THE ANTIVENOM OF VENOMOUS MONARCHY

အပိုင်း ၁၇

ဧကရာဇ်ဂျွန်၏မွေးနေ့ရက်မြတ်ဖြစ်၏။

ဧကရာဇ်ဂျွန်၏မွေးနေ့သည် အင်ပါယာတစ်ခုလုံး၏ ပိတ်ရက်ဖြစ်သဖြင့် လည်ပတ်စရာနေရာများလူများ ပိုမိုစည်ကားလျက်ရှိသည်။ အမြို့မြို့အနယ်နယ်ရှိ ဆိုင်တိုင်းတွင်လည်း ဧကရာဇ်ဂျွန်ကို ဂုဏ်ပြုသောအားဖြင့်  discount များပေးကြသည်။ အချို့နေရာတို့တွင် စတုဒိသာကျွေးကြပြီး ဧကရာဇ်ဂျွန်၏ အကြိုက်ဆုံး banana milkကိုလည်း နေရာတိုင်းတွင် freeပေးကြ၏။

Social media တို့ပေါ်တွင်လည်း ဧကရာဇ်ဂျွန်အတွက် မွေးနေ့ဆုတောင်းတို့ဖြင့် ပြည့်နှက်နေသည်။ ဧကရာဇ်ဂျွန်သည် သူ၏မွေးနေ့တွင် အင်ပါယာတစ်ခုလုံးရှိ မိဘမဲ့ကျောင်းတိုင်းကို လိုအပ်သည်ပစ္စည်းများ လှူလေ့ရှိသည်။ ဧကရာဇ်ဂျွန်ကို ထောက်ခံသူများကလည်း ပရဟိတများလုပ်လေ့ရှိပြီး Shopping Mall တွေ Centerတွေရဲ့ LED တွေမှာ ဧကရာဇ်ဂျွန်ကို ဂုဏ်ပြုကြောင်း အကျယ်တဝင့် ဖော်ပြလေ့ရှိသည်။

‌ဧကရာဇ်ဂျွန်သည် သမိုင်းတစ်လျှောက်တွင် အချစ်အခံရဆုံး ဧကရာဇ်တစ်ပါးဟုဆိုလျှင် မမှားပေ။ နန်းတက်သည်မှာ မကြာသေးသော်လည်း အင်ပါယာအပေါ် အုပ်ချုပ်မှုဟာ သိပ်ကောင်းမွန်သဖြင့် ပြည်သူလုထု၏ အမြင်ကြည်မှုကို ရရှိထားသူ ဖြစ်သည်။ ဒါ့အပြင် ပြည်သူအပေါ် စာနာထောက်ထားမှု၊ သနားညှာတာမှု၊ ဂရုထားမှုတို့ကလည်း ဧကရာဇ်ကို ချစ်ခင်သူ ပိုများလာစေသည်။

ဧကရာဇ်ဂျွန် အုပ်စိုးသည့် အင်ပါယာလက်အောက်ရှိ နိုင်ငံတွေဟာ အစိုးရ၏ အရိပ်အာဝါသကို ကောင်းစွာရကြပြီး အချိန်အနည်းငယ်အတွင်း နိုင်ငံခြားဝင်ငွေလည်း ပိုတိုးမြင့်လာကြသည်။ အစိုးရဝန်ထမ်းများဟာ ပုဂ္ဂလိကဝန်းထမ်းများကဲ့သို့ လစာတိုးလာကြပြီး နိုင်ငံမှ ထောက်ပံ့ပေးငွေကိုလည်း ပိုတိုးမြင့်ခဲ့သည်။ ဒါတွေဟာ ဧကရာဇ်ဂျွန်က ပြည်သူပြည်သားတိုင်းကို လူတန်းစားမခွဲခြားဘဲ ဂရုစိုက်ကြောင်းပေါ်လွင်စေခဲ့တဲ့ အတွက် ပြည်သူလူထု၏ချစ်ခြင်းကို ရရှိခဲ့တာပင်။

နန်းတော်အတွင်းတွင်လည်း ဧကရာဇ်ဂျွန်၏ ‌မွေးနေ့ရက်မြတ်မှာ ဂုဏ်ပြုစားသောက်ပွဲများ ကျင်းပသည်။ အင်ပါယာလက်အောက်က နိုင်ငံများစွာက ဧကရာဇ်ဂျွန်ကို လက်ဆောင်ပဏ္ဏာများ ဆက်သကြပြီး ဂုဏ်ပြုကြသည်။ သည်ကနေ့ည၌ နန်းတော်တွင် ဧကရာဇ်၏ ဂုဏ်ပြုပါတီပွဲ ကျင်းပလိမ့်မည်။ ဖျော်ဖြေရေးများ အတီးအမှုတ် အကအခုန်တို့လည်း ပါဝင်ပြီး အစားအသောက်တွေကလည်း အလျှံအပယ်ပင်။