النجمه والكومنت يهمووووني ولاتنسون تضيفوني انستا 💞
فالرياض تحديدا المخفر ..
دخل بو نواف وهو مشتط عصبيه ومتوعد في عز ،،
بو نواف وهو يكلم نايف بالجوال : وينكم انتو اي قسم ؟
نايف بهدوء : قسم التحقيق
بو نواف بعصبيه : جايكم هاللحين ووين اخوانك الثانيين؟
نايف : فالمستشفى
بو نواف بخرعه : إييش؟؟
نايف بنفس الهدوء : فالمستشفى
بو نواف الي كان يمشي متوجه لقسم التحقيق وهو يكلمه لين وصل له وخاف من منظره كان فيه خدوش على وجهه وثوبه ملطخ دم ونزل الجوال بسرعه توجه له مسكه مع رقبته : لييشش؟؟ وشصار يا نايف تكلم؟
نايف بهدوء : اجلس يايبه وعين خير بقول كل شي هاللحين بس فيه سر ماعرفناه والظاهر محد يعرفه غيرك
بو نواف : تشوف وقت سر هذا؟ وشصار بأخوانك
نايف بإختصار : يايبه عز انخطف وتصفّق وهاللحين هو فالطواري اما عن نواف تعرفه عاد جسمه ضعيف حيل هو خلقه معاه فقر دم ماتحمل يادوب قاوم شوي وطاح مع عز ووش نسوي عاد
بو نواف بعصبيه : ومين سوا تسذا بعيالي
نايف اشر لغرفة التحقيق ينتظر دوره : الي سوا بنا تسذا موجود بالغرفه ويقول انك تعرفه زيين
بو نواف : ومنهو
نايف : يقول اسمه امير بن طلال واشغلنا بحقه يقول اننا ماخذين حقوقهم اعوذ بالله
بو نواف حس الدنيا تظلم فجأه وجهه قلب الوان اول ماسمع الاسم وتذكر صاحب الإسم طلال ! اييه هذا شريكه بالشركه الله يرحمه وامير ولده
بو نواف برعب : هم للآن موجودين ماتوقعت والله
نايف بتوتر مسك ابوه يجلسه : سم بالله يبه وشفيك؟
بو نواف جلس وهو يرجف : امييرر ! ولد شريكي بالشركه .. أستغفر الله انا وش سويت بحياتي ياربي
نايف برعب : وش سويت يبه وش سووويتت؟؟
بو نواف مسك نايف : اسمع امير هذا كانت عنده اخت اكبر منه تكفى هي للآن موجوده ؟
نايف : اييه - واشر للي جالسه بآخر الممر متغطيه وتبكي بصوت خافت- هذي هي اسمها رواسل اعتقد
بو نواف : ايييه هذا اسمهاا وشصار عليها
نايف : ابد طبت علينا وحنا نتضارب وجت دافعت عن اخوها اشهد انها اجوديه بس للاسف صارت اخت الشخص الغلط وجابوها الشرطه معنا بيحققون معها
بو نواف حط يده على راسه : ياويل حالي تكفى يا نايف لا تخليها الضعيّفه هذي مالها سند غير امير
نايف : يايبه انت احتسي لنا وش سويت؟ كود نحل الموضوع وندور حل
بو نواف : مافيه حل ياولدي ماافيه
خرج شرطي من غرفة التحقيق وبدأ ينادي :
رواسل طلال؟
فزت رواسل برعب : ايش؟
الشرطي اشر للغرفه الي جمبهم : تفضلي غرفة التحقيق .. ترا استدعينا لتس محققه خاصه
بو نواف : تكفى يانايف رح خلك سندها انا ما اقدر اروح لي وجه اروح بعد الي سويته
نايف بتوتر : وش اسوي يبه انا ما اقرب لها ولا شي
بو نواف : بس رح عاونها من بعيد
رواسل : واخوي
الشرطي : اخوتس بيدخل التوقيف مؤقتا لين نشوف له حل
رواسل قامت تمشي بخوف نحو الغرفه ودخلتها
في غرفة التحقيق
المحققه : اجلسي يارواسل ولا تخافين
جلست رواسل على الكرسي ويفصل بينها وبين كرسي المحققه طاوله كبيره دائريه
