أغا الريف

الأجزاء التاسعة

Rachel Zaidane ✦ أغـــــــــا الـــــريــــــف ... 🍂🥂
✦ بـقـلم : استـبـرق دانـيال و راشـيـل زيـــدان

ـ ✦ 𝐏𝐚𝐫𝐭 : 81

هبطات مع الدروج تتطير وعلى شفايفها ابتسامة عريضة بينما في يدها قطعة نتاع شكولا ، داارت في الدورة قاصدة الكوزينة وهي تصادف مروى وجهها صفر  وغوباشتها معقودة ، الا وقف قدامها شي واحد تقتلو بالفقصة و الخوف لراكبها من جيهت الجدة الا عرفات حفيدتها مباتتش مع معاها ومكاين تا خبار عليها ..

هزات عينيها بصدفة وجاو عليها هي لجاية قاصدها وتضحك ، حيدات سندالتها وقصدااتها بغفلة نازلة عليها بضربات متوالية  وحدة تلوى الاخرى مخلياها تتجري هاربة منها و هي تتوح وح بالم في حين مروى تتضرب وتنگر واصلة بيها العضم بالاعصاب ...

مروى : انعل طواسلك يا الكلبة  فين غابرة لدابا مي فوزية من صباح ربي وهي تسول وانا نخبر عليها في خبير انا براسي معارفة جوابو ..

سعاد : [ كتحك في تر متها و تغبن ]  اااي واش جهلتي اويلي ، نتي لبارح مبيتاني لبرد وعلى ضس وتتسولي فيا فين غابرة .

مروة : [ وهي ضاغطة على مخارج حروفها ] وانا درتها لك بلعاني نتي عارفاني كنتمى ناعسة ...

على اتر هد الكلة كان مار كريم من وراه وسمعها وضحكة فلتات ليه حت هدا هو اخر نوع من بنادم كان تتسنى اصادفو ، قفزات بسرعة ملتافتة وراها و كيف شافتو تضحك خنزرات ناطقة ..

مروى : [ وهي هازة حاجبها فيه بعصبية ] يكما كنشطح القرودة في جامع الفنا  ومفي خباريش ..

كريم : [ جمع الضحكة تشوفيها ، وقرب بخطاويه ليها اكتر بينما هيا بقات واقفة جامعة يديها لصدرها وتعابيرة مخصرين ] لسانك سليط وقلتها ليك ، طال زمان ولا قصار نقطعو ليك [ طلع فيها ونزل بنظرات سخرية قايل ] قادي ليا ليا قهوة وجيبيها لي الجردة الخدامة ...

لقى عليها كلامو وقلب ادراجو راجع مناين جا في حين هي خبطات رجليها بغيظ من كلامو وشوفات لشافيها وعبرها بيهم كأنها عا•هرة  ، لتافتات لسعاد لقاتها كتخشي فوجهها الشكلاط مدارياش بلي داير بيها ولا لكان كتقال لصحبتها .. محسات على راسها حتى هزاتها معاها بقرصة حتى غوتات تتبكي و قالت

مروة : [ شيرت بيدها قدامها ] قدامي لعند جداك ، وسرسبي لكلام فين بتي لبارح ومعامن وشكلاط لفي يدك مناين جاك ؟؟ وياك تكدبي نقولها لمي فوزية هي تفاهم معاك ..

سعاد : [ وعيونها السود كسبحو في بركة من الدموع ويدها على فخضها تتبرد في القرصة ] ااااحححح اعطيك الگرد لحمي طايب و نتي زايدة عليا .. [ شافت فيها بنص عاين وقالت ] نعست في بيت القايد فاروق وهو لعطاني شكلاط  ...

مروى : [ خرجات عيونها خابطة جنابها بجهد ] اااويلي يكماا طيرهااااا

سعاد : " بنظرات مبهمة " شنو غايطير