بارت ١٥
بعد انتهاء العزيمه كل الضيوف تعشو وراحو بيوتهم المها بو نواف وولده وبو حارب وولده..
عند البنات ..
ريما قاعده تحاول تقنع جدتها انها تنام عندهم الليله
..
جدة ريما بعصبيه : قلت لتس لا يعني لا ماتفهمين انتي ويلا قدامي للبيت هذا عقاب لتس انك فضحتينا مع ام سلوى
الجده ام خالد: جزاتس الله خير ذكرتيني بعقابهم
ريما : تكفييننن ياجده والله بتفوتني السهره
المها : الله يخليتس ياجده وافقي عشانيي
جدة ريما: طيب بس ترا عشانتس انتي بس
المها وهي تبوس راس الجده : الله يخليتس لنا
ريما بحماس : يسس اخييرا
جدة ريما : تعالي عاونيني بالأغراض بنوديها البيت وارجعي
ريما : يلا يلا اصلا بجيب العود
غزلان بضحكه : اما عاد واضح فيه جلسه طربيه اليوم
عند العيال ..
دق جوال حارب ووقف : استأذنكم عندي مكالمه مهمه
فراس : خذ راحتس
حارب طلع ورا البيت منها يكلم ومنها يشم هوا شوي
بيت جدة ريما ..
ريما وهي شايله العود بيدها وجوالها بيد ومتلثمه بالطرحه على وجهها بحكم ان بيت الجده قريب منهم مايحتاج نقاب
الجده : انتبهي لنفستس صارلي كم يوم اسمع صوت تسلاب هنيا
ريما : افا عليتس ياجده وإذا احتجتي شي دقي علي انا معلمتس كيف تدقين علي
الجده : ايه مانسيت
وخرجت ريما متوجهه لبيت الجده وكان ظلام يادوب تشوف الطريق .. وهي تسمع اصوات كلاب بعيده صح توترت شوي بس ما اهتمت .. الا فجأه تشوف مجموعة كلاب متوجهين حولها .. ريماا بسرعه راحت ركض والكلاب وراها وتطيح وتقوم وتطيح وتقوم وهي تصارخ : تكفووننن اللحققوونييي بموتتت .. ويطيح العود من يدهاا وللاسف كان هو الشيء الوحيد الي بقى لها من ابوها .. حاولت تمسك العود وتجري بس ماقدرت
عند حارب ..
الي خلص مكالمته وسمع صياح ريما وبسرعه ركب سيارته متوجه لها وهو مشغل كشافات السياره يدور عن مصدر الصوت .. واول ماشاف مجموعة كلاب توجه لهم وبسرعه الكلاب شردو .. نزل من سيارته متوجه لريما الي كانت قاعده عالأرض كاشفه وجهها مو مستوعبه الموقف ودموعها تنزل وعبايتها مليانه غبار
حارب بأستغراب : علامتس انتي
وبسرعه ريما حاولت تبعد عنه وتغطي وجهها وهي جالسه : وخرررر عنيي لاتقربب مني فااهمم
حارب رفع يدينه : عليتس امان عليتس انتي في وجهي
ريما وهي تحاول تستقوى : يرجال وش ابي بوجهك وخرر عنيي
حارب بعد وقال : عليتس أمان يابنت الاجواد وش قومتس انتي وين بيتس ؟
ريما اشرت لورا تقصد ان بيتها ورا وبسرعه تذكرت انها ماتقدر تروح بيتها لان اكيد جدتها بتخاف عليها
حارب : تبين اوصلتس بيتس ؟
ريما : لالا جدتي اكيد بتخاف علي
حارب بنرفزه : اجل انتي وش مطلعتس بالليل هذا هاه
ريما : مالك دخل انا كنت بروح اصلا بيت جدي بو خالد
حارب : خلاص طيب هو ورانا روحي وانا بنتبه لتس
ريما تذكرت العود حقها : تكفىى تكفى طلبتككك
حارب بحزم وهو صاد : ابشري بالسعد
ريما بدموع :الله يخليك دور معاي عود توه كان معاي مدري وين وديته هو الشيء الوحيد الي عندي من ابوي فلاش جوالي ضعيف ماقدر اشوف زين
حارب : كشافات سيارتي شغاله هالحين بدوره انتي خليتس بسيارتي اهدي وانا بدوره
ريما بصدمه : صاحي انتت والله ما اركبب بسيارتس لوو ايش خلاص لو سمحت روح واناا ادوره العود حقي لحاليي
حارب تكى على سيارته وبأبتسامه :مو توتس تحتسين الله يخليتس دور معاي ومدري وش وش غير رأيتس
ريما : مالك دخل خلاص روح ماتفهم ياخي انا بدوره
حارب بضحكه : لعلمتس ترا مابسوي فيتس شي ومن زينتس اصلا ولا ترا بخلي التسلاب تجيتس
ريما : تطقطق علي يعني هاه
عند العيال ..
