أغا الريف

الأجزاء الثالتة

✦ أغـــــــــا الـــــريــــــف ... 🍂🥂
✦ بـقـلم : استـبـرق دانـيال و راشـيـل زيـــدان

ـ ✦ 𝐏𝐚𝐫𝐭 :21

ْ
رجع مكمل طريقو وشاد تليفون في يدوا تخبش فيه مخليها تبعاه و عيونها على تليفون متبتة بسهوة ، كانت اول مرة تشوف تليفون بدااك الحجم وبداك شكل ، صحيح انه خوها عندو لكن غير صغيور وكما فحال هدا .. بتردد وجهات ليه كلامها مخلياه انتابه ليها ..

سعاد : [ شيرت لتليفون بصبعها ]  ممكن نشدو عافاك ..

فاروق : [  بلا موبالات ] سيري براكة من تبرهيش ...

سعاد : [ قربات كتر تتمشا معاه في نفس الخطوات وبترجي قالت ] عافاك عمرني شديتوا في يدي ، بيت غير نشوفوا ونرجعو لك والله منخسرو ..

تنهد بجهد عاطيه ليها ، بينما هي خداتو بين اناملها رقيقة ولكاع مخدوشة بالشوك  والفرحة تتشع من عينيها الفحمية ، لقاتو محلول وبدات تتحرك في صبعها بحركات بطيئة خايفة تضغط على شي حاجة وتصدق مخسراه ليه و ارجع اخنزر فيها كما قبيلا .. دخلات لكميرة بصدفة وطلع لها وجهها في تليفون و عاود ضغطات حتى تشدات لها صورة فيه وهي تبدا تضرب في فخضها وتغبن وغير تتسرسب في الهضرة  ...

سعاد : ويلي ويلي تلاحيت في الأيسبوك [ الفيسبوك ]  ليوم من نتعلق من زكيكتي لخلاه لكقسم الخرية [ سترينك العقيق ] اتكملو القنب نتاع جدا ليوم ..

قرب فاروق عندها وخد تليفون اشوفها اشدارت ومالها سايرا تولول عليه وتخبط في فخاضها ، قابلو مع عيون و ضهرات قداموا صورتها في وضعية مزويناش لصورة وهو ابتاسم من غبائها وقال ..

فاروق : ملاحت في تبلاصة غير تصورتي ..

سعاد : [ حيدات يدها على خدها وقالت ] بصح متلاحيتش في الأيسبوك واشوفوني ولاد القبيلة ..

فاروق : [ قهقه برجولية من كلمة الأيسبوك كون سمعها مارك كون حيدوا ] سميتو الفيسبوك بعدا و متلاحيتيش فيه غير رتاح مغادي اشوفك حد ..

سعاد : [ قربات لاصقة فيه تتطل على تليفون وقالت ] دبا نتا عندك المصورة ياك ديك لتتصور بنادم وصوراتني تانا همم

فاروق : [ رجع تاني تضحك سلات معاك كلشي قالبة ليه سمية ] سميتها الكاميرة ، و اه عندي تبغي تصوري ..

سعاد : [ بطفولية و فرحة ] اه اه بغيت عافاك ..

تنهد مبتاسم ودورها جايب ضهرها على كرشو وراها على صدروا تحنا براسوا حاطوا على كتفها ، وجهو قريب من وجها وانفاسو في ودنها تتسمعوا ، بينما هو تغلغل عبق عطرها في جيوبو الانفيا باش استقر وسط شرايين قصباتو الهوائية لمحتاضنينهم رأتيه  .. لتقط تلاتة صور ليهم مع بعد وحدا بعد فيها وجها عن وجهها و قف ماد لها التليفون تشوف الصورة بعدما جبدها لها ...