عادل بنرفزه : يليل جت بنت عزام
نواف بسرعه مسك راسه : عمي عزااام مب عزام تسذا حافي
مصلح مسك راس نواف ..
فلك اقتربت منهم : فكوه
محمد بضحكه : محنا فاكين وش بتسوين
فلك بحده : قلت فكوه
مصلح : لا
وبسرعه اخذت مجموعة حصى وبدأت ترميها عليهم
عادل: يامرييضه وش دخلتس انتيي
فلك بعصبيه وهي مستمره ترمي عليهم : عشان المره الثانيه تسمعون حتسيي زينن ..الظاهر مايفيد معكم الحصى الصغير يبغالكم شيٍ ثاني هاه
- وبسرعه تقدمت واخذت حجره كبييره ورمتها على رجل محمد -
محمد بدأ يبكي : آخخ انكسرتت رجليي
فلك بضحكه: تستاهل يابزر نهايتك تبتسي
نواف بصدمه : كسرتي رجله
فلك : ايه .. انقلععووا من هنياا
وبسرعه تحركو وهم يعاونون محمد الي يصيح الم من رجله ويعرج
توجهت فلك لنواف : جاك شي
نواف بمكابره : لا وبعدين مين قالتس تفزعين هاه لعد تتدخلين بأمور عيال
فلك بعصبية : احمد ربك انقذتك منهم
نواف بعصبية : قلت لتس فلك تكفين تعالي هاه؟لا اجل لاعاد تتدخلين
فلك : تبغاهم يستفردون فيك وانا اتفرج طبعا لا لو عيال عمك موجودين تسان مشيتها بس الظاهر انا غلطانه
- وبسرعه اخذت حصى ورمتها على راس نواف وللاسف جت بحواجبه -
نواف بصراخ وصدمة يلمس الدم الي غطى وجهه : الله يااخذتسس
العوده للواقع ..
شموخ وهي منهاره ضحك :تكفينن صار تسذا
ملاك : تحديد الكل
المها بصدمه : اويلي على اخوي فجرتي دماغه ..عشان تسذا صار يعد واحد زايد واحد على اصابعه
إيلاف : صار غبي كله منها
المها : اشوا مافلقتس تراه تسان متوعد فيتس
فلك : ربي سلمني منه ولا مديني رقيته بالصحن
عند العيال ..
بو فلك : فراس براك سيف
فراس فز : سمّ
بو فلك : سم الله عدوك .. اذا خلصتو فطوركم روحو مع بو نواف بيحتسي معكم عن الوظيفه
براك : ابشر
سيف همس لفراس وبراك : يعيال احس اننا نضحك تقل بكج خذ واحد واثنين مجانا
براك : شنسوي ولا نقعد عند المدير الاقشر
نواف بفضول : شسالفه
براك : ابد طقت تسبودنا من المدير وندور واسطات عندكم
نواف ببرود : اها تمام .. اصلا ابوي عنده نقص موظفين
سيف بلقافه : انت وين تشتغل
نواف بدون نفس : انا ما اشتغل ابيع واشتري بالنياق والأراضي والحمدلله اموري فالسليم
بو نواف بقهر : هاه شفت تسيف ..
قاطع كلامه قرصه من ابو فلك برجله
بو فلك بتغيير موضوع وهو يدري ان نواف يتضايق من ذا الطاري : ايه الله يوفقكم جميع
عند البنات ..
المها شهقت : يويلي يابنات نسيتتت
البنات بخرعه : وشوو
المها برعب : نسيت ادق على امي مديها مفجره جوالي اتصالات لهيت معاكن الله ياخذكن
وبسرعه راحت تدور جوالها تدق على امها ..
المها : بطلع برا اكلمها
ملاك : خذي راحتس
عند العيال ..
دخل فادي بخوف : فراس
فراس : هاه
فادي وهو يحرك يدينه : فيه وحش تسبير
عبدالله بعدم اهتمام: ياولد انثبر وسم بالله ماش شي
فراس توجه لفادي وشاله : بروح معه اشوف وش بلاه .. وينه -وبضحكه- تعال نضربه
فادي : ورا البيت
فراس توجه لورا البيت ..
