"အဲ့ဒီတော့...မင်းက"
"အွန်း"
"သူ့ကို"
"အွန်း"
"ကိုယ်ဝန်ရှိနေတယ်လို့"
"အွန်း"
"လိမ်ပြောခဲ့တယ်ပေါ့"
"အွန်းးး"
ထုံပေပေဖြင့် ခေါင်းတဆတ်ဆတ် ငြိမ့်ပြနေသူကိုကြည့်ရင်း အစ်ကိုဝမ်းကွဲဖြစ်သူမှာ စိတ်ဝိဥာဥ်နှင့်ခန္ဓာ ကွဲသွားသကဲ့သို့ ငူငူငိုင်ငိုင်ကြီး ဖြစ်သွားတော့သည်။
"ဘယ်လိုလုပ်ရမလဲ"
"ဘယ်လိုလုပ်လို့ရမှာလဲ! မင်းမှာ ကိုယ်ဝန်ရှိမယ်ဆိုရင် တော်ဝန်ဆရာဝန်တွေနဲ့ သေချာပေါက်စစ်ဆေးအတည်ပြုပြီး မွေးဖို့ဖွားဖို့ လုပ်ကြတော့မှာ သိရဲ့လား။ မင်းကို လာစစ်ကြလို့ မင်းမှာ ကိုယ်ဝန်တကယ်မရှိတာ သိသွားရင်.........သွားပြီ"
အစ်ကိုဝမ်းကွဲ၏စကားကြောင့် ဂျီမင့်မျက်နှာ ရှုံ့မဲ့သွားသည်။ တကယ်တမ်း လိမ်ဖို့ကြံရွယ်ခဲ့တာမဟုတ်ဘဲ အခြေအနေအရလိမ်မိသွားတာ။ Jeon jungkook က သူ့ကို ဘုရင်ငယ်နေရာကနေ ဖြုတ်ချဖို့ လုပ်နေတာ အားလုံးအသိပဲ။ ကိုယ်လုပ်တော်အိုမီဂါကိုလည်း အရေးပေး ဆက်ဆံနေတာ။
ဘယ်လိုပဲဖြစ်ဖြစ် Jeon jungkook က ဧကရာဇ်မဟုတ်လား၊ သူသာ ဘုရင်ငယ်နေရာကို အစားထိုးချင်ရင် မဖြစ်ဖြစ်အောင် လုပ်လို့ရတယ်။ ဒါ့ကြောင့် သူ့ကို အနိုင်ယူချင်တာရော ခြိမ်းခြောက်ချင်တာရောကြောင့် ကိုယ်ဝန်ရှိနေတယ်လို့ လိမ်ခဲ့မိတာ။
အကယ်၍ ဘုရင်ငယ်ဂျီမင်မှာသာ ကိုယ်ဝန်ရှိနေခဲ့ရင် မွေးလာတဲ့ သားဖြစ်စေ သမီးဖြစ်စေ အိမ်ရှေ့စံရာထူးကို ရလိမ့်မည်။ ထို့အတူ ဘုရင်ငယ်ဂျီမင်ကိုလည်း တိုင်းပြည်ရဲ့နတ်ဖုရားတစ်ပါးလိုမျိုး ကိုးကွယ်ခစားကြလိမ့်မည်။ ခြုံငုံဆိုလိုရရင် ဂျီမင်က တိုင်းသူပြည်သားတွေရဲ့ အချစ်တော်ဖြစ်လာမယ်။ ဧကရာဇ်နီးပါးအာဏာရှိလာမယ်။ အဲ့ဒီအခါမှာ ဧကရာဇ်တောင်မှ ဘုရင်ငယ်ကို ထိချင်တိုင်းထိလို့မရတဲ့အထိ အာဏာမြဲလာလိမ့်မယ်။
ဒါ့ကြောင့် သူက Jeon jungkook ကို ကိုယ်ဝန်ရှိနေပါတယ်လို့ လိမ်ပြီး တုန်လှုပ်စေခဲ့တာ။
YOU ARE READING
THE ANTIVENOM OF VENOMOUS MONARCHY
Fanfictionဧကရာဇ်ဂျွန်မှာ ဘုရင်ငယ်လေးတစ်ပါးရှိတယ်။ ဧကရာဇ်ဂျွန်က အဆိပ်ပြင်းရင် ဘုရင်ငယ်လေးက ဖြေဆေးတစ်ခုပဲ။ #1 - jikook (20 July,2024) Started - 17May, 2024
