أغا الريف

الأجزاء 11

أغـــــا الـــريـــف ...🍂🥂
بـقـلم : استـبـرق دانـيال و راشـيـل زيدان
الفـصل الأول :رذيــلـــة أنــثــى أذلــهــا الـحــب
𝐏𝐀𝐑𝐓  101

ما من جواب الصمت لحتل المكان و صوت بكائها مع شهيقاتها الصغار لتخرجو متقطعين هو لمسموع في الغرفة ، افكار كتيرة تتدور في عقلها و اسئلة اكتر من بينها علاش هد التعامل القاسي و التقليل و الاهانة لمتتفلتش منهم في كل مشكل توقع ليها ، من ديما تشوفوها غالطة و مصالحة لوالو واش لهد الدرجة هي غير زايدة و بدون منفعة ؟ واش عمرهم اقدرو اعاملوها كيف تعاملو لاخرين بقيمة ؟ ...

حتى خوها لوحيد لتتحسو قريب ليها و تفهمها بلما تهضر و حاطاه في متابتة الاب نتاعها  ها هو بين ليها وجهو و دقتو ، بتاسمات بسهزاء ومرارة  وجهها كلو مجلخ بدموع بينما جنب شنايفها وانفها سايلين بد"م و شعرها الاسود الحريري حالة اخرى تخربق و رجع واقف .. نطقات كنزة بكره و غيظ و يدها في شعرها حطاتها جابداها منو حتى تآوهات  مخسرة سيفتها بالم ...

كنزة : [ وهي ضاغطة على مخارج حروفها ] ندمت قد شعر لفي راسي على نهار لولدتك فيه ...

خديجة : [ ببكاء ] معرفتكش واش نتي يما ولا عدوتي لتتعامليني هكا ..

كنزة : [ حطات يدها على فكها ضاغطة عليه بقوة ] درتي وبزاف ديما كنت تنتمناك تهزي براسي قدام ناسو ونتباها ونقول بنتي دارت وبنتي فعلت لكن نتي درتي العكس و طيحتي بوجهي قدامهم كاملين و اولهم  مرات عمك

خديجة : [ حطات يدها على يد كنزة تتحاول تحايدها من فكها و هي تتشهق ] نتي همك غير تباهاي ، عمرك فكرتي فيا ولا حنيتي عليا ، ديما تتنقصي مني وخا انا درت كتر من جهدي باش نكون لبنت لتتمناي ..

كنزة : [ طلقات منها بزعاف ناطقة ] اش درتي اش ؟! ياك لكنقولو تديري عكسو ، نهار جاك ولد رايس عريس وقلت لك وافقي مشيتي تتجري لعند خوك حتى رفضو ..

خديجة : [ قاطعاتها ببكاء ] نتي باغا غير تزوجيني لداك الشارف نتاع ولد رايس ، مكتقوليش نقربها مني ونعطف عليها راه معندها حد غيري ، وخاصني نكون ليها ام واخت وصديقة .. لا نتي همك غير تباني على مرات عمي و على نسا القبيلة ..

كنزة : [ كلامها لكان حقيقة ستفزها و خلاها بدون شعور ترفع يدها للاعلى ناوية تصفعها ، لكن حسات بيدها تشدات ويد على كتفها تحطات ، لتافتات ليه تتشوف فيه بعصبية ] حايد يدك مني نربيها و نوريها قلة ترابي بشحال تتقام ..

اسماعيل : [ تنهد جابدها ليه مخليها تمشى جنبو و هو تخطي قاصد الباب ] صافي امرات عمي لفيها كافيها تهدني ومتجهديش على راسك راك مريضة ، غير سيري لبيتك رتاحي انا انهضر معاها ..

كنزة : [ لتافتات ليها تتحلف فيها بيدها ناطقة ] الا بقات فيك ابنت كرشي راه مولد فيا ولد الزين غير الخلى ..