عند المها الي كانت ورا البيت
المها بورطه : اء هلا يمه ..بخيير الحمدلله.. والله لهيت عن الجوال
ام نواف بعصبيه : مافكرتي تدقين علي تطمنين ولا خلاص نسيتني
المها: لا والله بس لهيت معاهم .. الا يمه وقسم فاتتس الفله والوناسه وربي ضحك ووسع صدر
ام نواف بفضول : احتسي يابنت وشصار
عند فراس الي لف اول ماشاف بنت متغطيه وماعرفها بس واضح انها تسولف متحمسه
المها: يمه تخيلي وشصار .. صارت مضاربه مع سلوى الي كل البنات يكرهونها
ام نواف بحماس : ايه
المها : معط شوش وضرب وتصفيق .. حماس يمه فاتس والله وتخيلي وش سويت انا
ام نواف حطت يدها على راسها : وش سويتي
المها : رميت الفنجال عليها بس للاسف ما جا فيها
ام نواف : لابارك الله بعدوتس بتفضحينا انتي
المها : شسوي والله تبغيني اعاين فلك وهي تتضارب واقعد اتفرج مستحيل
ام نواف : آخ ياذي الفلك مطفوقه من يومها
عند فراس
الي ابتسم بضحكه من سوالفها مع امها على طول عرف انها بنت بو نواف وماجا فباله ريما لأنها اصلا يتيمه .. نسى ان فادي معاه ولف عليه بإبتسامه : الله يسامحتس هذا الوحش التسبير الي تقول عنه
فادي بصوت عالي : فرا..
قاطع كلامه فراس وهو يحط يده على فمه ويشيله ويركض به بعيد عن المكان
فراس : فضحتنا
المها الي تهيأ لها انها سمعت صوت طفل لفت على طول بس ماشافت احد .. بس ما اهتمت وكملت سوالف مع امها
- عند فراس وفادي-
فراس بتوتر يبغى ينسيه الي صار : اسمع شرايتس نروح البقاله وتشتري الي تحبه هاه
فادي بفرح : ابي حلااووه
فراس شاله على كتفه : يلا يلا
عند البنات ..
دخلت ميلاف لابسه نظارتها وبيدها كتاب تقرأه
شموخ : حيوو المثقفه
ميلاف بنرفزه : استغفرالله العظيم .. تحسبون كلمة مثقفه سبه .. وش ذي العائله عديمة الثقافه
فلك وهي منسدحه : نمزح معتس علامتس
رتيل : شخصونيه
ميلاف : بروح عند خالتي ساره احسن لي
المها دخلت بعد ماخلصت مكالمه : الا شسالفة ساره
شموخ بإختصار : زوجها راعي مخدرات وانسجن وهي كانت متعلقه حيل فيه
المها : الله يفرج عنه
ملاك : باقي له خمس شهور ويطلع فراس وابوي طلبو منه يطلقها بس رفض وجو بيرفعون قضية خلع رفضت هي مدري علامها تبغاه
فلك : الوعد عند فراس لما يطلع وربي بيطلع المخدرات من عيونه
ريما بتوتر : الله يستر بس .. خلاص سكرو الموضوع
المها بحزن : بنات تخيلو ابوي دق يقول الساعه ٥ عصر بنروح .. ياخي ما ابغى
رتيل بحزن وهي تحضن المها : تكفينن لاا تعودنا عليتس
ملاك : شرايكم نسوي مغامره قبل ماتروحين
البنات بفضول : وشو
ملاك : نروح البقاله لحالنا مايحتاج عيال وتسذا
شموخ : اييه بقالة بو مرزوق مفتوحه اربع وعشرين ساعه .. وربي لو درا فراس ولا واحد من العيال بيحشون رجولنا حش
المها : حتنا معكن نواف بيحش رجلي
ريما : يلا ياحليلنا روحة البقاله نسميها مغامره
فلك : وجدتي وش بنقولها
إيلاف : مابنطول سريع سريع
ترف : اغبياء انتو اكيد بيلاحظونا كلنا بنختفي مرة وحده
ريما : بنقول لها بنروح عند جدتي مديها لحالها
المها بتوتر : بنات احس لازم لو ابوي يدري مايصير كذا
ريما : ياخبلا كذا بيروح طعم المغامره
يتبع ..
تعليقاتكم تهمني
لاتنسون بقية حساباتي
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
