نايف : انا باخذ راحه من المذاكره اليوم..اقدر اوديهم لان حتى انا ناقصني ملابس وتسذا وبغير جو صارلي فتره ماطلعت
فلاش باك ايش صار مع نواف والمها في السوق...
نواف وهو شايل اكياس المها: يلا بسرعه وراي اشغال
بعدين ليش مخليتني بدقارد مدري شسمه لتس
المها بضحكه : بوديقارد ياغبي لحد يسمعك..يلا تحمل باقي آخر محل واذا ماعجبني شي رحت ثاني يلا عادي...
نواف بصدمه : انا اوريتس ..انتي ادخلي ذا المحل وانا بستناك عند الباب معد فحيلي ادخل
أول مادخلت المها لقت فستان عجبها طلعته لنواف برا
المها بأعجاب : نواف شرايك بذا حلو صح
نواف بدون مايطالع فيه حتى : ايه ايه .. حلو
المها بصدمه : ذا وجهي كان رحت معاك مكان ثاني ليتني رايحه مع امي احسن
نواف بعصبيه : اقصري صوتس فضحتينا.. اي والله مديك ريحتيني وافتكيت منتس ..بس شنسوي ابوي موصيني عليتس ..كان عاجبتس خذيه بسرعه
المها بدون نفس : اوف منك..خلاص باخذه ..بس باقي لي شوز ماعجبني شي هنيا...يمكن اطلب احسن
نواف وهو يوزع اكياسها بين يديه : ايه احسن ريحتيني ..ويلا عالسياره
سيارة نواف ...
المها بتوتر : نواف وشذا الطريق الغريب..هذا مب طريق بيتنا
نواف وهو مركز بالسواقه : صح عليتس مب طريق بيتنا بس هذا مختصر شعرفتس انتي
المها لفت تطالع الشباك: خلاص طيب ..بس احس اننا طولنا
نواف: يتهيأ لتس ياوخيتي باقي شويات ونوصل تصبري
المها بتمثيل وشهقه حطت يدها على صدرها : لا يكون بتخطفني ..
نواف لف ناظر لها بطرف عين : من زينتس عاد وذحين يلا انزلي وصلنا
المها حكت عيونها : نواف..تستهبل ولا وش وين اللبيييتت؟ وليش جايبنا فالبرّ ذا
نواف ناظر جيبه بأستهزاء : ف جيبي يعني وين وديته اقول انزلي بسرعه ولا ترا بخليتس لحالتس هنيا
المها نزلت بسرعه : خلاص خلاص جيت
نواف بدأ يمشي والمها لاصقه فيه
نواف رفع جواله يصورها ..
المها بأستغراب : ياشينك شيناه.. ليش التصوير ؟
نواف بضحكه : كيفي ياخي..ذحين بنلف يسار بوريك شي بيعجبتس
المها بفضول : وشنهو؟اسمع اصوات غريبه وريحة خايسه مدري ريحتك ولا
نواف بصدمه : ايه ذحين بتعرفين..طالعي يسار
المها حطت يدها على راسها وبصراخ : ننووواااافف جايبني عند نياقك يالتسلب ..والله لأعلم ابوي كنت حاسسسهه من يوم شفت الطريق المختصر (وبقرف)يععع ما ادانيهم
نواف: هيه انتي الا نياقي عاد (وبحركه سريعه )يحاول يدف المها للنياق ويصورها
المها بصراخ: يعع نوااااف يعع خلاص تكفى...تووبه اروح معاك تووبه
نواف بضحكه : تستاهليننن...ناظري قدامتس نااظري
المها ناظرت الا تشوف ناقه تسبيرهه متوجهه لها : ييماااهه بتاكلنيي..يع شوف فمها تسبير تسيففف بلقمه وحده راسي يودعع اععع..
نواف وهو ميت ضحك عليها : جاتس جاتس حبيبتي يالله حيها
المها وهي تدفعه: منهي حبيبتس
نواف : عانيها قدامتس ريميه حبيبتي
تقدمت ناقته ريميه لنواف وبدأ نواف يحضنها ويمسح راسها والمها متخبيه وراه
المها بقرف : بكتيريا يانواف..ذحين تصير ريحتنا خايسه اف منك ..بدق على ابوي
ورفعت جوالها (وبشهقه) حتى مافيه ارسال
نواف بضحكه : ايه ماش ارسال هنيا الله
العوده للواقع...
