أغا الريف

الأجزاء 16

أغـــــا الـــريـــف ...🍂🍁
بـقـلم : استـبـرق دانـيال و راشـيـل زيدان
الفـصل الأول :رذيــلـــة أنــثــى أذلــهــا الـحــب
𝐏𝐀𝐑𝐓  151

دامت ليلتهم مع بعض فهدوء هيا غفات على يديه، وهو مزاروش نعاس بكترة تفكيرو ، كتفى يخدم خدمتو بطيلي باش ميعذبهاش فنعاسها ..

        " أصبحنا وأصبح الملك لله "

طلع النهار وبلاصة مطلع شميستو بأن ضباب سود والشتاء خيط من السما ، البرد يصرفق فالوجه وبهاد الجو تعلن على دخول فصل شتاء ، ساعة كتشير لثامنة صباحا ، فقت من نعاسها وحكات عينيها بقلة الحيلة والعياء بدا يبان عليها ، جلسات ففراشها كتحك عنقها وتكح بحرقة فجوفها ، عرفات هذا وقت حساسيتها لغير تدخل شتا تشدها كومة فالفراش ، ناضت تلبس حوايجها وجمعات فراشها وفطريقها للباب غطات خديجة وسدات عليها الباب من ضو ،

دخلات الكوزينة وبانت ليها سعاد كتغسل الماعن وساكتة ، صبحات عليها ومرداتش عليها ، عقدات حجبانها باستفهام وبدأت كتوجد الفطور والهدوء كاسر المكان ، دقائق قليلة ووجد الفطور وبقاليهم غير يحطوه فوق طبلة ، جلسات فوق كرسي وهيا حاطة يديها على رأسها وكتصنت لعظامها لبدا صداعهم،  حتى حسات بيديها فوق ظهرها

سعاد : مروة مالكي صفرة؟

مروة : مريضة شويا البرد ، " طلعات فيها راسها كتشوف فوجهها " مقلقة مني

حركات ليها راسها بلا وباستها فراسها حتى غمضات عيونها مبتااسمة،  هزات من قدامها الفطور وكتحطو على الطبلة وبنفس الوقت كتخدم خدمة صديقتها وكتستف الطباسل وترتب الكراسا ، مسالاتهم حتى  تشقق عليها ظهرها ووقفات فالقنت كتسنى اسياد المنزل يهبطو ..

فطبق العلوي ، رش من ريحتو المفضلة ولبس عليه مونطو طويل فالاسود مع لبسة كلاسيك ، ركب ساعتو ورجع شعرو للور وخرج متوجه لطابق السفلي وهو كيصفر راشقة ليه ، وصل لغرفة الاكل واول مدخل وقع عينو على مكانها يشبع شوفتو منها حتى كيتفاجئ بمكانها فارغ ، جلس فمكانو وعيونو غير على فراغها وحواجبو تعقدو ..

لتاحقات البقية،  وبداو فطورهم فالصمت ، إلى هو مدازش ليه من غير القهوة سادة ، ورجليه كيتهززو بعدم الصبر ، نصف ساعة مررت يالله بداو كيخرجو واحد لواحد وكل واحد لعملو ، وقف ومشعرش براسو حتى كان واقف عليها وبدون مقدمات دخل فصلب موضوع

كريم : فيراها ؟

كانت ساهية وتخميمها غير مع ديك المرأة حتى وقف عليها كيف قباض الرواح ، ضهشرها وكمل عليها بديك تخنزيرة فملامحو ، سرطات ريقها موجهة اصبعها الكوزينة بلاما تنطق،  اما نو محتاجش يشكرها وقلب خطاويه لمطبخ ..

أغـــــا الـــريـــف ...🍂🥂
بـقـلم : استـبـرق دانـيال و راشـيـل زيدان
الفـصل الأول :رذيــلـــة أنــثــى أذلــهــا الـحــب
𝐏𝐀𝐑𝐓  153