لا تباطيتي بوصلك ..والبطى ماني خويٍ له

Part 4

عند مزرعة بو فلك..تحديدا قسم الرجال ..
بو فلك لف لنواف : علومتس يانواف.. علامك ساكت تسذا
نواف فز: بخير الحمدلله
بو فلك كمّل : اخبار ناقتس ريميه اخبرك تحبها
نواف بابتسامه : لين ذحين تذكرها ؟ اي والله احبها وزودٍ على ذا كل قصايدي واشعاري فيها
بو نواف بقهر : الحمدلله والشكر الناس تحب شي صاحي..وهو طايحٍ بحب ناقه ..ولا بعد يبو فلك تخيل..مايبغى يتوظف بشركتي حتى ..انا مدري متى بيعتمد على نفسه ..لا انه كمل دراسته مثل اخوه ..ولا انه توظف
بو فلك بدفاع : خله ياخي .. اهون من انه يطيح بهالمحرمات اعوذ بالله ..تراه رجال يعرف يعتمد على نفسه الشنب خاطٍ بوجهه
نواف تضايق واختفت البسمه من هالموضوع وقال بضيق : ياخي انا ما ابغى اتوظف هاللحين..متى ماطقت براسي توظفت ..كثر الله الشركات والوظايف
عز وقف : انا بروح اتمشى شوي هنيا ..
بو فلك : خذ راحتك مامن احد..اكيد الحريم مشغولين
خلف قال بصوته الطفولي : يبه ابي جوالك
بسرعه بو نواف اعطاه جواله لأن يعرف وش بيصير اذا قال لا من صياح ومناحه
نواف نزل فنجاله وقف وقال : بروح مع عز..
بسرعه لف بو فلك لبو نواف بضيق : انت علامك عليه ؟ قد جاك الولد يتشكى من الوظايف هاه ؟
بو نواف بنكبه : لا
كمل بو فلك : اجل خلاص خليه لاتضيق خاطره ..ولا تفتح هالموضوع عند كل من هب ودب
بو نواف بورطه : خلاص سكر الموضوع ..
عند عز ...
كان يمشي وجواله بيده..ويدندن بشيله يحبها..الا فجأه يتوجه له نواف وهو يركض
عز بخرعه : علامك انت فيه شي؟
نواف جلس بضيق : ابد والله طقت تسبدي ..تعرف ابوي فتح موضوع الوظيفه ..مير كثر الله خير عمي مغير يدافع عني
عز جلس جنبه : ابوي هذا ماتعرف اطباعه يعني..الا شرايتس نجيب شاهي ونسولف تسذا.. بدق على المها تجيب
المها ردت بهدوء: هلا عزوز
عز بسرعه : اسمعي نبغى كوبين شاهي وفصفص اذا فيه..لي انا ونواف
المها بأستغراب: غريب مافي عندكم
عز : الا فيه بس بمجلس الرجال مانبغى نروح ..اءء خلاص يختي جيبي شاهي وانتي ساكته
المها: خلاص طيب ..بس انتم وين عشان اجيبه
عز التفت حوله : عند النخله
نواف بملل: عز تستهبل ..ترانا بمزرعه وش بيعرفها ايت مزرعه (ورفع صوته عشان تسمعه) احنا ورا مجلس الرجال لفي يسار تلقينا متكين
المها بضحكه : ياسلااام فيه جلسه اخويه بدوني..ما تستحون انتو..اقول سكر سكر اذا جهز بجيكم
المها لفت لإيلاف : إيلاف حبيبي ..اخواني يبغون كوبين شاهي وفصفص اذا موجود
إيلاف : لا يكون خلص الي عندهم
المها بتبرير : لالا ..معرف كيف افهمتس ..ياخي ماتعرفين اخواني تسيف غريبين
إيلاف توجهت للمطبخ : خلاص طيب
وبسرعه جابت صينيه فيها كوبين شاهي وفصفص ومكسرات..شافت المها تلبس عبايتها وحاطه الطرحه على راسها

إيلاف نزلت الصينيه بصدمه : وين رايحه
المها بأستغراب: علامتس بوديه لأخواني
إيلاف جلست وحطت رجل على رجل: خليهم هم يجون دلع زايد..تطلعين عشانهم ..وبعدين مجلس الرياجيل بعيد شوي عن هنا ..ابوي حطه هناك عشان يكون منعزل..حلوه ذي تودينهم

في الديره بيت الجده ..
الجده بصوت عالي : ملااكك ياا ملاك ..
جت ملاك ركض لامها : هلا يمه
تعالي شوفي لي من دق طفيته بالغلط ..
جلست ملاك وبيدها جوال امها ابو كشاف : يايمه الاخضر الي يرد .. يمكن ضاغطه الاحمر انتي
الجده : والله مدري
ملاك دقت عالرقم : عانيه لقيت اختي غزلان الي داقه ..
الجده حطت الجوال على اذنها بسرعه : هلا ..
ملاك بضحكه : يايمه لسى ماردت اصلا ههههههههههههه
الجده بقهر وهي تضرب ملاك : انقلعي عن وجهي ..
وشويات ويتعالى صوت غزلان الهادئ من الجوال : هلا يمه
الجده : هلا بتس
غزلان بأستغراب : منهو الي عندتس اسمع ازعاج
ملاك وهي مقربه اذنها من الجوال: انااا ملاكك ..
الجده وهي تدفع ملاك وتقوم : اختس المقروده صجت راسي ..
ضحكت غزلان : يازينها زيناه..
وقعدو يسولفون ..

البارت احس فيه تخبيص لأن حذفته بالغلط ولخبطت بالاحداث 🥲 معوضين ببارتات احلا ..
يتبع ..