المها رفعت يدها وما كأنها فجعتهم : ابد ماسويت شيط
نواف بصدمه : تسذابه يبه ..جتنا تلهث وتقول الحقو ابوي يبغاكم ومدري وش اخلعتنا حسبت فيه شي
عز حس براحه : الحمدلله مافيه شي
ام فلك جت ونزلت صحن فيه اكواب عصير بارده : ماينعرف لكم غير المها عاد
نواف ابتسم من شاف العصير : وقته
عز : جا يبرد تسبدي من الخرعه
بو نواف تكلم : اقول اسمعو .. اليوم خويي بو فلك داقٍ علي عازمنا باتسر فالديره .. يقول انه عمه بو خالد مسوي عزيمه بمناسبة جيتهم .. وقال يبغاني في شيٍ مهم .. وعزم معاي عمكم رعد وحارب ولده .. وانتم بعد معزومين تسان تبغون تجون
المها بأبتسامه : الله يبه .. اكيد بروح
ام نواف بصدمه : بس يابنت .. انتي لزومن تحشرين خشمتس عند كل الناس .. (ولفت لبو فلك ) مانيب مجنونه نروح..الحرمه توها جايه اكيد تبغى تقعد عند اهلها لحالهم ..
المها كشرت : بس يمه انا ابغى اروح ابي اقابل بنات خالاتهم دايما يسولفون لي عنهم ..
ام نواف هزت راسها برفض وعصبيه : لا ..بكرا اذا رحتي بيقولون وين امتس ..كيف تجين بدونها ..وخذلك من سوالف الحريم الي ماتخلص
بو نواف بأستغراب من ردت فعلها : بس علامتس عليها شوي بنتفاهم بموضوعها ..
وبسرعه قامت المها متوجهه لغرفتها بزعل ..
بو نواف لف لعز ونواف : هاه وانتم؟
نواف : ايه بروح
عز : ما ابغى اروح طفش هناك .. ابقعد مع اخوياي
بو نواف : خلاص طيب ..
نواف قام : انا بروح اشوف المها الله يهديتس يمه ضيقتي خاطرها..تسان قلتيها بطريقه الطف شوي وشوله هالعصبيه
ام نواف : مب عصبيه بس هذا الصدز تبغى تفضحنا عند الناس
ابو نواف بنرفزه من أسلوبها : ما اشوف انه فيه فضيحه .. تعطيهم اي عذر وانتهى
عند المها ..
مسكره الباب بالمفتاح ودموعها على خدها .. تتمنى ان لها خوات تسثيرر تسولف معاهم وتضحك .. تبغى تتعرف على ناس بعمرها ..صديقاتها تحسهم ساحبين عليها ..
نواف وهو يدق الباب : مهاوي حبيبتي افتحي الباب
المها بصراخ : ما ابببغغىى ياخي خليني ف حالي لو سمحت
نواف استغرب من صراخها وعرف انها زعلانه لأقصى درجه : المها افتحي .. بقنع امي ذحين والله بتوافق..انتي ماعطيتينا فرصه نتكلم
المها بعصبيه وصراخ : نوافف ..انت ما تفهمم خليني فحالي خلاصص .. وقول لأمي مانيبب راييحهه
نواف يدق الباب بعصبيه : المها افتحي الباب لأكسره فوق راستس..قلت لس بقنعها ماتفهمين
لحظات وتتقدم المها والدموع على خدها تفتح الباب ...
المها بنرفزه : خير
نواف دخل وسكر الباب مصدوم من شكلها وانفعالها على هذا السبب ..الي يشوفه سخيف بس بالنسبه لها لا
نواف حاضنها وهو يمسح على راسها بحنيه : يوه مهاوي كل ذا عشان بتروحين ..
المها وهي تحاول ماتبكي بس انفجرت منها شهقه : ا ..ابغىى اروحح عندهم ياخي .. د..دايما فلك وإيلاف يسولفون لي عن خ..خالتهم ..وبنات خالاتهم وكيف يحبون بعض ن ..نواف انت ماتفهم شعوري او..قات اغار منهم ..تسيف عندهم خوات وعائله تسثيره بأعمار بعض
نواف وهو يمسح دموعها : خلاص يختي ماقوى على دموعتس .. تدرين اني وافقت اروح عشانتس
المها برفض : لالا نواف ..لاتغصب نفسك على شي عشاني.. مانيب رايحه خلاص
نواف بإصرار : الا بتروحين غصب عنتس فاهمه..(وبضحكه ) بعد ما وافقت عشانتس بتنكبيني
قاطع كلامهم صوت دق الباب ..
