السلام عليكم
اشتقتو لي😂؟
خلاص خلصت اختبارات ابشرو بالبارتات ولا تنسون تضيفوني انستا عشان تعرفون متى بنزل البارتات وآخر الاخبار والفعاليات
حسابي : haal.sl
ورأيكم يهمني والنجمة 💕..
فراس وهو متكتف وبيده عقاله : اعقلي
ريما : انا من زمان عاقله بس قل لخويك ذا لايتدخل
حارب : طيب وعلى فكره ترا جددتس قالت له يمحطتس بذا العقال عشان تسذا ماسكه
فراس طارت عيونه : حارب خلاص لاتمون
ريما بصدمه : وانت شعرفك بجدتي ..فراس لايكون بتمحطني صدز
فراس بانت بملامحه الجديه: بس خلاص ماتفهمون !!
عند نواف والبنات ..
تقدم لهم بسيارته الشاص لقاهم محشورين عند الجدار
المها : يوه جا نواف
فلك : الود ودي اطير من فوق الجدار
المها : خلاص عاد احس زودناها
نزل نواف وهو لاف العمه على راسه وبغضب : انتن علامكن دايجات تسذا فعز القوايل لو عصريه قلنا طيب وانتي يا المها صاجه روسنا والله ما اطلع فالحر وذحين طالعه ماتحسين انتي
المها وهي جمب فلك : الا احس
نواف : تراكم مقفوطين تسذا ولا تسذا
فلك وعيونها بالأرض : ادري
نواف : ماتغيرتي ساطيه نفس ما انتي ما طرا ببالتس تعقلين لو شوي
فلك طارت عيونها كيف مسوي يمون معها: لا ماتغيرت وليتني خليت ذولاك العيال يدجون فيك لين تعرف ان الله حق
نواف ابتسم: للآن تذكرين
فلك وعيونها بالأرض : ولاراح انسى
نواف : اجل يلا قدامي ثنيناتكم
فلك شافت سيارته الشاص وقالت بنفسها : اوف ياحظهه سيارة احلامي
المها مسكت يد فلك : يلا فلك تكفين خلاص والله طاقتي انهارت
فلك : مانيب راكبه لو ايش
نواف ابتسم : تبغيني اترجاتس تكفين يافلك اركبي .. بأحلامتس
فلك : ايه ومانيب راكبه المها تبغين تروحين مع اخوتس روحي انا بشوف خالي
نواف : المها اركبي السياره
المها: اسفه فلك بتخلى عنتس
عند الحريم ..
بعد ما جاتهم جدة ريما
غزلان حطت يدها على خدها : اويلي عالبنيات وينهن
الجده ام خالد : والله لأوريهن السرابيت ذولا
ميلاف بحزن : كيف يروحون ومايحتسون لي معقوله مايبغوني
ام فلك بسرعه : لا يا أمي ميلاف انتي العاقله بينهم احسن من اختس التسبيره خليتس تسذا
مريم : والله لأخلي تنظيف البيت دبل عليهن
دخلت ساره وجلست جمب ميلاف : علامكم - بعد ما قالو لها السالفه كامله -
ساره : الله اكبر من كبر الديره .. تراها شبرين وين بيطيرون
عند البنات ..
جاتهم ترف وهي تعرج ..
عبدالله : مابغيتي تتحركين
ترف جلست عندهم : ايه تكفى ياخوي جيب فيكس ولاشي ندهن رجولي به
فراس : باقي وراتس مشوار العوده
عبدالله : لاعاد الا تروف تجي معاي
قاطع كلامهم فلك وهي جايه ووراها شاص نواف والمها
فراس بداخله : كفو بنت ابوها مارضت تركب مع الغريب
منصور لف لفراس : يلا نعوّد للبيت
فراس اشر لنواف ينزل
نواف : علامك
فراس : بنخليهن يرجعن كعابي زي ما جو وحنا وراهم
نواف : اي والله احسن ما قررت هاللحين انزل الي عندي
ركب نواف السياره وشاف المها ملصقه وجهها من المكيف تتبرد
نواف : انزلي
المها : هاه وين
نواف : انزلي معاهن كعابي يلا قدامي
المها مسكت يده : اخوي حبيبي عضيدي تكفى لاتخليني اتشلوط معاهن زياده
نواف بصرامه : اقول قدامي يلا
وفتح الباب ونزلها وبسرعه قفله وتحرك بعيد شوي عنها..
المها : استغفرالله وش ذا الأخو
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
