سلام عليكم طبعا هذا آخر بارت قبل الاختبارات حبيت يكون طويل شوي وبقطع طول فترة الاختبارات الرجعه ان شاءالله بعدها
اتمنى تستمتعون ولاتنسون النجمه والتعليق يهموني واجد 💞💞
بيت ام نوال ..
دق فراس الباب وبصوت عالي : يا جدده
فزت الجده بسرعه تتغطى وفتحت الباب
الجده من ورا الباب: يهلا ومسهلاا هذي الساعه المباركه اقلط يوليدي
فراس : لا والله ماقدر معي اخوياي
حارب بصوته الرجولي : اخبارتس يا جده
الجده : بخير الحمدلله ابك اقلطو بقسم الرجال عيب يجونا ضيوف ومانقلطهم
فراس : يعطيتس العافيه بس حنا مستعجلين .. الا بسألتس
الجده بسرعه : سم
فراس : سم الله عدوتس .. الا البنيات عندتس ؟ امي تسأل عنهن مايردن عليها قالو انهم بيجونتس
الجده بخرعه : لا والله يوليدي محد جاني من امس يويلي وينهن
فراس بسرعه : لاتخافين الظاهر انهن بالسطح بس ما انتبهنا لهن
الجده بتوتر : ياارب والله اني عارفه الداشره ريما ماتقعد بالبيت حفيدتي وأعرفها
فراس : معليتس بنلقاهم
الجده تقدمت: ابك تحراني بجيب عباتي وادور معكم
نواف وهو متكي على السياره : لالا مايحتاج
فراس : ايه مايحتاج بنلقاهن لاتخافين
الجده : مير لا اوصيك لا شفت ريما امحطها بعقالك لين تطيع
فراس بضحكه : ابشري
- عند البنات -
ملاك : هيه لا قالكم بو مصلح شي سوو نفسكم مجانين الكلمه الوحيده الي حافظينها ايش ؟
البنات بصوت واحد : ماندري
بعد ماوصلو البقاله ..
شموخ : يويلي بو مصلح جاي
ترف : يليل النشبه
فلك : يلا بنات تقضن بسرعه
ريما : ابي بسكوت ابو ولد وينه
ميلاف رفعت البسكوت : عانيه
المها : تدرون بنات مشتهيه شي بارد يبرد على تسبدي
ملاك : ابد ازهلي - وبصوت عالي - ياصديق في غوّار
البنقالي بدون نفس: انتا دوّر بنفسك وبعدين مافي معلوم اسم انا كومااار مافي ينسى
ملاك طارت عيونها : عشتو حتى البنقالي ابو لسان
.. اقول لايكثر بس فيه غوار ولالا
كومار : مافي معلوم
شموخ : ياصديق استريح ترا بس سؤال
كومار : مافي يفهم كلام انتا انا اسمي كومار مافي صديق مال انتا
شموخ : ترا احنا يحتسي عربي عربي زيك انتا
كومار بأستغراب : ايش هذا يحتسي
فلك وهي تفتح ثلاجة الأيسكريم : شموخ خبره لغة البنقالي .. عجلي يا مره
المها رفعت حليب شوكولاته: واه هذا النوع الي احبه
فلك : قشي منه خمس ولا ست
وفجأه دخل ميين ايه نعم بو مصلح نقال العلوم
😂
المها بهمس وهي لاصقه بفلك :يويلي ويلاه جا
فلك وهي تسوي نفسها طبيعي : ابك انتي علامتس لاصقتن فيني تسذا تراك تثيرين الشكوك
المها : خايفه يعلم ابوي
وبدأ ابو مصلح يلتفت يمين يسار يطالع فيهن بشكل مريب وتوجه للمها ..
ميلاف حطت يدها على خدها : يويلي ويلاه .. صدز مايستحي
بو مصلح : انتي بنت مَن
فلك بهمس للمها : الكلمه لاتنسينها
المها بخرعه : اءء اي اي .. مدري
ابو مصلح بإستغراب : ابك من صدزك ماتعرفين بنت مَن .. من ايت ديار جايه انتي ؟
المها : مدري
ابو مصلح بملل : مغير مدري مدري لاتكونين لقيطه
المها هزت كتوفها : مدري
فلك ماقدرت تحبس ضحكتها على شكل المها وهي معلّقه على كلمة مدري زي ما وصتّها ..
