نايف : اجل بعطيها حقي
نواف بحده : لا لاتعطيها شي من فلوسي وحلالي رح انت اشتري لها
نايف بقهر : نواف علامك انت ماهقيت انك حقود لهدرجه وعلى حرمه !
بو نواف بقهر : وخزياه بس خيّبة هقواتي ..
رفع نواف نظره لأبوه ثبّت عينه عليه : والله مدري مين الي المفروض تخيب هقواته فالثاني
تنهد نواف بقهر : رح يا نايف سو الي تبغى .. خلاص ارجعوا البيت طالبكم والله على ذا الحال مقدر امسك نفسي بسوي اشياء ماودي بها تكفون
بو نواف وهو حاس به ويعرف ان نواف قَهره قوي : ترفّق بحالك ياوليدي على هونك
تقدم نايف لنواف وضحك يهوّن الوضع : اركد لاتدمّر صحتك بنفسك ترا النفسيه تأثر وبعدين لو صار شي من وين لي نواف ثاني
ضحك نواف ضحكه تحمل كل معاني القهر والحزن :
واهنيّك تضحك ونيرانٍ شابه بضلوعي ! - رفع نظره لعز المنوّم - وعزاه للمغدور هنيّا ..
اختفت الابتسامه من وجه نايف
كمّل نواف بنفس بنفس النبره : ليت الوجع فعروق قلبي ولا فيه
نايف بسرعه : أستغفرالله ! يخوك الظاهر انك انتهيت المهم بنوصل هالضعيّفه ثمن نروح البيت توصي شي
نواف : سلامتكم
بو نواف خرج مفتاح سيارته من جيبه وتوجه للباب : استودعكم الله
نواف رفع نبرة صوته شوي : يا ناايف لا اشوف دموع مهاوي وامي هوّن عليها وغير جوها
نايف بدون مايتلفت له : ابشر
خرج بو نواف ونايف من الغرفه
بو نواف التفت لرواسل للي كانت متكتفه على الكرسي : نمشي هاللحين يابنيتي؟
فزت رواسل واقفه : ابشر ياعم
مد نايف لها علبة عصيره : خذي كود انك عطشانه
اخذتها رواسل بهدوء بدون نقاش لانها تشوف هالوقت مب مناسب وطاقتها انهارت ، توجهوا لسيارة بو نواف وركبت ورا والي ماحسبت حسابه ان نايف ركب قدام وهي ماكانت تبغاه يجي لانه ماتثق فيه تكتفت بتوتر وكان الصمت يحتلّ المكان
بو نواف شغل السياره : هاه يابنيتي من وين الطريق؟
رواسل بتردد اشرت على الشارع العام : اا قدام ياعم
حرّك بو نواف الدركسون للشارع : ووين؟
رواسل توترت وضيّعت طريق بيتها : ا هناك .. لا مب من هنا
غطت راسها بيدينها بفشله وبصوت خايف : نسيت ..
بو نواف بتهدئه : ماعليه حاولي تتذكرين على هوّنك
اهتز صوت رواسل بخوف : م مدري
نايف ببرود : سرا الليل وحنا ما سرينا خلني اسوق يايبه قد اننا خلصنا
بو نواف برفض : لالا بنتي قالت تبغاني اسوق يعني انا بسوق
نايف برجاء : بالله يبه .. اقدر اوصف لك الطريق بس بنطوّل
رواسل بصوت خافت : خ خلاص ياعم خليه يسوق
تنهد بو نواف بإستسلام : ابشري
همست بصوت خافت تحسب محد بيسمع : عسى مايخطفني
ابتسم نايف بخفه وهو سمعها نزل من السياره وتبادل الاماكن مع ابوه
بو نواف بإستغراب : ياولد انت وين مودينا !
شهقت رواسل بخوف لفت للقزاز تتأكد ان هذي هي حارتهم
نايف بعدم اهتمام : ماعليك يبه اعرف الطريق زين
- ركزّ نظره على الطريق - : قربنا نوصل
« عند بيت رواسل »
نزلت بهدوء من السياره ونزل بو نواف القزاز : طالبك اذا احتجتي شي قولي لنا
رواسل بخجل : مشكور ياعم ماتقصر
بو نواف : خذي رقمي يابنيتي بكرا لزوم نمرتس معنا عشان تشوفين وضع اخوتس ما ابغى اخليتس تروحين مع ناس غريبين
رواسل برفض : لا لا مايحتاج صدقني اقدر اروح لحالي !
بو نواف فتح درج السياره بسرعه واخذ ورقه وقلم كتب فيها رقمه واعطاها رواسل
بو نواف بإصرار : خذي خذي عيب ترديني انا بحسبت ابوتس !
رواسل بفشله اخذت الورقه : مهوب قصدي تسذا والله
نايف بهدوء : زين ادخلي بيتك هاللحين ولا تفتحين الباب لأي أحد ولا تطلعين لين ابوي يدق عليتس بكرا بنمرتس
رواسل بإستغراب من تنبيهاته : ادري ادري
نايف : ادخلي بسرعه !
تأففت رواسل : طيييب
دخلت البيت وماحرّك نايف السياره الا لما تأكد انها دخلت تمامًا
بو نواف بعدم اطمئنان : وش ذا الحي مايطمّن
رفع نايف اكتافه بعدم معرفه : ما ادري عنهم
بو نواف : استودعها الله بس
نايف شدّ على الدركسون بتوتر : عادي واضح ان البنيّه فطينه ونبيهه وبكرا ان شاءالله احنا جايينها مابنبطي
بو نواف تنهد : وشلون فطينه ونبيهه وهي طلبت تجي معنا بذا الليول لو ناس غيرنا الله اعلم بحالها
نايف : ماعليه يبه يمكن تعتبرنا اهلها تروح مع ناس ابوها كان يعرفهم اهون من انه تروح مع غريب لاتشيل همّها انت بسيطه
قاطع كلامهم صوت جوال بو نواف
بلع نايف ريقه بتوتر : يارب مب ..
رفع بو نواف جواله وبنبرة مليئه بالهمّ والحزن : مهاوي !
رد بسرعه وحط سبيكر
المها بخوف : وييينكم تكفوون طمنونا ! وليش ماتردون علينا امي من العصر وهي خايفه عليكم تكفون تعالوا بسرعه اخاف يصير شي
بو نواف بتهدئه : جايين بالطريق
نايف : ماعليه مهاوي لاتخافين مارح يصير الا كل خير
اخذ خلف الجوال من المها : يبه وين عز اشتقت له
المها اخذت الجوال بسرعه : اعطيني اياااه ماصدقت يردون
بو نواف بصوت مهزوز : خلاص يابنتي جايينكم هالحين
المها بخوف : يبه ..
نايف : خلاص بامهاوي قفلي قلنا جايين بالطريق
المها برفض : مارح اسكر خايفين عليكم !
اخذ الجوال نايف بسرعه وقفله
نايف : لاترد على ذا الحال بتتعب حيل يبه
المها بدموع : يمااه ابوي رد علي يقول انه جاي بالطريق
ام نواف جات بخوف : يارب استر اللهم اني استودعك عيالي
« عند نواف »
توجه لعزّ المنوم والاسلاك بكل مكان نطق بصوت مليء بالضُعف والانكسار :
" منظرك على السرير المستوي خَذ من عيوني
دمعةٍ لا هيب لا دمعة كذوب ولا منافق
أنت تقرأ
لا تباطيتي بوصلك ..والبطى ماني خويٍ له
Randomتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
