حارب انفجع من منظرها وهي تبكي ماتوقع تسوي كذا وبسرعه شغل الكشافات ونزل من السياره يدور معاها ..
ريما وهي تشاهق : وش تبغى دوبك تحتسي انك بتروح هاه
حارب وهو يدور العود : خلاص مانيب رايح يلا قدامي دوري العود
حارب كأنه لمح العود من بعيد شوي وتوجه له واخيرا لقاه ومسكه بيده وبدأ يتأمله ولقى اسم (محمد بن هذال) محفور عليه بخط جميل وتوجه بسرعه نحو ريما
حارب بأبتسامه وبيده العود : هاه يابنت محمد والعود حقك لقيناه
ريما تصلبت بمكانها
حارب بأستغراب : هاه لا يكون منتي بنت محمد
ريما : كيفف عرفتت
حارب : مكتوب على العود يالخبله
ريما بسرعه توجهت له واخذت العود منه
حارب : على هونتس مانيب سارقه
ريما وهي ماسكه العود بيدينها كلها : مالك دخل
حارب : مافيه شكرا ولا شيء
ريما بصوت واطي : شكرا
حارب بضحكه : ما اسمع
ريما بسرعه ركضت لبيت الجده وتحس انه زودها معاها .. ريما بنفسها : مايستحي
حارب ركب سيارته وبدأ يتبعها بشويش .. وريما تزيد بالركض تحسبه بيسوي شي لها
اما حارب الي ماراح الا لما تأكد انها دخلت البيت
.. و يتخيل الموقف بخياله مره ثانيه وينهار ضحك عليها
عند ريما ..
بسرعه دخلت البيت وسكرت الباب ..
ملاك باستغراب شافت شكل عبايتها وحالتها حاله : علامتس انتي
ريما بتوتر : تقربعت مع الطريق ظلام ماشفت زين
فلك : كل هذا طيحه لا انا متأكده انه في احد مكوفنتس بالتراب
ريما : لا يشيخه يلا بنات جهزوا الفرشه بالحوش
شموخ : جاهزه من اول مير ننتحراك ابطيتي علينا
ريما : يلا اسبقوني انا بروح الحمام واجي شموخ شيلي العود معاتس وانتبهي له
شموخ : تمام
عند ريما
غسلت وجهها وتذكرت الموقف الي صارلها قبل شوي تحس بشيء غريب للحظه كرهت نفسها انه ليش أعطته وجه بالحتسي .. وقعدت تتخيل سيناريوهات .. ووش يقدر يسوي لها .. وحاولت تهدي نفسها خلاص شي صار وانتهى
رتيل : المها تعالي معنا الحوش
المها : جايه جايه بس دقيقه
رتيل : علامتس لابسه عبايتس
المها : احتياط عادي
رتيل : تمام يلا نروح
فالحوش ..
البنات سوو لهم جلسه بعيده عن قسم الرجال
ومجتمعين كلهم ومتلحفين بباطنيات وفروات
المها بحماس : يلا ريما اطربينا
ريما مسكت العود وقعدت تفكر وش تغني قررت تغني شيء يعبر عنها تنحنحت ومسكت العود وقالت :
آه واويلاه من عمٍ ظلوم
بعد ما ابويا رقد تحت التراب
القمر لو غاب ماتفيد النجوم
وعسى بيتٍ عقب عمره خراب
وكانت تدق عود بكل احساس ..
وتعالت صوت التصفيق لريماا
المها : بالله دقي اغنية غارت عيوني
الكل بتأييد : أييه
ريما : تمام
وبدأت تدق لين قالت :
غارت عيوني من عيوني علييك
وشلون لا شافك من الناس غيري
لا تسأل ميتٍ حيل فيك اموت في
حبك وهذا مصيري اسمع حبيبي
صوتي الي ينادي
وفجاه تعالى صوت البنات وهم يغنون مع بعض بإنسجام تام مع دق ريما ..
والي يصير اليوم خله يصير
اسمع حبيبي صوتي الي ينادي
والي يصير اليوم خلاه يصير
دامي احبك دام قلبي يحاتيك
عند العيال ..
الكل في سابع نومه والرجال بعد والي يرافس الثاني وهو راقد والحاله حاله ماعدا حارب الي من اول يضحك بشويش على موقفه مع ريما وجاه فضول يسمع دقها بس تعوذ من الشيطان ونام
عند الحريم ..