المها بقهر : يبه شفهم كلهم ما خذيني طقطقه..وفوق ذا قعدت ساعه منقّعه بالحمام عشان اتنظف زين
ام فلك قامت : انا بروح انوم خلف وانت يا نايف متى تبغانا نحرك
لف نايف : على العصر تسذا
الديره ...
دخلت سيارة بو فلك الحوش..وانتشرت تراحيب الجد و الجده والكل مجتمع وفرحان بمناسبة قدوم اختهم التسبيره ام فلك..
فراس بالسلاح اطلق طلقتين بالهواء وبصوت عالي : اررحححببووو..يامرحباا تراحيب المطر .. اسفرت و انورت
الجد بأبتسامه وعكازه بيده : يستاهلون يبوك..عطيهم كم طلقه مرةٍ ثانيه
فراس اطلق طلقات ثانيه بالهواء
نزلو عائلة بو فلك .. ميلاف بخرعه حطت يدها على اذنها خوف من صوت الرصاص
فراس نزل سلاحه وهو يمشي بسرعه لهم : نسينا ان عندنا وحده خوافه هنيا
وبسرعه سلّم على راس اخته ام فلك وحضنها ..و توجه لبو فلك يسلم عليه
فراس بأبتسامه وهو يصافح يد بو فلك : حييوو النسيب
بو فلك وهو شاد على يد فراس : الله يبقيك ..
ام فلك راحت تسلّم على امها وابوها..
الجده بدموع : اشتقت لتس يمي..اشتقت لتس
ام فلك وهي حاضنه الجده : تكفين يمه لا تبتسين..وانا بعد اشتقت لتس..معليتس بنقعد هنيا لين تطردينا بنفستس
الجده ضحكت بين دموعها : ما اقوى على فراقكم..ما اقوي والله
توجهت ام فلك تسلّم على ابوها ..
ام فلك بأبتسامه : اخبارك يالغالي
الجد بسرعه حضن ام فلك : بخير دامتس بخير ..
فراس وهو يسلّم على بنات اخته ويحضنهم..
فلك بحماس : فراس *مايقولون خالي متعودين* تكفى بجرب اطلق
إيلاف بصدمه : عويذ الله من شرتس..فكينا يابنت محد ناقص
فراس وهو يضحك ومحاوط رقبة ميلاف بيده : صادزه ايلافوه فكينا من شرتس .. (ولف لميلاف) الا اخبارتس انتي
ميلاف بخجل : بخير الحمدلله
الجد بصوت عالي : عشان هالمناسبه ..لزومن اليوم نسوي عشا استقبال لبنيتي وحفيداتي
الجده بتأكيد: صادز بو خالد ..
ام فلك بنكبه : لا يمه مب اليوم تكفين..
بو فلك رفع يده: علي بالحرام ..
قاطعه الجد : ولا تسلمه ولا تحلف الواجب واجب
فراس حس بنكبتهم : يايبه توهم جايين.. اكيد تعبانين من طول الطريق ..بيرتاحون ..خليه بكرا احسن تكفى
فلك بتأييد : اي تكفى ياجد ..مافحيلي اتجهز هاللحين..بس ابي انسدح
الجد ضحك : ابشري باللي يرضيتس
الجده : ابك تعالوا ..تعالوا حياكم الله القهوه تتحراكم بالمجلس
المجلس ..الكل مجتمع يسولف ويتقهوى ..وماتخلى الجلسه من مناقرات فراس لفلك وأيلاف ..اما ايلاف يعرف انها حساسه وحياويه شوي ف يكتفي بالسوالف معها
ام فلك وهي تشرب فنجالها : يمه ..قلتي لخواتي اني وصلت ..
الجده: ايه يمي قلت لهم ..قالو باتسر ان شاءالله بيكونون موجودين
بو فلك حس ان وجوده ماله داعي..قال يمكن يبغون يخذون راحتهم وقف وقال : استأذنكم عاد ..
الجد بأستغراب : وين رايح
بو فلك ببلشه : بروح احجز لي فندق قرّيب منا ام فلك والبنيات يبغون يرقدون هنيا ..قلت بروح احجز احسن
يتبع..
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
