« عند البنات وهم جالسين على فرشه لحالهم يلعبون اونو بعد ما اكلوا تهزيء من الجدّه بس ما اهتموا اهم شي وناستهم ، نطقت ترف لافه لريما : ياليتك جبتي العود حقك كود ننطرب
شهقت ريما : مجنونه انا ادق عود فالبرّ تبغين الجن يدخلون فيني
نزلت رتيل فنجال الشاهي من يدها : اول مايشوفتس الجني بينحاش صدقيني
ميلاف بخوف : خلاص سكروا سالفة الجن محد ناقص بالله
صرخت ملاك فجأه وهي تأشر بيدها ورا ميلاف : جننيي !
فزت ميلاف بخوف متمسكه بفلك ، فلك : خلاص ميلافوه لاتصيرين خوافه عاد تمزح معتس
ضحكت ملاك : مشت عليك
ميلاف بنرفزه جلست لاصقه بفلك : مالك داعي
فلك : ابك وخري عني يالله لاتحشرنا الفرشه ياكبرها
شموخ : ومالقيتي الا فلك تتمسكين فيها صدقيني هي اول وحده بتشوفين غبارها
نطقت فلك بثقه : هه انا بنت عزام اخاف من جني؟ يعقب ويخسى
ريما : انتي حتى البشر ماسلموا من هياطك قمتي تهايطين على الجن هههههههههههههههههههههه
إيلاف ضحكت : تحديد الكل ماعندها تفاهم اختي جن وإنس
فلك بثقه : إييه انا فلك مانيب حي الله !
شموخ : والنعم والنعم
فلك : ماعليك زود
ملاك بضيق : بنات احس ودي اكمل دراسه بس ناقصنا جامعه فالديره .. كل الجامعات بعيده
رتيل : حتى انا مع ان عبدالله المسكين تخرج من الجامعه وهو كل يوم ماسك خط رايح جاي ساعه وعليها .. اخاف اسجل وأتعبه معاي مابي اكلّف عليه
فلك : اهم شي الدراسه يابنات حتى لو بعيده ياكثر السواقين والباصات
ملاك : ادري بس احس الموضوع غريب
شموخ بضيق : انا عندي منصور مايقبل اروح الجامعه وحتى لو انقبلت مين بيوديني ويجيبني ابوي مشغول بدوامه
رتيل بغضب : غبيه انتي كيف تخلين كلمته تمشي عليك ! سوي الي براسك وهو بالطقاق عاد
شموخ تكتفت بضيق : ايش اسوي مقدر والله
إيلاف تمايلت على المركى بملل : والله توي صغيره اولى ثنوي خلني افلح بالمدرسه بعدين يصير خير
ريما : تبون الصدز احس مدري ماني ناويه ادخل جامعه انا يالله يالله تخرجت من الثانوي
فلك بضيق : مايصير كذا يابنات
ضحكت ترف ورفعت يدها تدعي : يالله ترزقني رجلٍ يعشقني انحاش عنه يلحقني
ضحكت ميلاف بهدوء : آخر حل
رتيل : مهبوله قسم بالله تخيلي لو ما تحبينه ويلحقك هههههههههههههههههههههههه
ترف بثقه : معليك اذا من حايل اكيد بعشقه
ملاك : ياذا الحايل الي اشغلتينا بها اقولتس بعيييده فالاحلام تخذين واحد منها
ترف : مااالي دخل ابي واحد من حايل ولا بعنس عندكم
فلك: ابو البلشه
شهقت ميلاف بتذكر : بنااات المارشملو نسيت اقولهم يشوونها
شموخ : روحي الحقي قاعدين يشوون ذحين
فزت ميلاف عند فراس
« عند العيال ، براك الي كان متلثم ويشوي الذُره ، رفع فراس جواله يصور نطق : طبعا شوف ياسيف هذي كشتتنا بدونك فاتتك الفعاليه - توجه لبراك - وهذا بو شايق يشوي شمم الرييحه يالبيه
براك وهو يقلّب الذُره : انقلع عني لاتصورني
رفع فراس الجوال للبتال النايم وهو متلحف بالفروه : وطبعا هذا ولد اختي الله يهديه ينام بأي وقت وأي مكان ماعنده مانع
رفع جواله للسماء : وشوف هذا الجو يالبيه إنقهرر إييه
ناظره براك بطرف عين ولف يكمل الشوي بينما سكر فراس جواله ونطق بثقه : هالحين ينقهر
براك : الله لايبلانا
ميلاف بهمس من ورا السياره : خالي فراس .. فراس
براك بإستغراب : ياولد هو في احد ينادي؟
تربع فراس بعدم اهتمام : اذانيك فيها بلا صدقني
ميلاف بتوتر : فراس
لف براك تجاه السياره لمح طرف العبايه ، نطق بجديه : ياولد قم شف أهلك عند السياره !
فز فراس بسرعه لها ، نطق بضحك : الله يهديك ياشيخه شككتيني بسمعي ليش ماتنادين زين
ميلاف : شسوي توترت - رفعت كيس المارشملو فوجهه - الله يخليك اشويها لنا
اخذ فراس الكيس بسرعه : من عيوووني
ميلاف : شكرا ..
