النجمه والتعليق يهموووني 💕
قراءه ممتعه
البتال بعدم اهتمام: لا والله احسن
بو مصلح بصراخ : وااه ياظهريي انكسرر
فز الجد بخرعه بتساند على عكازه : علامك علامك
بو مصلح بصراخ : تزحلقتت بمااء منهو الي كاب ما هنيا آخ ياظهري
بو حارب: الظاهر انه الورعان .. سلامات سلامات
بو فلك ناظر فادي و جسار الي كانو بالزاويه جسار يبتسم بخبث و فادي جمبه : والله اني داري ..تسلم يمناكم انفداكم
الجد : يبو مصلح تقدر تتحرك
بو مصلح بألم : مقدرر مقدرر
بو نواف : السياره مع نواف المشكله
بو حارب : انا معي سيارتي يلا عالمستشفى
البتال توجه لهم ببرود : ماله داعي مستشفى هاللحين نجيب لك احسن كيسة ثلج وأمورك فالسليم
بو مصلح : اقوولك مقدر اتحرك الموت
البتال مر من عند بو مصلح وسوا نفسه دعس على رجله : اووه بالغلط
بو مصلح بصراخه الي ملأ المجلس: رجللي وظهري
الجد : يويل حالي انت وش سويت بالرجال
البتال : بالغلط
وبدأ بو نواف وبو فلك يحاولون يشيلون بو مصلح وبو حارب راح يشغل السياره
بو نواف بتعب وهو ماسك بو مصلح : انت وش مفطر اليوم
بو مصلح بصدمه وألم : ماالك دخلل ..واه يارجلي
بو فلك : خلاص طيب بنوديك
الجد بو خالد : اجي معكم
بو فلك : لالاا مايحتاج والله
تقدم فراس بالشاص حق نواف ونواف جمبه غاسل يده وخايف يصير شي دخل وسط البنات الي كانو مجتمعين يمشون
المها بتشميقه : خير وشفيه خالكم ذا الطريق هلا كبره قلة الاماكن
ريما : اندري عنه معليك منه
وتقدم بسرعه شاطفهم ومغبر عليهم
فلك وهي تكح: كتمنا الله يكتمه
وفجاه رجع لهم الشاص بسرعه وفراس يحرك الدركسون بطريقه عشوائيه نحوهم
نواف برعب: ياوللد مهبولل انت وقفف
فراس وهو يحوس بالشاص : مزح ياخي
ملاك على طول فهمت فكرة اخوها : بنات انحااشووو بيدعسناا
إيلاف شمرت عبايتها وراحت تركض : والله اني داريه السلوقي ذا مب صاحي
ضربتها شموخ : بنت عيب نزلي عباتس منتي صاحيه ترا في رياجيل غرب هنيا
إيلاف : تبينا نموت يعني مقدر اجري زين تسذا
المها وهي تحاول تبعد عن السياره : بموتت ياخيي ونواف الحمار وينه
عبدالله طارت عيونه من شاص نواف الي يحوس : هذا علامه بيذبحهم
وتوجه بسرعه نحو الشاص
عند منصور وحارب
حارب بصدمه : ياساتر معقول نواف يسوق كذا الظاهر الشاص هج معه
منصور الي توتر ويحاول يسوق زين مايشوف من الغبار : لا ياخي هذا خالي تو شفتهم مبدلين الطارات
في شاص نواف ..
نواف بخوف فز من مكانه متوجه لفراس وهو يمسك الطاره يبعدها عن البنات
فراس داخ من الضحك على اشكالهم : وخر يدك
نواف الي عرف اخته من هيئتها وطولها : وقفف يحمارر اختيي قدامكك
المها شافت الشاص متوجه لها حطت يدها على راسها : يويلي ويلاه
مسكتها فلك تبعدها عن الطريق : غبيه انتي هجي على طول هذا فراس ماينمزح معه
فراس انتبه زين للطريق وبعد عنها ،، وفجأه حاصروه جيب عبدالله وجيب منصور
عبدالله بغضب : انت بتذبحهم ؟؟ ترا ذي الاشياء خطييرة مافيها مزح ياغبي
فراس : بلا غباء تراي اعرف اسوق ..وبعدين انا خالك مانيب غبي تراي اكبر منك بشهرين
حارب للآن مصدوم : منت صاحي والله
منصور بغضب : فضحتناا قدامهم عاجبك وضع البنات وهو يتراكضون يمين يسار عشانك !
نواف الي قلبه طاح بسرواله : استغفرالله العظيم ،، انزل انزل انا مدري كيف طاوعتك وخليتك تسوق
نزل فراس وهو كل مايتذكر اشكالهم يضحك بهستريه وباقي العيال ناقدين ينظارونه بطرف عين
منصور لف قدامه وشاف البنات سابقينهم بكثير
حط يده على راسه : ابك البنات
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
