المها بتوتر : اييه احس خايفه ما اعرف احد.بالله نادي لي خالتي ام فلك وفلك
ملاك وهي تضحك : ابشري معليتس بتندمجين معانا على طول بنادي امي بعد
وبسرعه جات الجده وام فلك ووراهم فلك بفرحه وسعاده
الجده بترحيب : يالله حيها ..بنت بو نواف
المها : الله يبقيتس (وتوجهت تسلم عليهم)
ام فلك : حياتس مهاوي ..وين امتس
المها بورطه : اءء مشغوله والله ماقدرت تجي ..الا ياخاله والله احس اني متوتره كيف بسلم (المها تمون على ام فلك وام فلك تعتبرها بنتها)
الجده : معليتس تعالي واقعدي جمبي
فلك: جدتي بتحميتس من ام سلوى وبنتها الغثيثه
المها بضحكه : خلاص تم
ودخلت المها المجلس وكل انظار الحريم عليها ..طويله ونحيفه وجميله بشكل ..والكل مستغرب مين هذي بحكم انها كانت جديده عالديره
وجلست الجده وجمبها المها ويمينها ام فلك
ام سلوى بلقافه : وش ذا الزين وش ذي الحلاوه انتي بنت من
ام فلك بنبره حاده : ماشاء الله ماتضر يم سلوى
المها : انا بنت فاطمه ( اسم امها)
ام سلوى : والنعم ماشاء الله الا من وين جايه
المها : الرياض
ام سلوى : وين امتس
المها بملل : ماقدرت تجي
سلوى بأستهزاء : وامتس كيف تخليتس تجين بدونها
ام فلك بسرعه : مامن غريب جايه عند اهلها
الجده طقت كبدها من الاسئله : فلك خذي معاتس المها والبنيات ورحو الغرفه الثانيه احسن
فلك : ابشري
وقامو البنات وراها ..
الغرفه الثانيه ..
شموخ: واه اخيرا يابنات نقدر ناخذ راحتنا
ملاك وهي متربعه : صادزه ..الا المها وراتس ساكته تسذا
المها : مدري احس اني مستحيه
رتيل : يشيخه من مين مستحيه كلنا باعمار بعض
ترف : الا انتي كيف مستحمله اسئلة ام سلوى
المها واخيرا قررت تتكلم عنها : ياخي دبلت تسبدي تحقيق اعوذ بالله انتم كيف عازمينها اصلا
ترف : تعرفين حركات حريم الديره اذا ما عزمناها اعوذ بالله يالاشاعات الي بتطلع
المها: مير الحمدلله جت جدتي انقذتني
رتيل وهي تضحك : مسرع صرتي تقولين جدتي
المها وهي تضحك : سمعتكم تحتسون لها تسذا قلت خلني احتسي زيكم
شموخ : الا كيف مارديتي على ام سلوى انتي وقسم قهرتنيي
المها : مدري كيف وانا زي المسكينه مغير اجاوب ماقلت مالتس دخل شي تسذا باقي شوي وافرش لها
حياتي
ترف : وش الي مالتس دخل حبيبتي انتي قاعده جمب جدتي ياعليها قرصه اسألي إيلاف اكثر وحده مجربه من طولة لسانها تبغى ترد بس جدتي مغير تقرص
فلك : الظاهر السوالف مطوله بروح اجيب فصفص وشاهي
إيلاف : اي والله يا ان جدتي عليها قرصه لين ذحين العلامه موسمه فيني
عند الرجال ..
نواف ضحك : لقاء الجبابره
براك تكلم عشان يفهم الجد وش صار بينهم : ياعمي هذا الرجال الاجودي الي فزع لنا بقسم الكاميرات (تذكرونه الموظف الي ببارت ٦ ايه هذا هو😂)
الجد بفرحه : مادريت انكم تشتغلون بنفس الشركه
فراس بقهر : حسبيا الله عليه المدير الاقشر
حارب بصوته العالي : الله يسهلها لكم انت واخوياك
بو حارب : غريبه والله المدير يسوي تسذا الي اعرفه انه يبغى يحافظ على موظفينه بقدر الامكان
الجد وهو فضحهم : داخلين واسطه من خوي خويٍ قريب لي
ابو نواف ضحك : اهااه عشان تسذا
سيف وبراك حطو يدهم على راسهم : انفضحنا
حارب ضحك : معليكم طبيعي
بو فلك : حياكم داخل خلينا ندخل المجلس
الجد : صادز
دخل ابو سلوى .. و الشباب كانو كلهم بصف واحد
نواف ، حارب، فراس ، منصور ،براك ، عبدالله ، سيف ، البتال
فز البتال و براك يقهوون الضيوف ..