ابو مصلح : خبلا انتي وشوله تضحكين
شموخ جات وبيدها اغراضها : ياعم هذي بنت خالتي تعبانه عندها مرض خطير .. ماتقدر تسد حلقها مير كلشوي لزومن تضحك ولا بتموت
ابو مصلح بخرعه : يادافع البلا ووش اسم هالمرض الله يكفينا شرّه
شموخ هزت كتفها بعدم معرفه : مدري .. بس سمعت انه خطير
وفجأه فلك انهارت ضحك بصوت عالي شكل شموخ وهي متقنه الدور فالتسذب
شموخ وهي تحاول تسكت فلك والمعروف ان ضحكة فلك فضيحه : هاه شفت ياعم مير دعواتك لها
ابو مصلح بتأثر : الله يشفيها ويعافيها
ترف بصوت عالي من آخر البقاله وهي تسمع صوت ضحكة فلك : يا فلك يااشموخ تضحكون بدوني ماتستحون
ومن سوء حظهم ان ابو مصلح عرف الأسامي وتذكرهن على طول
بو مصلح بصدمه : انتن حفيدات بو خالد يلي ماتستحون
فلك وهي تحاول تتكلم بعد نوبة ضحك : لااا لاا مين بو خالد ذا مانعرفه
ترف جات بفهاوه : بنات علامكن جحدتن جدي
بو مصلح : اي والله اني داري انكن حفيداته
فلك ضربت ترف بكتفها : فضحتينااا
ترف بألم : نسيتت
ملاك : جاك الموت
المها : ياراسي
كومار : مافي يدفع ولا كيف
ريما : هذا وقتك ياصديق
كومار بغضب : انا مافي صديق انتا
ريما مسكت علبة حليب الشوكولاته : اقول سد حلقك لأهفك بذا
المها اخذت الحليب من يدها: خير حليبي
وبسرعه طلع ابو مصلح من البقاله متوجه لبيت بو خالد كالعاده ينشر الخبر ان حفيدات بو خالد بالبقاله
فلك : خذلك عطينا خمس دقايق بالكثير تلقين اسامينا بالجريده
رتيل على طول تخيلت اشكالهم : المعتقلات حفيدات بو خالد
ملاك كمّلت : التهمه الذهاب للبقاله بعز القوايل
فلك بصوت عاليي كأنها تذكرت : بناتتت انحااشوو لزومن نوصل للبيت قبل بو مصلح عشان نقدر نجحد
وبسرعة البرق طلعو البنات من البقاله يركضون ومن سوء حظ ترف و المها الفاهيات شالو اغراضهم بدون ما يحاسبون
عند فراس والعيال
نواف : يليل ذحين وين بنلقاهم .. و فعز القايله
فراس : شرايكم نرجع للبيت نتأكد كود رجعو
حارب دخل سيارته : نقول يارب
نواف : اختي جحدتني من يوم ماجيناكم ماصارت تدق ولا ترد علي
فراس بضحكه : قصدك بناتنا خربوها
نواف هز راسه بأسى : للأسف
عند بو مصلح
دخل مجلس بو خالد بسرعه وبحكم ان بيت بو خالد مضياف لكل وقت كان الباب مفتوح والكل مجتمع
بو مصلح وهو يلهث من الركض : الحقق يبوو خالد الحقق
فز الجد يتساند على عصاه بخرعه : علامك يرجاالل
فز معاه عبدالله وبو فلك : عسى خير
بو مصلح بتكبير السالفه : بناتكمم يبوو خالد بنااتكمم الحقوهم رايحين البقاله ولحالهنن - وحط يدينه على راسه - يويلي ويلااهه
الجد : ابك انت من صدزك تحتسي
بو فلك بخوف وهو مو متشدد من ناحية البقاله كثير لكن بو مصلح فجعه : ويننهم وينهم
عبدالله الي قام وهو خايف على خواته تمنى او قالو له مستحيل يرفض لهم طلب وخصوصا بعد تغير وطلاق ابوهم ..
وفنفس اللحظه دخل فراس و حارب و نواف
حارب بخرعه وهو يشوف الكل مشتط : وش العلم
البتال بهدوء وهو على جواله : البنيات فالبقاله لحالهن
الجد بعصبيه للبتال : انت ماتستحي خواتك رايحين البقاله وانت منسدح عندي هنيا
البتال : وش اسوي يعني اروح امسكهن مع شوشهن اجيبهن خلاص خليهن يستانسون مصيرهن يرجعون
بو نواف بتهدئة الوضع : هدو يجماعة الخير عادي ترا
سيف الي احس شكله غلط بينهم ركب سيارته وطلع ..
