الساعه ٥ فجر
ام فلك وهي ترفع صوتها : يلااا يا بناااتت عجلووو
فلك وهي تتزحلق مع الدرج : جايين يمه
ووراها إيلاف لابسه عبايتها وحاطه الطرحه على رقبتها
فلك وهي تتنحنح وتغني :
من ردى الحظ قلبي طول الايام
خايف ..
إيلاف على طول عرفت الاغنيه وشبكت معاها : خايفٍ والليالي ماتجي له بكيفه
فلك وهي تهز اكتافها : العباة الرهيفه فوق المتون الرهايف
إيلاف وهي تلعب بطرحتها : خلت القلب يرجف غصب ماهو بكيفه..
قاطع روقانهم بو فلك : يالله صباح خير الناس تقول اصبحنا واصبح الملك لله وانتم تترقصون هنيا
وطالع إيلاف : روحي يايبه خذي مفتاح سيارتي وحطي اغراضكم وشنطكم هناك
( بيت بو نواف )
ام نواف : المها عينتي لي نايف
المها وهي تشرب قهوتها : اي النفسيه ذا فوق يذاكر
ام نواف بحزن وهي ترفع يدها : مضغوط بدراسته وليدي يارب انك توفقه ونشوفه ف اعلى المراتب يااارربب
المها لفت لامها : وانا يمه مغير هالدعوات لولدتس
ام نواف : الحين انتي حاطه نقرتس بنقر اخوتس ليش يالله حتى انتي الله يوفقس
المها : لا ماما ماعجبتني دعوه بدون نفس مابيها
قاطعهم دخول بو نواف وهو يحط نعاله عند الباب
المها وهي تلف لأبوها: يبه تبي قهوه
بو نواف : اييهه يابنيتي نبغى ذيك القهوه الكايده
راحت المها للمطبخ
بو نواف وهو يلف لأم نواف : ايه عالطاري رفيقي بو فلك عازمنا بمزرعته وعازمكم بعد كان تبون تجون
المها من المطبخ ورافعه صوتها : اشم ريحة عزيمه يبه
ام نواف بصدمه : انتي رايحه المطبخ وناسيه اذانتس عندنا هاه
المها بفشله : هاه..اء.لا والله بس كذا سمعت بالغلط والله
بو نواف وهو حابس الضحكه : بنيتي و اعرفها تدور عزايم
المها وهي تمد الكوب له : اي والله نبي نقابل ناس ونستانس
ام نواف : والله ماعندي مانع عادي اصلا من زمان ماشفتهم
بو نواف لف للمها ومايشوف الا غبارها رايحه ركض لغرفتها
ام نواف باستغراب : هذي علامها
المها بصوت عالي : يمه وش البس فستان
نواف واللقمه بفمه وهو طالع من المطبخ : انتي من قايل لتس فيه عرس تراها مزرعه بتروحين تبحثّين ف التربان
ام نواف بصدمه : انت من متى هنيا ؟
نواف وهو باقي ياكل : ابد والله تو جيت وانتم تتناقشون
المها وهي تمد راسها من الدرج : يايمه تسذاب ماتعرفين ولدك مغير منسدح بالمطبخ
بو نواف : زين انك موجود مافيني اعيد العلم مرةٍ ثانيه بتجي معاي للمزرعه فاهم ولالا
نواف وهو متربع : اخخ بس امري لله ييصير خير يايبه
ام نواف بسؤال : ماعينتو لي عزّ اخ ياذا الولد ماني مرتاحه لطلعاته مغير يجي من المدرسة يبدل ويروح
بو نواف وهو يشرب قهوته : ياذا الورع تعبني ماندري وين رايح ولا مين يقابل لزومن اقابل اخوياه اشوف هو يقابل العرب الصاحين ولا الله يستر منه
نواف : شدعوه يايبه خلوه يستانس العمر مره وحده ياخي
(سيارة بو فلك )
ميلاف بقهر : يبه شوف ايلاف متربعه حشرتني تحسب نفسها فالصاله
بو فلك وهو يسوق : خذي حقتس بنفستس لازم تتعودين
ميلاف اخذت نفس وهي تحاول تستجمع قوتها وتاخذ حقها فجاه ضربت فخذ ايلاف بقوه
ميلاف والدموع بعيونها : قلت لتس توخرين عييتي
