အစေခံမိန်းကလေးသည် ရေးကြီးသုတ်ပျာဖြင့် ပြေးလွှားနေပြီး သူ၏ ခြေလှမ်းတို့က ဘုရင်ငယ်လေး၏ အခန်းရှေ့တွင် ရပ်တန့်သွားသည်။ ထို့နောက် ဘုရင်ငယ်လေးနား အပြေးသွားကာ...
"ဧကရာဇ်ဂျွန်ရှိနေတဲ့ စစ်ဆေးရေးအခန်းမှာ သေနတ်သံအကျယ်ကြီး ထွက်လာတယ် မင်းသားလေး"
(မင်းသားလေးလို့ ခေါ်တာက ဂျီမင် ဘုရင်ငယ်ရာထူးကိုမရခင်တည်းက အမှုထမ်းလာတဲ့ အစေခံဖြစ်လို့ပါ။ ဘုရင်ငယ်လေးလို့ ပြောင်းမခေါ်ဘဲ ခေါ်နေကြအတိုင်း မင်းသားလေးလို့ ခေါ်တာပါ)
ဘုရင်ငယ်လေးသည် လန့်ဖြန့်ကာ ချက်ချင်းထရပ်လိုက်ပြီး ညအိပ်ဝတ်စုံကြီးဖြင့် စစ်ဆေးရေးအခန်းရှိရာ ဌာနသို့ ပြေးသွားလေသည်။ အနောက်က အထိန်းတော်တွေကလည်း ခြုံလွှာကိုသယ်ကာ ဘုရင်ငယ်လေးနောက် အပြေးလိုက်ကြ၏။
ဘုရင်ငယ်လေး၏ တစ်ကိုယ်လုံး ချွေးစေးတွေ စီးကျနေ၏။ စိုးရိမ်စိတ်ဟာ သူ၏ အတွေးတွေကို ဖိနှိပ်ထားသည်။
စစ်ဆေးရေးဌာနကို အရောက်မှာတော့ ယောက်ယက်ခတ်နေကြသည့် စစ်သားများကို တွေ့လိုက်ရသည်။ စစ်သားခေါင်းဆောင်က ဘုရင်ငယ်လေးကိုတွေ့တော့ ချက်ချင်းအရိုအသေပြု၏။
"သေနတ်သံထွက်လာတယ်ဆို...ဘယ်ကလဲ"
"လွန်ခဲ့တဲ့ မိနစ်အနည်းငယ်ကပဲ ဒီမှာ ဖြစ်သွားတာပါ"
ဘုရင်ငယ်လေးဟာ ဘေးပတ်ဝန်းကျင်ကို အကဲခတ်လိုက်ပြီး အခြေအနေကို အနည်းငယ်ရိပ်စားမိသွားသည်။ ဒဏ်ရာရနေတဲ့ စစ်သားတွေ၊ တိုက်ခိုက်ထားတဲ့ ခြေရာလက်ရာတွေ၊ လုံခြုံရေး တင်းကြပ်နေတဲ့ အခြေအနေ...။
"တိုက်ခိုက်ခံရတာလား.."
"ဟုတ်ပါတယ်"
"သေနတ်သံကရော၊ ဧကရာဇ်ဂျွန် ဘာဖြစ်သွားသေးလဲ၊ သူအခုဘယ်မှာလဲ၊ ဘယ်သူပစ်တာလဲ"
တရစပ်မေးခွန်းတွေကြောင့် စစ်သားခေါင်းဆောင်က ဆတ်တငန့်ငန့်ဖြစ်သွားသည်။
"ဧကရာဇ်ဂျွန်မရှိတော့ပါဘူး"
မရှင်းမလင်းစကားကို ကြားရသည့်အခါ သူ ဒေါသထွက်ချေပြီ။
"ငါ့ကို ရှင်းအောင်ပြောစမ်း!"
လွန်ခဲ့သော မိနစ်သုံးဆယ်ခန့်က...
YOU ARE READING
THE ANTIVENOM OF VENOMOUS MONARCHY
Fanficဧကရာဇ်ဂျွန်မှာ ဘုရင်ငယ်လေးတစ်ပါးရှိတယ်။ ဧကရာဇ်ဂျွန်က အဆိပ်ပြင်းရင် ဘုရင်ငယ်လေးက ဖြေဆေးတစ်ခုပဲ။ #1 - jikook (20 July,2024) Started - 17May, 2024
