بارت ١٩
شموخ : وميلاف ؟
فلك : علامها
شموخ : كيف نروح ونخليها
فلك : تعرفين عاد مب جوها هالحركات بتعلم علينا اكيد
ريما وهي تلبس عبايتها : يلا بروح اقول لجدتي بنتسذب عليها -ورفعت يدها - يارب اغفر لي
الصاله ..
دخلت ريما : ياجده
الجده ام خالد : هلا
ريما : جدتي دقت علي قالت تبغاني ف شيٍ بخلي البنات يجون معاي
الجده : طيب - ومسكت إذن ريما - من بيتي لبيت جددتس يمين يسار مافيه فاهمه الدشره الزايد خلوها عنكن
ريما بألم : ابشري
عند البنات ..
دخلت ريما : يلا قدامي .. حسبيا الله عليكن ضحيت بإذني عشانكن
المها يضحكه : يلا فدا كله يهون للبقاله
ملاك وهي تلبس عبايتها : يلا بنات على هونكن لا اسمع حس بنروح مع الباب الخلفي
-عند ميلاف وساره-
ساره بهدوء : معليك منهن عديمين الثقافه ..تراي اقرا كتب زيتس
ميلاف بحماس : تعرفين كتاب رسائل من القرآن
ساره بصوت متألم : ايه اعرفه قريته زمان مع زوجي
ميلاف تورطت : اءء الله يفرج عنه
ساره : امين يارب .. بس تدرين خوفي مِن مين ؟
ميلاف : مين
ساره ببكى : فراس ياميلاف .. فراس الي بيعقد المشاكل اكثر .. يا إنه متوعد فيه .. وهو مايعرف السالفه كامله
ميلاف : طيب ليش ماتحتسينن عشان نفهمم
ساره :مقدرر .. مير اتحراه يطلع ونشوف بعدها
ميلاف : طيب مافكرتي تزورينه حتى
ساره : ولي وجه ازوره بعد سواد الوجه الي سويته .. بس بحاول ازوه المشكله رافضين يودوني مير بشوف عبدالله احس انه الوحيد الي اقدر اثق فيه
ميلاف : الله يستر بس
في الحوش ..
البتال لف لعبدالله وحاوط رقبته بيده : اخي الحبيب يارفيق غربتي ..يا من اناجيه في ليالي وحدتي الموحشه
عبدالله رفع حاجبه : خير
البتال بدون مقدمات : ابي فلوس
عبدالله : ليش
البتال : بس تسذا ياخي حلو شعور ان يكون معتس فلوس
عبدالله : تسذاب .. اعرفك بتحطها فالدخان والأشياء الي مالها داعي
البتال : ياخي حلفت والله معد بدخن ياخي
عبدالله : وبعدين لين متى بنقعد نصرف عليتس شد حيلك بدراستك تشان تتوظف كود يصير منك فايده
البتال : اعرف امي اذا قلت لها بتقلبها تحقيق
عبدالله مسك راس البتال و بنبره حاده : شوف يا البتال .. مو عشان ابوي طلق امي تصير سربوت تسذا اقسم بجلال لو تسوي شيٍ مب زين لأتوطى ببطنك - ورمى عليه مية ريال - خذها وانقلع عن وجهي
البتال اخذها : الله يسامحك بس لهدرجه مافيه ثقه
عند العيال ..
دخل سيف وجلس جمب فراس على نفس المركى وبسرعه سحبها : مابيني وبين رفيقي مركى
فراس الي كان متكي عليها وبيده فنجال شاهي انكب على يده كله : حسبيا الله عليتس يالحماارر
سيف بورطه : ما انتبهت والله
فراس : الحمدلله انه دافي بس ولا مديني فرغت الدلّه على راسك
براك قام : عاد انا استأذنكم .. بروح اشوف اهلي
الجد : ف امان الله ياولدي
حارب بصوته الحاد : الا بيت مَن الي ورا بيتكم .. استغربت مافيه غيره
الجد بحزن : ايه بيت رفيقي بو نوال الله يرحمه مات وهو ماعنده عيال مير بنت جابت له حفيدته وماتت
حارب : وذحين مين ساكن فيه
فراس استغرب من اسئلته وقال بإختصار : حفيدته وحرمته
عند البنات ..