مشكلتس
إيلاف بألم وهي تحط يدها على مكان الضربه : حشى تو يطلع لتس لسان هاه وبعدين وشذي اليد يالمتعافيه اخخ كسرت لي فخذي يايمه
ام فلك وهي مو مهتمه : احسن تستاهلين محد قال لتس مدي كراعك
بو فلك : الظاهر سياره معد تكفي لزومن اشتري باص
( المزرعه )
فلك وهي رافعه صوتها : إييييلااف انفضي فراشتس قبل ماتنسدحين لايطلع لتس صرصور منا ولا منا
إيلاف بقرف : طيييبب طيييب الله يقرفتس يافلك
ام فلك وهي تكلم جوال : هلا يمه.. بنجيكم ان شاءالله قرّيب ..معليك اجازة نهاية السنه بتجي ..يلا بقفل هاللحين ..مع السلامه
فلك نطت بوجه امها : من تكلمين يمه
ام فلك بأبتسامه : جدتس تقول انها مشتاقه لكم ولجمعتكم
فلك بشوق :اي والله وحشوني بنقعد عندهم لين يطردونا
ام فلك بضحكه : خصوصا خالتك ساره اول شخص بيطردكم هي ماتداني الازعاج عاد
ميلاف بفضول وهي منسدحه عالكنب : عالطاري يمه وش سالفتها خالتي ساره وراها غامضه تسذا احس فيها شي غلط
فلك بتأييد : وهي صادزه ليش ماتداني احد وطول الوقت فغرفتها
ام فلك بصعوبه قالتها : والله ما ادري ترا قبل كانت زي العسل وتحب الكل ذحين مدري وش جاها
ميلاف:تهقين عين يمه
ام فلك وهي ترفع كتوفها : مدري والله مع أن ابوي وامي حاولو يودونها شيوخ ورفضت
ام فلك بتغيير الموضوع :ترا قرابة العصر بيجونا اهل رفيق ابوكم بو نواف اجهزو
أيلاف وهي نازله من الدرج : واه ياقدمي من زمان عنهم ذاك الي ولدهم الصغير غثيث ينشب بالحلق
رفعت يدها وقالت حسبيا الله عليه كسر مكياجي
ميلاف بهدوء : لا تدعين عليه حرام ترا بزر
إيلاف جلست حطت رجل على رجل : كنت بروح لأمه تدفع لي تعويض بس قلت هالمرا بمشيها
ميلاف وهي حابسه الضحكه : تسذابه ماكنتي بتمشينها كله مني علمت امي عليتس وقرصتس هاه ولا مديك فضحتينا هههههههههههههههههههههههههههههههه
إيلاف بقهر : انتي بالذات سدي حلقتس ولا كأنتس توأمي
ام فلك : انتم جايات تتهاوشون عندي وبصراخ انقلعو عني فوق كم مرا قلة لكم روحو جهزو بيجونا ضيوف
إيلاف بملل : طيب يمه اعصابتس
ميلاف راحت تجهز
دخل ابو فلك
وعلى طول فلك فزت قالت : يبه امي مسويه تحديد الكل انجو بحياتك
بو فلك بغمزه : شدعوه تعصب عالكل الا انا انا غيير قلت لتس
ام فلك صدت : افلح عني حتى انت
إيلاف : يبه معليك بنستقبلك بغرفتنا امي جتها الحاله
ام فلك وقفت : انتم ماتفهون العلم انا ويش اقول من اول
ركضت فلك وإيلاف لفوق
فلك وهي تركض : تفاهم معها يبه
قاطع كلامهم جوال بو فلك وهو يدق
بو فلك : هلا..يامرحباا تراحيب المطر ارحبو حياكم الله..ابشر ذحين افتح لكم الباب الخارجي على خشمي يلا جايكم
بو فلك لف لأم فلك : كلشي جاهز فالمجلس
ام فلك بثقه : افا عليك جهزت كلشي
بو فلك بأمتنان : يعطيتس العافيه ياحصه
(عند الباب الخارجي)
يتعالى صوت بو فلك بالترحيب
وقال الحريم من الباب الخلفي راحو مها وامها مها سحبت خلف معها : امش معنا امي موصيتني عليك
يتبع ...
تعليقاتكم تهمني..
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
