الجد حط يده على راسه بصدمه : انااا وللدد ابوي..تسيف تحجز بهالفنادق وبيتي موجوودد هاه ..
فراس بضحكه : يا ولد العم الظاهر نسيت اننا بالديره مافي فنادق صاحيه حتى..
الجد قال بسرعه : والله ماتروح مكان..بترقد مع فراس هنيا
بو فلك بتبرير : بس عشان باتسر اذا جو خوات حصه (اسم ام فلك) ياخذون راحتهم وتسذا يعني
الجد بصوت عالي : يرجال بتنام مع فراس هنيا..ف قسم الرجال بعيد ومنعزل عن البيت ..
فراس وهو يشرب فنجاله: خلاص يابو فلك..ابوي باقي شوي ويمحطك بعكازه..ترا الألم لايحتمل انا مجربها واجد.. بترقد معي يعني بترقد معي
الجده بضحكه : اقول يبو فلك انتبه ترا فراس مغير يرافس وهو راقد..ياخوفي اصحى القاه مطلع مصارينك
فلك بضحكه : حتى مستشفيات مافي هنيا قريب ههههههههههههههههههههههه
فراس ضحك : الله يعينك عاد ههههههههههههههههه
بو فلك ضحك : معليك بحط حواجز
فراس وقف وكأنه تذكر شي : اقول يالنسيب
فز بو فلك : آمر
فراس بفشله : تعال معاي افرفر بك فالديره ..وعندي علمٍ كايد لزومن تعرفه
بو فلك نزل فنجاله : مشينا..
وبعد ما راحو دخلت ملاك بسرعه..
ملاك بصراخ وهي تحضن بنات خواتها و : وااههه وحشتوني يا تسلبات ..
فلك لا تزال حاضنتها : حتى انتيي والله عندي سوالف تسثييييره مجمعتها لكم ..بس خلو بنات خالاتي يجون
الجده ضربت ملاك بعصاه عالسريع : انتي ماتستحين..اختس قاعده قدامتس وتتخطينها
ملاك حطت يدها على راسها : ياويلي ..مانتبهت والله (وسلمت على راسها كأحترام )
ملاك جلست لفت لميلاف الي كانت أقرب للقهوه وقالت : ميلاف ابي قهوه بالله .. ايه اخبارتس ياوخيتي..
ام فلك وهي تشرب فنجالها : بخير الحمدلله..الا ابوي باتسر يقول فيه عزيمه ..بمناسبة جيتنا ..قلت اقول لتس من بدري عشان تكشخين والكل بيجي
ملاك : اخيرا عزيمه ندور فعاليات .. معليتس بتجهز
في غرفه ثانيه في نفس البيت .. غرفة ساره
لبست قميص خفيف وتعطرت.. تحاول تغير من نفسها وتقابل ناس هالفتره بعد ما استوعبت وش بيفيد البتسا والانهيار..توجهت تحت للمجلس تسلم على اختها ..صح انها ماتحب الازعاج بس لازم تتعود ..
ساره بأبتسامه مرهقه : س..سلام عليكم
فزت أم فلك واقفه : وعليكم السلام..ياهلا ومرحبا بإخيتي.. (وبسرعه حضنتها بقوه ولفت لميلاف ) ميلاف صبي قهوه لخالتس..
الجد بأبتسامه : هلا ببنيتي
وبسرعه فزو فلك وإيلاف يسلمون على خالتهم بحراره ويحضنونهم.. اما ميلاف اكتفت بحضن هادئ لخالتها ..جلست ساره جنب ميلاف.. تحسها الاقرب لشخصيتها ترتاح لها ولهدوئها ..صح تحب بقية بنات خواتها ..بس ميلاف غير
ساره بهدوء : كيفتس ياوخيتي ..
ام فلك بسرعه ردت : بخير الحمدلله ..
ملاك : ترا بكرا فيه عزيمه بمناسبة جيتهم..قلت اعطيتس خبر
ساره وهي ماتحب العزايم : بشوف
عند عزام وفراس فالسيارة..
