعيد .. هالي جالسة كتزغرت وتشالي بيديها لعامرة من صباعها لكتافها بالذهب الحر .. و لي واقفة فوق القعدة وكتدردك وتشالي بذهوباتها وشعرها .. ولجالسة كتفوح على جاراتها بقفطانها الهماوي ..
______
واقفة فالكوزينة كتقاد الكيسان فالصينية وعيونها مرة مرة كيمشيو لحارة فين واقفين مجمع ديال الرجال .. سهات فيهم للحظة حتى حسات بقرصة حارة فجنبها :
لالة فوزية : "قبر ما اداش سدوقزاغ تيطاوين " شوف قدامك حسن منتقبلك دوك لعينين
سعاد : " رمات زيف من يديها وتأفأت " مليت الميمة مليت وزيد عليها عييت وانا فوقما كانت شي وليمة تجيبوني هنايا نخدم " هزات كتافها " وريال لكيعطيوهني كتاخديه لبناتك
لالة فوزية : "وَصْقٓرْ أتٓااااايْدِيتْ أوْرُوتَااغْ إِلّيسْ إيْلينُو " سكتي الكلبة حسن منجمعها مع حفيدتي " لواتها معاها بقرصة " وتحركي لبسي لحايك ديالك ودي هاد سخرة لماليها يالله
لبسات حايكها بنفاخة وهزات سخرتها بين يديها وخرجات متوجهة بيها لراعي الكسيبة .. دازت من حدا رجال بسلتة وهيا حانية راس حتى وصلات لعند راعي لكان باقي شاب .. ملامحو سمرة بفعل شمس بينات عليه انه ولد البادية .. كان يرعى لغنم حتى شافها وقرب ليها مبتاسم
سعاد : " مدات ليه سخرة " صيفطها ليك الحاج اخويا حمد
حمد : " مد يديه وخداها من عندها " لله يكتر خيرو .. ويكتر خير حتى هاد زين لوصلي هاد سخرة
سعاد : " ميقات فيه من تحت لحايك وتمتمات " يخليها سلعة فيكم
حمد : " قرب منها شويا " اشقلتي ازينة البنات !! كاعما سمعتك " هز صباعو لحايكها " خلينا نشوفو زين وحروفو راه توحشناه
نتر ليها لحايك لكان على وجهها وبين زينها الهماوي .. رموش طوال ومشفرين زادتهم بالكحل عطاو لفحميتها لمعة مميزة .. شنايفها متوسطين وحمرين بالعكر الفاسي .. وحنيكاتها طبيبزين وحمرين بالشمس .. قفزات من جرأتو يالله بغات تجاوبو وهو يجي صوت من وراها خلا قلبها يهبط لرجليها
اشرف : تبارك لله على زينة البنات واقفة ليا مع رجال ؟
سعاد : " تلفو ليها لحروف " خويا !!
أنت تقرأ
أغا الريف
Fiksi Umumْْْْْ °•• أغَـــــّـــا الـــــرِّيـــــفِ ••° _ عِشقُهَا اَلمُتمَرِدُ أَضحَى بِقَلبِي أَسِّيرَ خَمـرِ شَفَتَيهَا اَلمُهلِكَّةِ ... ✨ _ بـريـشـة : راشـيـل زيــدان و إسـتـبـراق دانـيـال .. 🍂🍁 _ ممـنـوعــة الـــنـشــر بـصـفـة نهـ...