منصور بعصبيه : شنهوو اختي رايحه من دون شوري
مسكه عبدالله من كتفه : اركد بس تراها بقاله مب مرقص
فراس بسرعه : خلاص بنروح انا والعيال استريح يبه
جلس الجد بعصبيه وهو يتوعد فيهن
عبدالله وهو الي حقد على ابو مصلح وعلى تكبير المواضيع عنده
بو حارب: حارب رح مع رفيقك
حارب : ابشر
نواف : خلونا نروح بسيارتين تكفي
عبدالله : انا بروح مع سيارتي لحالي
عند البنات ..
المها ماتدري وين الله حاطه وتركض ورا فلك بالكيس الي ما حاسبت فيه
وكومار يطارد وراهم يحسبهم حراميه
المها وهي تركض بأقصى سرعه عندها : ي .. يلحقناا ا ..لحقوو
فلك وهي ما تبغى تلف ورا : منهوو
ملاك وهي تركض : البنقاليي
فلك : اشوا احسبنه بو مصلح يلحقنا
ترف الي البنات سبقوها بشوي وكانت شوي مربربه ماقدرت تركض أكثر : بموتتت
كومار وهو يلحق ترف وألمها يصايح بأعلى صوته : هرااميي
رتيل : اويلي على اختيي
وبسرعه رجعت لورا اخذت الكيس من يد ترف وركضت فيه
ترف بصدمه : نعنبوتس وانا طيب شتبين بهالكيسه
وطالعت قدامها الي تلقى كومار ساحب عليها وراح يركض ورا الترف
كومار : صديقق مافيي حاسبب انتاا
شموخ وهي تركض: تكفونن احذفوه بهاالكيسهه
ميلاف : آخ ياسيقانيي
قاطع كلامهم سيارتين وحده جيب سيارة عبدالله و شاص سيارة نواف وجيب اسود سيارة منصور معاه حارب
فلك : بناتت اجحدوو
شموخ : منصورر بيذبحنيي
ريما بثقه : ماعندي احد اخاف منه غير جدتي
فلك : يساارر لفوو يساارر
ملاك جلست على الارض : استسلمت خلاص
عند فراس الي كان فالشاص مع نواف
نواف : متأكد هذول هم ؟
فراس بنرفزه : ايه يرجال
وفتح باب السياره نزل ..
فراس بغضب : خيير ان شاءالله
فلك والمها توجهو يسار وهم مايدرون وين رايحات
اما ترف ف كانت بعيده عنهم جالسه عالتراب
وبقية البنات متجمعين الي جالسات والي واقفات
كومار الي جا وهو يادوب يقدر يتكلم : هراميي سراقيين
نزل نواف : علامك انت
كومار وهو يأشر على رتيل : سراقه من البقاله
فراس : ياساتر وسارقين بعد تبغونهم باتسر يقولون حفيدات بو خالد سراقات
رتيل : والله ما امدانا نحاسب تكفى
نواف أشر يسار : تراي شفت كم وحده انحاشت هنيا
فراس : يجون يجون
تقدم عبدالله بسيارته الجيب بضحكه : هاه تقل شغالات منحاشات ولا
شموخ بهمس : صادز
وبسرعه نزل منصور من السياره بغضب مسك يد شموخ وهو يسحبها وهي تحاول تقاوم وماتدخل
: فكننيي
منصور: ادخليي
وحارب نزل بسرعه من السياره بخرعه
عبدالله نزل بسرعه يفك منصور عن اخته : وش بلااك انتت ترا كلنا خواتناا راحو وماسوينا تسذاا
فراس لف لهم : عليك فيه ياعبدالله تراي انا خالهم وماسويت سواتك اركد بس
نواف : وين اختي
رتيل : مادري
نواف بنبرة صوت اعلى : وين اختي
ملاك : بنات فلك والمها مب موجوداتتت
فراس : الظاهر انهن هجو مع يسار .. يلا قدامي توزعوا عالسيارات الوعد عند ابوي
ركب نواف سيارته وتوجه للمها وفلك وهو يدعي انهم يكونون موجودات معد فيه حيل يدور اكثر
عبدالله وهو ماسك منصور وشموخ راحت بعيد عن البنات : هييه وشو الي سيارات يمشون كعابي زي ما جو
حارب : وهو متكتف صحيح
ريما اول مالاحظت الشخص الي انقذها من الكلاب ذيك الليله : يليل النشبه وش دخلك انت
فراس وهو يتظاهر العصبيه : ريماا
ريما : هاه
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