فراس : ارجعي واذا جهزت بجيبها لكم
ميلاف : ابشر بس انتبه لاتحرقها
فراس بثقه : ازهلي
توجه فراس للجلسه ، نطق براك : فجعتني احسب انها ابو فانوس جاينا هههههههههههههههه
ضحك فراس وهو رافع الكيس : شوف تكفى البنات يبغون يشوونها
براك : اخو العيال وشنهو الوردي والابيض ذا .. اقول يحمدون ربهم اني اشوي لهم ذُره دلع بنات زايد
فراس تقدم بثقه : اجل انا بشويها
فز براك بخرعه ياخذ الكيس منه : لالا يرجال استريح انت وعيّن من الله خير انت بالذات لاتدخل بأمور الشوي خليك بعيد .. ياخوفي تحرقها ثم يزعلون علينا
فراس بإصرار : اقول هات بس انا اعرف لاتشك بقدراتي انت تذكر آخر مره سويت احلا مشاوي لكم كيف كانت لذيذه
براك : لاعادها الله من مشاوي ذا وجهي كان خليتك تشوي مرةٍ حرقتها يالثور اكلناها غصب مع سيف عشاننا ميتين جوع ولا هي ماتنوكل مدري كيف ذيك الليله مارحنا للطواري .. تبغى تساعدني خذ اعواد الخشب اغرسها بهذا الي مدري شسمه ولا عاد تسوي شي
فز فراس بحماس ياخذ الأعواد ويغرِسها بالمارشملو مع براك اللي انتهى من الذُره وحطها على جمب ، نطق براك بهدوء وهو مشغول بالغرس : هذي يبغالها تحميره خفيفه مب نشويها مره عشان ماتنحرق والاعواد الخشب ماتولـ
قاطع كلامه فراس بخرعه : براااك الحق علي
لف صوبه براك بخرعه شاف النار مولِعه والشرار يتطاير منها بكِثره ، لف لفراس بعصبيه : وش سويت يالثور !
فراس بصدمه : جيت بشوي اقلّدك ماهقيت يصير تسذا .. حطيت الأعواد الخشب وسطها
بحركه سريعه جمع براك مجموعة من الرمل ورماها على النار حتى تخف ، ضرب راس فراس بقوّه بيده ، نطق بنرفزه : بالله وين مخك انت حاط اعواد خشب وسط النار وش متوقع يعني اكيد بتولّع
مسك فراس راسه بألم : وااه ياراسي يهب وش ذي اليد ياخي نسيت وش اسوي
نزلّ براك يشوف المُتبقي من المارشملو نطق بقهر : حرقت ثلاث حبات قلعه تقلع ذا الوجه ياشيخ
فز فراس يشوف الكيس ، تنهد براحه ونطق : اشوا مليان
اخذ براك الكيس بسرعه منه نطق : انقلع هناك بعيد لين اخلص
« بيت الجد هذّال »
رفع جواله أيهم يتصل على ولده ، نطق بصوت مهزوز : عمك سند مااات يالهيب مااات وينك انت ماتجي تساعدنا حتى !..
تفاجئ لهيب من الخبر لكن نطق ببرود : الله يرحمه يبه انت تعرفني ضابط ومشغول بدوامي يادوب القى وقت لنفسي السموحه احتمال العزا ما أحضره
أيهم بصراخ : لهيييب ! تعال اول يوم على الأقل
لهيب ببرود : ان شاءالله اذا قدرت
نزل جواله من سمع صوت تقفيل المكالمه ، نطق بعصبيه : ياذا الولد مدري على مين طاالع
توجه لأمه اللي شاف ملامحها غارقه بالأنهيار وجمبها بنتها نسرين الي ماكانت احسن منها ، و اول ماشافته تبدلت ملامحها لعصبيه ، نطقت بصراخ : وين هالصايعه ريما الي ماتدري بموت عمها حتى !
أيهم بضياع : مدري يمه مدري ماترد من اليوم
نسرين بشهقات غطت وجهها : م ماكان يقصر معنا بشي الله يرحمهه
أيهم بنبره غريبه : ماعليك يمه اذا جات تحضر العزا ان شاءالله بوريتس فيها
الجده لافيه بكُره : هذا كان جات
صرخت شهد بأعلى صوتها وببكى : ياناس خاافوا الله عمي ماات وانتو تخططون عن بنتٍ مالها عزوه ولا سند خاافوو الله ! مافي تقدير ولا احترام لعمّي الي مات اليوم ! اعوذ بالله ياقلوبكم
« فالرياض تحديدًا عند نواف ، وصل عند نياقه ونزل لمعشوقته المُفضله " ريميه" اللي استقبلته بكل شوق ولهفَه وحاوطته بعُنقها الطويل وكأنها تداري جُروحه ، نطق نواف بهمس وهو يمسَح على رقبتها : اشتقتي لي يالريمي؟ والله داري ابطيت عنتس مير لا تلوميني باللي صاير فيني ابوي طردني ونزلت دمعتي انا نواف بن فهد وتنزل دمعتي ! بقولتس كم بيت بخاطري يعبّر عني - تنهد نواف بتعب - ونطق :
" الله اكبر على الدنيا وغيب الليالي
والله يعين قلب الي تزايد همومه
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