المها بخوف : يا الله يا بنات احس جبنا العيد
شموخ وهي تحاول تستقوي : علامتس خوافه تسذا ولا ترا بنرجعتس
المها : لالا خلاص معكن
ريما وهي تمشي بثقه : لاتخافون بحميكن
فلك : انتي اول وحده بتندعسين معنا
رتيل : احس اننا كثار ليتنا تقسمنا بالبيت
ملاك بضحكه : رايحين نغزو بقالة ابو مرزوق
ترف : اقصري صوتتس فضحتيناا
المها : وين البقاله
إيلاف : لسى ما وصلنا
ريما مسكت المها وأشرت لبيت : عاني هذا بيت سلوى حسبيا الله عليها
المها : تخيلو نقابلها ذحين
فلك : سدي حلقتس لاتنكدين علي والله لأحشي هالتراب بفمها
ملاك بتعزيز : اخس ياقوويه انتي محد قدتس ..عاد سلوى جايينها بنات عمانها مدري اذا وصلو ولالا بنعلن الحرب
رتيل لفت للمها : عانيها ذي البقاله
المها تتلفت : وينها
فلك : قدامتس الباب الصغير ذاك
المها فطست ضحك : تكفوونن وانا احسبه باب بيت
ملاك بأسى : قلنا لأبو مرزوق مليون مره يحاول يغيرها مارضى
ريما : هيا ذحين بتقابلون البنقالي الي يبيع الله يعينا عليه يا انه ابو لسان كل مارحت البقاله تناقرت معه
شموخ : الظاهر سلوى مسلطته علينا
فلك شهقت : بنااات عز الله بنروح فيها
البنات شهقو بخرعه : وشوو
فلك : ابوو مصلح نقاال علوم الديرهه عانيه قدام
ملاك حطت يدها على راسها : يويلي ويلاه امي بتمحطني
ريما سوت نفس حركة ملاك : يويلي بيروح يعلم جدتي علي وبيمحطني جدي معتس
المها : اسمعو بنات ريلاكس
ريما : وشو ريلاكس ذا
فلك : يعني استريحي
المها : نسوي نفسنا مجانين ونمشي كأننا مانشوفه
شموخ : بس هذا يعرفنا وحده وحده حسبيا الله عليه
المها : بنات تكفون ابي افلها معكن ياخي
فلك دقت الصدر : لا تقولين تكفين نخوتي وشجاعتي ماتتحمل يلا قدام والي يصير يصير
عند الحريم
الجده : ياحصه
ام فلك : يالبيه
الجده بقلق : دقي على ام نوال ابطو البنيات
ام فلك : عادي يمه كود زان لهم الوضع هناك وتكو
الجده : ابك دقي عليها ابي اتأكد ما اثق فالسربوته ريما
غزلان بضحكه : حرام عليتس يمه .. وبناتنا سرابيت معهن
ام فلك مسكت الجوال ابو كشاف ودقت : يمه ماترد
الجده بإصرار : اجل ارسلي فراس
ام فلك : طيب - ودقت على فراس -
فراس : هلا
حصه : اسمع
فراس : سمي
حصه : البنيات راحو عند عمتي ام نوال كلهن وابطو علينا وامي شايله همهن ندق عليهن ما يردن وعمتي ماترد ..رح لبيتها تأكد وينهم
فراس : ابشري
حارب : علامك
فراس بضحكه : بناتنا مفقودات بروح ادوّر عليهن
حارب بصدمه : بناتك ؟
فراس : امزح معتس بنات خواتي اعتبرهن بناتي بنروح للبيت الي ورا تخاويني
حارب : قدام .. - لف لنواف الي كان يلعب بلوت مع العيال - بتخاوينا
نواف : وين
فراس بورطه : نفرفر
عبدالله: صاحين انتم احد يفرفر بذا الشموس
فراس : كيفي ياخي
نواف قام : ايه بروح
فالحوش ..
نواف : وين رايحين
فراس : بناتنا مفقودات بنروح ندور عليهن
نواف حط يده على راسه : يويلي اكيد اختي معهن
فراس : لالا ان شاءالله
حارب : بنروح بسيارتي احسن
فراس : ايه حر
توقعاتكم ؟
لاتنسون تضيفوني ببقية حساباتي💕
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
