مها سحبت خلف معها : امش معنا امي موصيتني عليك
خلف بعناد: ما ابعى ياحي (ما ابغى ياخي)ابي اقعد معاهههمم
مها : ابك امش معي والله لأعلم ابوي عليك
خلف انسدح على التراب بعناد ومها تسحب فيها
مها بفشله وعبايتها مليانه غبار : اخ ياربي فضحنا فضحنا هالورعع قمم
بو نواف بصوت عالي عشان تسمعه : خليه يا المها المدلع ذا مغير يتعبس
بو فلك حابس الضحكه : كيفك يابنتي المها عساك طيبه
مها بفشله : طيبه الحمدلله كيفك عمي
فجأه جا عزّ يركض
عز بطقطقه : سلامات اخت المها وراها عبايتس تسذا
داخله مصارعه ههههههههههههههههههههههههه
المها جات بترد ويتدخل بو فلك
بو فلك بدفاع : الا بنيتي المها عاد ياعز لن اسمح لك تضايقها
المها بثقه : هه شفت كيف جاك الرد
عز جا بيرد وطنشته المها ودخلت
لفت تطالع وين راحت امها طلعت سابقتها
المها بنكبه : يويلي كيف بسلم لحالي تسذا
فجاه طلعت ميلاف
ميلاف بصوت عالي : هلاا من هناا المدخل
المها وهي تمشي لها : جايه جايه
ميلاف بترحيب : يالله حيها
المها بخجل وهي تمشي لها : الله يبقيتس
دخلت المها وميلاف المجلس وسلمت
ام نواف باستغراب : وين اخوتس
المها لفت لها : يايمه عيا يجي معي وابوي قال خليه
دخلت إيلاف وبضحكه : انتي منهو باطحتس فالتراب
المها بفشله وهي تنفض عبايتها : خليف لا بارك الله فيه قسم باقي شوي ونتناطح انا وياه
ام نواف بنفضه وهي ترفع يدها : وجع لا تدعين على اخوتس تسذا
ام فلك بهدوء وهي تشرب فنجالها : الله يهديهم هالصغار مغير بالدعاوي بنيتي إيلاف لها يومين تحفظ بدعاوي أهل الجنوب يقولون جعلك بالساحق الماحق شيٍ تسذا تقول بدعي على عدواتي ههههههههههههههههههههههههه
إيلاف بقهر : يمه لا تفضحيني
دخلت فلك بفستان اسود ماسك يتوسطه حزام ذهبي ويزين عنقها سلسال باللون الذهبي
تنحني بطولها تسلم على ام نواف
تتقدم ميلاف بهدوء تقهوي اختها
فلك بهدوء: كيفتس خالتي
ام نواف بفرحه : هلاا هلاا بنتي فلك بخير كيفتس انتي اخبارتس
فلك بتحفظ : نحمد الله ونشكره
ام نواف بسؤال : الا اقول لتس انتي سنه كم جامعه
فلك بهدوء : آخر سنه جامعه
ام نواف بسعاده : ماشاءالله كبرتي أخبرك وانتي صغيره هالقد (حركت اصباعين تضمها )
فلك ابتسمت بتسليك
ام فلك لفت لهم :يا بنات اذا بتاخذون راحتكم تفضلو الصاله
في الديره ...
مريم وهي تصب قهوه لأمها وأبوها
مريم بسؤال : يمه ماكلمتي اخييتي حصه متى قالت بتجي
الجده بشوق : ايه يمي كلمتها وقالت احتمال تجي اجازة نهاية السنه عشان بناتها مايكون عندهم مدارس وتسذا...والله يمي انهم وحشوني بنياتي
يدخل الجد وتسانده عصاه ..