البتال وهو يلعب بجواله : لاااااا
نواف وسيف فزو بخرعه : علامك
البتال : خسرتتت
عبدالله : معوض ياخوي
منصور وهو منسدح : متى بترقدون
فراس : مدري والله متى ماجانا النوم
عبدالله : شرايكم نسهر فالحوش ونشب الحطب
براك : يرجال انت فاضي عمي اليوم كارفني كرف معد احس بعظامي
فادي وهو بحضن نواف : ابى ماما
عبدالله : روح عندها طيب
دخل جسار وجلس جمب اخوه منصور
منصور بضحكه على حجمه الصغير صافحه : هلا بالعضيد
جسار : هلا بك .. صبو لي دهوه (قهوه)
فراس : انت فاضي قهوه مع ذا الليول ذحين ماترقد رح رح لأمك خلها تسوي لك رضاعه
جسار بغضب : انا ما اشرب رضاعه انا شيح (شيخ)
نواف وهو منهار ضحك : ايه ايه شيخ مين قال لك
جسار : ابوي يقول لي اني شيح
منصور لف لنواف : يرجال لاتضحك عليه لاتحطم ثقة بنفسه خليه يعيش دور الشيخ
عند بو فلك وبو نواف ..
بو نواف : ايه وش موضوعك
بو فلك : الموضوع يخص ولد عمي فراس وثنين من اخوياه
وقعد يشرح له السالفه بالضبط ..
بو نواف : خلعتني الله يهديك طلعت ذي السالفه كان قلتها لي بإتصال ..عالعموم يبشروونن بالسعد وانا اصلا عندي نقص موظفين وتسذا باتسر بنتكلم معاهم بهذا الموضوع لان ذحين راسي مصدع ابي ارقد
بو فلك : طيب وماتقصر يبو نواف طول عمرك نشمي
بو نواف وهو ميت نوم : رح رح يرجال خلنا نرقد ذحين ماني قادر استوعب شي
عند البنات ..
المها وهي تسولف لهم عن سالفة عز الي امس بغى يكسر خشمها ..
المها : الحمدلله الآثار راحت ولا مديني ماجيت
إيلاف وهي منهاره ضحك : تكفيينن وصامله تجينن لو انا مكانتس انصرع اسبوع
المها بضحكه : شنسوي والله كنت ابغاكم
ترف وهي تضحك : ليته جابها براستس كود تفكرين زين
رتيل : حرام عليتس
شموخ : ريما طولت غريبه
فلك : تلقين جدتها مخليتها تغسل المواعين عشان تجي معليه الليل طويل لاحقين عالسهره
عند ريما وحارب ..
ريما الي تحاول تدور العود بسرعه وتفتك من حارب لانها خايفه منها بس ماتبغى تبين ..
ريما : عساك ما دعسته بسيارتك ذي
حارب : لا معليك وبعدين اخلصي تعالي السياره خليني ادور تراي بروح واخليتس
ريما : روحح بلا رجعه تحسبني ميته عليك
حارب ركب سيارته وطفى الكشافات
ريما :الله ياخذك ياخي ليش تطفيها كيف ادور ذحين
حارب : مشكلتس تصرفي وانا بروح وانتبهي من التسلاب لاتجيك
وحرك سيارته شوي وهو ناوي مايخليها اصلا ..
ريما وهي ماسكه البكيه تكره احد يلعب بأعصابها تسذا تحسه يحاول ينرفزها ..
ريما وهي تبكي : روحح ياخيي روح ماتفهمم خلاص انا بدوره لحاليي دامك بتذلني بكشافاتك ذي عساها تخربب ..
يتبع ..
تعليقاتكم تهمني
ولاتنسون تضيفون بقية حساباتي 💞
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