مريم مبتلشه بتؤامها مسك وجسار مو راضين يرقدون
دخلت ام فلك فجأه : علامتس انتي
مريم جلست عالأرض بتعب : الله يهديهم تعبوني مو راضين يرقدون
ام فلك : هاتي مسك انا بنومها
مريم : تسوين خير والله
ام فلك : فين امي وغزلان
مريم : راقدين وملاك والبنات برا بالحوش بيسهرون
ام فلك : خلاص بنوم مسك عندي اذا نامت بجيبها
مريم : الظاهر ليلي طويل مع جسار
ام فلك : اسمعي نسيت اسأل البنات ليش دبغو سلوى شسالفتها
مريم بقهر : شموخ حتست لي انه جات ساره ياعمري عليها بتقعد معهم تغير جو الا وتجي سلوى تتعرض لها وتقول انها زوجة راعي المخدرات وتسذا
ام فلك شهقت بصدمه : حسبيا الله ماتستحي وذحين كيف ساره
مريم : قبل شوي غرفت لها عشا وقالت بتنام مير ماقصرو بنياتنا عطوها جزاها
ام فلك رفعت يدها : يااربب تهون على ساره يااارب
عند البنات
المها : واه يابنات وربي اغاني ابو نوره تخليني احس اني احب وانا ماعندي سالفه
فلك : وربيي حتناا ريما اعطيناا من اغاني ابو نوره
ريما بدأت تغني وهي تطالع برتيل (صداقة ريما ورتيل قويه رتيل دايما تسولف لها عن تصرفات منصور الي تقهرها و ريما تحاول تقنعها انه يحبها ) :
اشوف كل يوم واروح وكل نظره
ترد الروح اعيش فيها عشان بكرا
عشان ليلي اللي كلو جروح
ريما وصلت للبارت الي تبغاه وقالت بصوت عالي وبضحكه :
ترا راعيي الهوا مفضوووح
صحيح النظره ماتكفي
رتيل بورطه : خير تطالعيني
فلك : حركات رتيلوه من تحبين
رتيل : ما احبب احدد
إيلاف وهي منسدحه على رجل شموخ: بنات احس جاني النوم
ترف : روحي ارقدي زي ميلاف سحبت علينا
إيلاف قامت : والله ماشوف الدرب نعسانه
المها وهي تفصفص : ماش منتن مخاوين الليل زيي
شموخ : ايه مها عرفينا عليتس اكثر
المها حركت اصباعها تجاهها بنفي : لا حبيبتي انا اسمي ال مها مب مها ماحب احد يقولي تسذا
ترف: فرقت حرفين يعني
فلك : ايه تحسين المها افخم تسذا
ترف انسدحت بتنهيده : آخخ يابنات ياارب زوجني واحد من حايل
رتيل : والله انتس فاضيه الناس تفكر بدراستها وتوتس صغيره
ملاك : صادزه اختس وبعدين مين الي بيجي من حايل للديره عشان حضرتس
ترف : ماتدرين يمكن يجيني واحد من حايل عشاني
المها : ليش اخترتي حايل بالذات
ترف : مدري ياخي احب لهجتهم والسامري حقهم احبب كلشي فيهم
ريما مسكت الصحن : غني سامري حقهم على قولتس وانا بطبل مايلصح له عود
ترف قامت ولبست فروتها زي البشت واخذت العصى وقامت ترقص سامري :
"عزتي من مثلي يدادي
وسط حايل ساكنن خله
ليتني وياه في وادي
والغيوم من فوقنا مظله
لو ذبحني ياعوض عادي "
وشهقت ملاك : يويلي منهو الي بيذبحتس
ريما : اندري عنها
المها وهي غاطسه وسط الفروه: بنات بردد وبعدين وشذي الفروه الي معطيني اياها ماتدفي زين
ملاك : احمدي ربتس معطينتس فروة فراس
فلك : صادزه ولا بعد مسوينها باحسن انواع الفرو هو يعشق الفروات حيل
يتبع ..
هالله هالله بالدعم
أنت تقرأ
لا تباطيتي بوصلك ..والبطى ماني خويٍ له
عشوائيتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
