المها وكأنها استوعبت : صادزه والله حلوه ذي انا اكبر من عز ويجي يتأمر علي يقول جيبي
ميلاف ضحكت : إيلاف شغاله تحريض اخوان
هزت راسها إيلاف بنفي : مب تحريض ولا شي حبيبتي هذا الصدز والحق
فلك وهي نازله مع الدرج : الله اكبر صدز وحق داخلين محكمه حنا
يقاطع كلامهم صوت جوال المها :
عز بنرفزه : ماصار شاهي والله سنه
المها ببرود : خير اخ عز شعندك تتأمر تسذا اقول تعال مع الباب الخلفي وبتلقى الشاهي هناك غير تسذا ماعندي فاهم
عز بصدمه وهو ينزل الجوال وكان فاتح سبيكر لنواف : سمعت وش قالتس؟
نواف بنفس الصدمه : ايه.. المشكله انه توها قايله انها بتجيبه مسرع غيرت رأيها
عز: اندري عنها
قاطعه نواف وهو يقول : اقول رح رح الشاهي لايبرد بعدين نتفاهم بوضعها
قام عز يجيب الشاهي
انسدح نواف وهو يتأمل المكان
(الديره)
بصراخ وعصبيه " ببرّااكك..انت من جدك تتكلم .. تسيف تسذاا تسسسييفف انا محرّص عليه ينتبه عليها نعنبوه هذا بيودينا بستين داهيه" يقولها فراس ووجه احمر من العصبيه
وكمّل : هذا جزاتي اني واثق فيه ومسلمه الاوراق
برّاك بأرتباك : خلاص فراس...هدي انت وصدقني مابيحصل الا كل خير
فراس : تسيف تبيني اهدأ والاوراق الي المدير مسلمني اياها مضيعها الورع ذاك...تسيففف انت تدري المدير يدور اي زلّه علينا وانا يالله يالله لقيت وظيفه اشيل بها نفسي
براك بهدوء: داري يافراس ...داري ان المدير اصلا مايبغانا بس عشان واسطات خوي ابوك...بس انت ذحين اهدأ وتعال المكتب وبنلقى الاوراق ان شاءالله
فراس وهو يركض للسياره : جايك جايك سكر بس وخلي الي ضيعها سيف يجي بتفاهم معه
براك بنرفزه: خلاص عاد لاتسوي فيها انك الوحيد الي يتروح فيها ترا كلنا مبتلشين بعد
مزرعة بو فلك...
عز وهو يشرب الشاهي : فضفض يخوك وش بلاك
نواف وهو منسدح : لا انت فضفض اول بعدين انا
عز : لالا انت اول بعدين انا... انت الكبير عيب
ناظره نواف بطرف عينه : اقول ترا حاس انك مسوي بلاوي اهرج بس شعندك
عز بتوتر : هاه...لالا مافي شي.. وش بلاك انت (وبتغيير موضوع ) اقول انت لين ذحين تكتب قصايد
نواف بنرفزه من تغيير الموضوع : ايه
عز : اقول عطني آخر قصايدك
نواف اخذ رشفة شاهي وقال :
والله ان صدري معافى وخفاقي نظيف
لو اشوف الحزن في عين حسادي زعلت
الملامح بعض الاحيان تظهرني عنيف
ولا انا بالكلمه الطيبه..ماقد بخلت
اقبل بوجه يشرف ومنطوق عفيف
ولا لقيت الي ينقص من حضوري رحلت
اتعدا عن عيوب البشر كني كفيف
ولا تبين شي للعين جنبت وغفلت
عز بأعجاب : صح لسانك ماتوقعت يطلع منك هذا
نواف بأبتسامه : شرايك فيني ترا هذا شي بسيط من الي عندي
عز : والله ماتوقعت انك شاعر تسذا
نواف باستغراب: الا شخبار نايف... وحشني التسلب من زمان عنه
عز : صحى اليوم فطر معانا ورجع غرفته يذاكر...مكروف باقي له سنتين ويتخرج
نواف بحزن : الله يوفقه لزومن اذا رجعنا احتسي معاه.. الا انت شخبار مدرستك
عز وهو يفصفص : وش احتسي ووش اخلي بس الله ييسرها اصلا تسذا ولا تسذا ناوي اتوظف بشركة ابوي
نواف : الله يوفقك
قاطع كلامهم صوت بو فلك وهو ينادي : ياولدد
نواف فز : لبيه ياعمي
بو فلك بصوت عالي عشان يسمعونه : تعالو العشا وراكم حاسين هنيا
عز وهو يمشي تجاهه ووراه نواف : جايين جايين
عند الحريم...
