أغا الريف

الأجزاء 34

أغـــــا الـــريـــف ...🍂🍁
بـقـلم : استـبـرق دانـيال و راشـيـل زيدان
الفـصل الثاني : ما ذنـبي اذا انـحى قلبـــي لجـلالـتك ؟

#331

ْ

ليل طاح وستقرو نجومو ، وراها طلعات شميستو وستقرات فسماها زرقة ونورات عليهم بنور ، أشعة شميسة دافية داخلة لكل دار من ديور مغربية ، كاين لجالس كينشر وينمم ، ولكيرعى غنمو ومعري يديه يتمص فيتامينات طبيعية ،

تعشات لعشية وجا ليل وسقطات شميسة وتبعها ليل طويل ، بجو بارد وشتاء خيط من سما

بين حيوط مبنية من طين ، صوت بكاها كيتسمع فارجاء ، وصوت ترجيييها بهمسات منخفضة ، لحمها طايب بالعصا وزروقيتو باينة على لحمها رهييف ،،

يا ما تسلخا"ت وكلات حتى فرقات ولكن هاد المرا !! غير كل لمرات ، دخلات عليها وعكازها كيتقرقب فالارض ، وبين يديها لبسة بيضة عليها طرز خفيف ..

شافت فيها بحدة كيف حدة قبضتها على داك لباس لفور وصلات عندها رماتو عليها بعصبية ..

" شدي لبسي عليك الخطاب جايين والعدول فطريق سربي "

طلعات راسها فيها وعيونها معمرين بدموع ، حركات راسها يمين شمال وعلى لسانها غير مابغيتش :

" مابغيتش ايما مابغييتش ، بغيت لقايد وهو لغاندييه "

مشعراتش براسها حتى غوتات فوجهها وعكازها ترفع لاعالي سماء واسمعات شحطة على لحمها متبوعة بغوتتها :

تراابي لربييتك ابنتي دوزتيي عليها بموس حااافي ، رجعنا فلقبيييلة لغادي والبااادي كيقول دار لكبييرة دخلوها خدامات كيعريو بين رجليهم ودابا كتقولي ليا بغييت ولد شان ولهمة غايششوف فيك المعزة شارفة هااا؟ لبسيي عليك تحركيي
قالت كلامها لكان كيف سهم دخل بين ضلوعها وهتارق قلبها صغير ، رمات عينيها على ثوب وطاحو وراها دموع ودموع ..

بين ليلة وضحاها ، وبين ثانية ودقيقتها ، وبين رمشة عين وسقطة دمعة ، تبدل قدرها من حضنو دافي لبين حييوط باردين ولعصا فصبح وغذا وعشية وليل ،

كلمة وحدة كانت كافية تخلي قبيلة تقلب سفاها على علاها ، كلمة زنا ولعهر فدار كبيرة ، خلات كل قبيلة تدوي عليهم وعلى كلام لخرج من بين ناسها ولعندها شي بنت كتخدم تم خرجاتها وخشاتها تحت باطها ..

ْ

يتبع .... 📚🖋

#332

فبيت تاني من ديور قبيلة اركمان،  جالسة جنب الباب وكتشوف فالغادي وجاي فنصاصات ليل ، وتحت عيونها هالة سوداء ، وجهها شاحب ومافيهش نقطة د"م ، كيف شفايفها بيضاء ولمافيهش حس روح ...

روح ! اي روح غاتكون فيها وهيا نفسها كطلعها بزز وكتشوف فاخر ذكرى ليه وكلما طاح على بالها تدرف دموع ..