نزلت المحققه عدت اوراق كانت بيدها : احتسي لي كل شي صار بالتفصيل ولا تحاولين تكذبين بأي شي لأنه موب بصالحتس
رواسل برعب تشرح لها وشصار بصوت مرتجف : م مدريي ك كنت فالبيت الا اسمع الباب يدق رحت لهم وطلع رجالين يبغون اخوي و وناديته لهم وفجأه اسمع اصوات صراخ وهواش ماتحملت ولبست عباتي رحت لهم الا اثاريهم يتهاوشون
المحققه : اي؟
رواسل : بس ه هذا الي اعرفه والله
المحققه : متأكده؟
رواسل بتأكيد : إييه
المحققه : اخوتس يا رواسل مُتهم بتهمة التعنيف بس فيه اشياء كثيير مفقوده بهذي القضيه الشي الأكيد والي ثبّت التهمه عليه انه عنّف شخص ..ف للاسف بيقعد بالتوقيف مؤقتًا لين نعرف اكثر وشصار
رواسل بخوف : لا تكفينن واخويي ما اقدر اسوي اي شي؟؟اقدر انسجن بداله
المحققه بإستغراب : وشلون تنسجنين بداله؟ مايصير
مافيه حل إلا ان الشخص او اهل الشخص الي تعنّف يتنازلون عن حقهم بعدها بيطلع بس ما اتوقع ان فيه اي أهل يتنازلون عن حق ولدهم بذي السهوله
رواسل بإنهيار : ليش؟ماعندي الا اخوي والله وش اسوي تكفين
المحققه : مابيدي اي شي والله .. انتهى التحقيق يمديك تطلعين وراتس ناس ثانيين
خرجت رواسل والحزن يحتويها ولمحت نايف وأبوه الي واضح انهم متوترين وخايفين من شي بس ماتعرف وش هو وتوجهت لهم ركض ،، مسكت نايف مع ثوبه بإنهيار وبصراخ : شف ياولد الناس بتتنازلون عن حق اخوي طرق عن خشمك انت وياه انتم ماتعرفوني زييين انا روااااسل بنت طلالل
نايف الي تفاجئ من جرأتها وكيف تمسكه كذا رفع يدينه الثنتين بإستسلام : صلي عالنبي يابنت الناس فضحتيناا خلينا نتفاهم مهوب تسذا كل الناس يطالعون فيها
رواسل وهي مكمله صراخ بوجهه : بتتنازلوون صح ولالا؟؟اخوي مارح ينسجن صح؟ تكفى قول ايه اخوي مارح ينسجن إيه؟
بو نواف الي انصدم من شخصيتها هذي رواسل بنت شريكه بالشركه كيف صارت تسذا؟ يذكرها وهي طول يده والآن ماسكه رقبة ولده !
نايف بتوتر وهو مغمض عيونه مايبغى يطالع فيها : يباااه الحقني تصرف تكفى
بو نواف الي استوعب : رواسلل استهدي بالله يابنتي ايه ايه بنتنازل لاتخافين على اخوتس
رواسل الي تركت نايف وبحدّه : ووش يضمن لي؟
بو نواف بحنيّه : لاتخافين يابوتس انتي بحسبة بنتي ماعرفتيني؟
رواسل : لا؟
بو نواف : انا فهد خوي ابوتس الله يرحمه
رواسل بتذكر : ايي تذكرتك كنت دايما تجي عندنا
بو نواف ابتسم : ايه وتذكرين نايف ولدي الي كنت دايما اقول لتس بتشوفينه قريب هذا هو خنقتيه تراكم بأعمار بعض
رواسل : وش المطلوب؟
نايف : وراتس بهذا الاسلوب؟ عدلي اسلوبتس مع ابوي
بو نواف : المطلوب يابنيتي انتس تهدين شوي والأمور بتمشي زي ماتبغين صدقيني
رواسل ببكى : طيب امير؟
نايف بتعب : بس خلاص هاللحين بتقلبينها بكى قلنا اخوتس بيطلع ماتفهمين .. خليهم يكملون تحقيق معه ثمن نتفاهم
رواسل : طيب لا تنافخ
نايف بصدمه : ما نافخت انا طول عمري صوتي هادي وما اداني الصوت العالي وتجين انتي تقولين عني انافخ؟