إيلاف بحماس وهي تقول لهم سالفة مضاربتها فالمدرسة : ايي وتخيلوو بعد معطتها مع شوشتها بن اللذين قهرتني
المها بنفس الحماس متفاعله معها : كفوووو بردتي حرتي
فلك وهي متربعه عالكنب وتفصفص : يا الله ي إيلاف قسم حماس اشتقت لأيام المتوسط ومضاربتها اذكر بنات عماني وعماتي يسموني الفزعه
المها لفت لميلاف : وانتي وش وراتس ماعندتس فعاليات بالمدرسة
ميلاف بهدوء: لالا اعوذ بالله مالي بالمشاكل
إيلاف اشرت عليها وبقهر : حتى تخيلو مافزعت لي
فلك و المها شهقو بقوه ..
المها بصدمه : يالخايبه ماتستحين انتي ماتفزعين لأختس ؟
فلك بنفس الصدمه : انا اوريتس ميلافوه تتصفق اختس قدامتس
ميلاف بأرتباك :شسوي ياخي ماعرف اتضارب
إيلاف بأندفاع لفت لفلك : هيه انتي مين قال لتس اني تصفقت حبيبتي انا صفقتها
فلك وهي تشرب شاهي : هالمره سلمتي المره الثانيه الله اعلم وش بيصير فيتس
الديره...
فراس وهو يدور الارواق : وين ذلفتها ياسيف حسبيا الله عليك
سيف وهو يدور معاه : مدري مدري...تسانت هنا والله متأكده انا وين بوديها.. انا اصلا ما اشيل اوراق معي للبيت اخلص كل اوراقي هنا
تربع فراس على الارض وهو فاقد الامل : انت بالذات سد حلقتس لا تهرج...اخ يعيال الظاهر رحنا فيها
برّاك بابتسامه واسعه كأنه جابها : يعياااللل... الكاميرات اكيد تكون شغاله...نسيت ان فيه كاميرات بالمكتب
ضربه سيف بسرعه على راسه : نعنبوك هذا مايشتغل بدري... ماتقدر تفكر بسرعه هاه
براك وهو يقوم : هذا جزاتي يلا يلا خلونا نروح نشوف قسم الكاميرات
فراس مد يده لسيف عشان يقومه
فراس بندم : سامحني يخوك رفعت صوتي عليك وقلت عنك من الحتسي ماترضاه ...بس هذا من قهري والله
سيف بضيق وهو لايزال حاضنه : معذور يخوك.. اصلا انا كنت عارف عشان تسذا خليت براك يكلمك عارفك بتطير فيني...وترا كان حاط سبيكر سمعت كلشي..الحمدلله مامن غريب مغير انا وبراك
فجاه قال براك : يلا اخلص انت وياه علينا ابطيتو
فراس وسيف بنفس الوقت : جايين
قسم الكاميرات...
براك بضيق : الفزعه تكفى..
الموظف : احتزم
كمّل براك : معكم زملائكم ف مكتب ١ الدور الارضي مالك بالطويله احنا ضايعٍ لنا اوراق مهمه مسلمها المدير لنا...وانت تعرف حركاته..دورنا لين تعبنا ولا لقينا .. نبغى نشوف تسجيلات الكاميرا من الساعه ٩ صباح اليوم
الموظف بورطه : بس انا ما اقدر للاسف هذي اشياء سريه مانقدر نسربها
براك برجا : تكفى...تكفى تهز رياجيل
فراس كمّل : والله بنروح بداهيه لو مالقينا هالأوراق
الموظف بأستسلام : طيب..بس ياويلكم تجيبون طاري اسمي فاهمين
فراس بسرعه قال : يرجال اصلا مانعرف اسمك اول مره نشوفك بس عجل تكفى
تقدم سيف بسرعه بيبوس راسه : علي بالحرام انك محزم وكفو
الموظف وهو يبعد سيف عنه : كفوك الطيب بس وخر خلاص
يتبع...
أنت تقرأ
لا تباطيتي بوصلك ..والبطى ماني خويٍ له
De Todoتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