فراس همس لنواف وحارب : هيه اسمعو جا ابو سلوى الغثيث ذا مغير يدور علوم وينقد على اي شي انتبهو منه
نواف وحارب : ابشر
نواف همس لحارب : اخبارتس ياولد العم
حارب : بخير يالله لك الحمد
بو فلك بترحيب : حياكم الله
الجميع : الله يبقيك
ابو سلوى بلقافه لف لبو حارب وحارب : انتم وش جابكم هنيا ..هو انتم من اهل هالديار ؟
الجد : يبو سلوى مب من سلومنا وعوايدنا نقول لضيوفنا تسذا وانت ادرى .. بالعكس لزومن نرحب فيهم
بو حارب بأبتسامه : انا من ديار قريّب هنيا وجاي مع اخوي بو نواف
عند البنات ..
دخلت ريما وسلمت على المها .. وقعدو يسولفون لها
ريما : ياذي ام سلوى كريهه حتى ابو سلوى زيها وبنتها بعد وش ذي العائله الكريهه وراثه بينهم الظاهر
دخلت سلوى فجأه وجلست رجل على رجل ..
سلوى بنبره تنرفز : ابد والله طفشت لحالي قلت خلني اجي اقعد عندكم
ملاك وهي تحاول تمسك اعصابها : هلا
عند ساره وميلاف ..
ميلاف : والله ما اخليتس لحالتس خلاص يلا نطلع
ساره : خلاص ميلاف مابغى روحي انتي
ميلاف : يختي مو لازم تروحين تسلمين على الحريم اكيد البنات قاعدين بغرفه ثانيه تعالي يلا (وسحبتها معها)
دخلت ميلاف الغرفه ووراها ساره ..
الجميع قامو بترحيب الا سلوى
ميلاف انقهرت ان سلوى موجوده وعارفه بتسوي شي بيعكر مزاجهم وسلمت عليهم بدون نفس
ملاك وهي تعرّف ل المها بساره : هذي اختي ساره
وسلمو على بعض المها وساره
المها بهدوء : اخبارتس
ساره : الحمدلله
وجات سلوى تتكلم والكل قعد يناظرها يعرفون اكيد بتقول شي يسد النفس
سلوى بأبتسامه مستفزه : الا ساره ..اخبار زوجتس ماطلع من السجن
ساره بصدمه فتحت عينها ماتوقعت احد بهذي الجرأه والوقاحه ..
فلك بإندافع وعصبيه : هيه انتي بأي حق تحتسين تسذا هاه ؟
شموخ وقفت والي كانت اطول من سلوى بكثييرر : عيديها مرةٍ ثانيه قسم بالله لاتوطى ببطنك وانتي شعليتس من زوجها طلع ولا ماطلع هاه
سلوى وهي تضحك: زوجة راعي المخدرات علامها ساكته
المها ساكته ومستغربه .. ماتوقعت انها تسذا صح انها ماتعرف السالفه بس انقهرت
ساره وهي تحس بدوخه ..كل ما حاولت تطلع من دوامة الاكتئاب رجعت له .. ليتها قعدت بغرفتها احسن
ملاك قامت وهي تحرك اصباعها لسلوى : والله ثمٍ والله يا سلوى ان ماتحشمين نفستس لتشوفين شي ماعمرتس شفتيه
ميلاف تحاول تهدي الوضع : خلاص بنات وانتي ياسلوى احتسي كلام صاحي ولا ضبي لسانتس
سلوى : اعلى مافي خليتس اركبيه
وفجأه بدون مقدمات تقدمت إيلاف تمعط شعرها
وطبو شموخ و رتيل وفلك ضرب وتبقيس وصراخ
شموخ وهي تضربها : اهلتس ماربوتس انا اربيتس
سلوى : آخخ شعريي فكييهه
وملاك وترف وميلاف عند المها
ترف : معليتس ترا الوضع طبيعي تسذا
يتبع ..
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