بو نواف : مهاوي ..
فز نواف يفتح الباب وبسرعه تقدم بو فلك يحضن بنته
بو نواف بصوت حنون : مهاوي بنيتي الوحيده .. والله ماتنزل دموعتس دام راسي يشم الهوا ..اجهزي ثيابتس باتسر بتروحين
المها برفض : خلاص يبه ماني برايحه بدون رضى امي
بو نواف بأصرار : الا بتروحين .. وامتس اقنعتها انا
نواف تنحنح وباستهبال : تراي اغار يعني عبروني
بو نواف بضحكه : لا الدلع هذا لبنيتي بس
دخل عز وبسرعه رمى كيس مليان بشوكولاتات وكيندر ومشروبات ..وكل نوع تحبه المها .. قلك يراضيها بس زاد الطين بلّه
ومن سوء حظ المها جات تحديدا وسط وجهها .. وبسرعه نزل دم من خشمها
بو نواف بخرعه : لابارك الله فيك ياعز وش سويت ببنيتي
المها بألم وهي تتلمس خشمها : آآخخ .. (وبصراخ )يمااااه وشذا الي بخشمي ددمم
عز بورطه : يويلي ..والله معليش شفتها زعلانه قلت أجيب لها شي تسذا
نواف بسرعه مد لها منديل وقال : ليتك موفر فلوسك
بو نواف وهو يمسح الدم : بغيت تكسر خشمها يالدلخ
نواف : الظاهر انه انكسر
الديره..
ملاك جايه تركض لهم وبيدها مجموعة فساتين
وبحيره قالت : وش اختار كلهم حلوين
فلك بسرعه قالت : الاصفر امسحيه من مختس انا جايبه معاي زيه ملابسي محدوده يويلك تلبسينه
إيلاف وهي تفكر : شوفي البنفسجي الي عليه ورود حلو
ميلاف بهدوء: من رايي الاسود حلو مع اكسسوارات فضيه
ريما (بنت جارتهم يتيمه عايشه عند جدتها) : اتفق معاها حلو
ملاك بقهر : ايه بس اكسسواراتي الفضيه مو عاجبتني
ساره حبت تشارك وبتوتر قالت : ا..اقدر اعطيتس حقاتي اذا تبغين
ملاك بسرعه حضنتها : ثنكيو ..افضل اخت وربي
الجده وهي ناقده : وش هالتسلمه ثكنو مدري تسيف تنقال حتى احتسي زين يا مره
ريما وهي تضحك : ياجده اسمها ثنكيو معناها شكرا بالعنقليزي
الجده بعصبيه : احتسو زين لا اسمع هالتسلمه مرةٍ ثانيه سامعين
ريما وقفت ومسكت عبايتها : انا بروح البيت نتقابل باتسر أن شاء الله
فلك : ياويلك تتأخرين
ريما ضحكت : معليتس من اوائل الناس
الجده: بدري تعشي عندنا
ريما : كثر الله خيرتس يا جده بس جدتي متوعده فيني لزومن اروح اغسل الملابس ولا بتعصب
..قلت اجي اسير عليكم
الجده : حياتس الله انتي بحسبة بناتي وسلمي لي على أمتس
ريما : يوصل ان شاءالله..هيه ساره لاتنسين باتسر تراتس انتي اللي بتصلحين شعري
ساره وهي كانت مو منتبهه : هاه..اي اي ان شاءالله معليتس
ريما بتشميقه : واضح كدينا خير ..اقول يلا يلا مع السلامه
الجده: ماقدر اخليتس تروحين لحالتس فلك روحي اصبري لها من عند الباب
ريما:لا ياجده والله اقدر اروح لحالي معليتس
الجده بأصرار : اقول ولا تسلمه روحي يا فلك
فزت فلك جابت الطرحه تتلثم بها.بحكم انها كانت تلبس قميص روز ساتر
فلك بطقطقه : يلا قدامي ريما لاتخافين بحميتس من الوحش
أنت تقرأ
لا تباطيتي بوصلك ..والبطى ماني خويٍ له
De Todoتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