رواسل بتشميق : طيب
بو نواف : ووش بتسوين هاللحين؟
رواسل بتنهد : ويش بسوي ياعم بستنى اخوي هنا لين الله يفرجها الا بسألك؟
بو نواف : سمي
رواسل بهدوء : سم الله عدوك الا انت صدز اخذت حقوقنا؟ يقال ان لنا قسم بالشركه حقتك
نايف الي توجه بأنظاره لأبوه
بو نواف بتوتر :ا لا يابنيتي .. هي سالفةٍ طويله عريضه يبغالها شرح
رواسل : زين ليش امير حاقد عليكم لهدرجه؟
بو نواف بكذب : مدري عنه الله يهديه ويصلحه بس
رواسل فتحت شنطتها تتأكد ان معها فلوس : الظاهر انكم نسيتو عيالكم تراهم بالمستشفى الي لصيق لنا روحو شوفوهم كود صحو
بو نواف بإستعجال : اييه بنروح ذحين
نايف : وانتي؟
رواسل بدون اهتمام : بروح البقاله الي قريب من هنيا
نايف : الا بتروحين لحالتس؟
رواسل بإستهزاء : لاا ويين - وأشرت لمكان فارغ بالممر- شف هناك اختي جات معي
نايف الي رفع حاجبه من كلامها ولف للمكان مافيه شي
رواسل بتمثيل : يرجال ماتشوفها قدامك موجوده .. امشي نروح البقاله يلا
نايف الي استغرب من كلامها : انتي تهرجين من؟ لا يكون فيك بلا ولا ممسوسه؟
رواسل : بالله منجدك ذا سؤال اكيد بروح لحالي مع مين يعني
بو نواف بحنيه : يابنتي ما اقدر اخليك لحالك تروحين نايف رح معها انتبه لها
رواسل : لا ياعم مايحتاج ، رح لأخوانك احسن انا اقدر اروح لحالي
بو نواف بإصرار : لا لازم يروح معتس محد يضمن وش بيصير لتس بعيد الشر
نايف ببرود : ياحبتس لكثرة الكلام
رواسل بداخلها : هييه شسالفه انا مجنونه كيف اخلي شخص ما اعرفه يروح معاي؟ بأي حق يروح اصلا لا اكيد بيسوون لي بلا متأكده ولا ليش صامل يجي معاي
رواسل : لا ياعم ما يحتاج انا اقدر لحالي
نايف : تراك تحبين تبربرين مديك رحتي وخلصتي
رواسل بحدّه : انا قلت ما يحتاج احد يجي معاي وبأي حق تجي معاي هاه ! وبعدين وش الثقه الي عندك الي تخليني اروح معاك اصلا اروح لحالي اهون من اني اروح مع شخص ما اعرفه وش بيضمن لي انك مارح تسوي لي شي
بو نواف بصدمه : ما اقصد كذا والله من خوفي عليتس قلت له يجي معاتس
نايف بصدمه : هيه انتي امداك سويتي كل هالدراما الي بمختس
بو نواف : خلاص بكيفتس روحي
رواسل بطرف عين : ايه بروح مانيب بحاجة احد انا
خرجت رواسل من القسم
نايف : يبه علامك صامل الا واروح معها هذي المجنونه الظاهر ماينخاف عليها صدقني
بو نواف : بس والله اني اعتبرها بحسبة بنتي اخاف عليها تكفى يانايف الحقها بدون ماتنتبه
نايف تنهد : لا تقول تكفى يبه ابشر بلحقها..هاللحين رح لأخواني تكفى
بو نواف اعطى نايف شماغه : خذه تلطم به عشان ماتعرفك
نايف اخذه بإستغراب : الله اكبر كله عشانها
بو نواف رفع حاجبه : اييه هذي بنت طلال مايمديك عليها
نايف تلطم : طيب اذا طولت اعرف انها خنقتني افزع لي بالله
بو نواف ابتسم : ابشر
أنت تقرأ
لا تباطيتي بوصلك ..والبطى ماني خويٍ له
Casualeتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