فراس بأحراج : مدري تسيف ابدأ ..والله اني منحرج منك
بو فلك بسرعه : افاا ياذا العلم..مابينا هالحتسي الله يهديك تراك تزعلني تسذا.. وش عندتس
فراس بتبرير: مالك بالطويله بس انا وأخوياي ثنين ..ضايعٍ لنا اوراق مهمه مسلمها المدير بنفسه..والمدير ذا مايدانينا تقل ذابحين واحدٍ من عياله يدور الزله
ابو فلك باهتمام : ايه كمّل .. بس شلون وظفكم دام مايطيقكم ؟
فراس كمل : توظفنا واسطات من خوي ابوي ولا هو اصلا مايبغانا..ورحنا صوب قسم الكاميرات فزع لنا واحد نشمي وفتحها .. لقينا المدير داخلٍ المكتب بدون علمنا وماخذٍ الاوراق بنفسه الي مسلمها لنا بغى يطيحنا بداهيه !
بو فلك بانفعال : حسبي الله عليه ..
فراس كمل بانحراج : قلنا لأبوي انا وأخوياي ..قال تذكر خويك ذاك بو نواف يقال انه عنده شركة خاصةٍ فيه
بو فلك بسرعه: ايي يخوك ..الحل عند بو نواف ازهل..هذا رفيقي وحسبة اخوي مستحيل يرد طلب ورجالٍ اجودي..ابشر باللي يرضيتس هاللحين ترفعون خطاب تقاعد انت وأخوياك (ورفع جواله ) بدق عليه لزومن نقابله احسن
فراس وهو جته دوخه من قوة الفشله : اءء...ماتقصر والله..شرايك نعزمه لعزيمة باتسر كان يقدر يجي
بو فلك وهو يدق عليه ويحط سبيكر : ايه بعزمه ..
بو نواف بسرعه رد : ياهلا ومرحبا ..وينك انت ماتقول عندي عضيد خلني اتطمن عليه
بو فلك بضحكه : هلا بك ..الاشغال يخوك والله (وبنبره جديه)الا اسمع
بو نواف حس فيه شي من نبرة صوته : سمّ ..
بو فلك بجديه : انا ذحين فالديره عند اهل زوجتي ..وباتسر فيه عزيمه بمناسبة جيتنا لزومن تجي
بو نواف بتفكير : الله يهديك خرعتني..احسب فيه شي..بشوف اشغالي يخوك وارد لك خبر
بو فلك بجديه : لزومن تجي احتاجك بشيء مهم ..ماينحتسي عنه بالجوال لازم وجه بوجه..وانا اعرف انك رجالٍ كفو مابتردني ..
بو نواف دق الصدر : احتزم بي يخوك ..قول الأمر منتهي من ذحين ..
بو فلك وكأنه تذكر : ايه وترا الاهل معزومين .. اذكر اخوك ساكن قرّيب من هالديره حياكم جميع
بو نواف : ان شاءالله ..بدق عليه واشوف
سكر بو فلك ولف لفراس : معليك الأمور فالسليم ..
عند بو نواف ..
بعد ما سكر بو فلك راح يدور رقم اخوه بو حارب ..عشان يحضر معه عزيمة باتسر ..
بو نواف : هلا بو حارب .. بخير الحمدلله كيفتس انت .. الا اقول لك خويي بو فلك عازمنا باتسر.. عند بيت بو خالد .. ايه .. وجب معاك ولدك حارب ..مانقدر نروح بسياره وحده ..الاهل يمكن يجون بس تحراني نحرك مع بعض ..خلاص طيب مع السلامه
بو نواف بصوت عالي : يا امم نواااف يا المهااا
ام نواف من المطبخ : لبيه
بو نواف : تعالي ونادي المها معاتس
المها جايه ركض : هلا يبه ..
بو نواف وخلف بحضنه : فين اخوانتس
المها : نايف نايم .. ونواف وعز يلعبون سوني بالمقلط ..
بو نواف : ناديهم ركضض بسرعهه
المها بسرعه ركضت للمقلط ويعتبر بعيد شوي ..
المها وهي تتنفس بصعوبه : ن ..نو..اف عز
فز نواف بخرعه لما شاف شكلها : علامتس ..
المها اشرت لورا : الحقووابوي يبغاكم بالصاله بسررعهه
عز حط يده على راسه : ياويلي والله ماسويت شي
نواف بسرعه دفه وركض للصاله ووراه عز والمها ..
نواف بخرعه : هلا يبه ..
ووراه عز : سمّ يبه ..
ووراهم المها ..
بو نواف بصدمه : انتم علامكم تسذا مفجوعين ..(ولف للمها ) انتي وش قايله لهم
يتبع ..
توقعاتكم للبارتات الجايه
تعليقاتكم تهمني 💕
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