الجد : عينتو لي ملاك
مريم لفت له : ايه يبه تمشي بالحوش تقول بنحف
الجده بضحكه : المشكله انها عود اصلا
الجده وهو يشرب فنجاله : خلوها تمشي عاد لانسدحت قلبتو الدنيا ولا مشت تكلمتو
الجده بضحكه : علامك يبو خالد كل ذا عشان ملاك
مريم وهي حابسه الضحكه : اندري عنه يمه
دخلت ملاك وهي تلهث من الركض
ملاك بصوت متقطع : اخخ... يا رجيلاتي...معد بمشي خلاص...تععبتتت
مريم وهي تشرب فنجالها : دهنيها بفيكس
الجده بعدم اهتمام : محد قال لتس روحي اركضي بالحوش
ملاك بتعب : اخخ تووبه تووبه
يدخل فراس : وش السالفه
ملاك بتشميقه : مالك دخل
فراس بضحكه : اقول هيه لاتشمقين ثمن تصيرين حولا نبلش فيتس وبعدين يالبعير ماتنسين انتي قلت بلغلط كسرت كوبك باالغللطط
في غرفه آخرى بنفس البيت تجلس عالسريع تتأمل الصوره الي تجمعهم والدموع على خدها هي الي دمرت بيتها بنفسها وهو الي ضحى عشانها اشتاقت له....وضحكته...وسوالفه... وكل شي بخصه تبكي بحرقه على كل شيء ضاع منها حياتها والسبب مين ؟ هي هي الي دمرت نفسها بنفسها تنطق بحرقه داخلها وهي تتأمل صورهم :
يامشغلٍ بالي عن الناس وينك
تعبت اناظر صورتك واسرح بها
مشتاق لعيونك ولمست يدينك
تعال نار الشوق زايد لهبها
يقاطع بكائها صوت دق الباب تحاول تمسح دموعها بأكمامها عالسريع وتركض تفتح الباب
الجده بحزن : يمي ساره لين متى بتقعدين بغرفتك خلاص يمي ارحمي نفستس ارحمي عيونك من هالبتسا (بكاء)
ساره وهي بأبتسامه مصطنعه: يايمه انا تسذا مرتاحه تكفين لا تضغطون علي خلاص متى ما بطلع طلعت
الجده برجا: تكفين يمي سويت لك العريكه الي تحبينها تعالي تحت عندي انا وابوتس نستناك
تكفين يمي
ساره بأستسلام : ابشري يايمه خل ننزل
الجده وهي تحضنها بفرحه : الحمدلله يمي الله يفرج همتس ويسهلها عليتس ياررب
ساره بصوت واطي وهي بين ايدي امها : اميينن يمه اميينن
يدخل فراس بصوت عالي : ماشاء الله حضن بدوني ماتستحون
ساره ابتسمت غصب من كلامه وفتحت يدينها : تعال حتى انت
حضنها فراس وباس راسها
فراس بصوت حنون: كيفتس يخوك اخبارك
ساره بحزن: الحمدلله على كل حال
الجده وهي تدفع فراس : انت جبت خربت علي كنت بقعد انا وبنيتي بسرعه انزلو عريكتي لا تبرد
فراس وهو يمثل الحزن : افا يمه يعني هذي طرده
الجده: اقول انزلو انزلو قدامي
الجد اول ماشاف ساره نازله من الدرج وفراس حاط يده على رقبتها
فز بسرعه بحاول يوقف بدون عكاز
الجد بفرحه : يامرحبااا ومسهلاا
قاطعه فراس بطقطقه وهو يأشر على نفسه : مين انا ولا هي
الجد : بنيتي ساره تعالي يبه تعالي جمبي
جلست ساره جمبه وجلس فراس قبالهم
الجد وهو يمسح راس بنته بحنيه : علومك يبوك وحشتيني وانا اقول امك ليش من اول بالمطبخ طلعت تسوي عريكتك الي تحبينه
ساره بحنيه وهي تبوس راس ابوها : الله يخليتس لي يبه ولا يحرمني منك احبكك
الجد حضنها بهدوء :امين يبوك ويحفظك لي
الجده قامت : انا بروح اغرف العريكه الي يحبها قلبتس
فراس قال وهو متكي عالمركى : اقول يبه
الجد بسرعه قال : وحطبه
فراس بصدمه : مسرع يبه ماقلت شي لسى
الجد بملل : اخلص وش عندك
فراس بفضول : اقول انت لما شفت ساره فزيت بدون عكاز كيف (وبغمزه) طبعت خيل
الجد بصدمه من سؤاله : نعنبوك انت ماتستحي اذكر ربك
فراس بسرعه : ماشاء الله ماشاء الله
الجد بثقه وبأبتسامه: انا تراي باقي شباب بس امشي بعكاز عشان متى ما زانت الجلسه امحطك انت واخوانك عالسريع تسذا
فراس بصدمه : ليش يبه حرام عليك لعبه حنا
يتبع...
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
