ယုံးလျဲ့တိုင်းပြည်သည် သာယာစည်ပင်သောတိုင်းပြည်ဖြစ်သည်။ ဆန်ရေစပါးပေါများပြီး မြစ်ချောင်းအင်အိုင်ပေါများသောကြောင့် ကုန်သွယ်မှုနှင့်လည်းနာမည်ကြီးသည်။
တိုင်းသူပြည်သားတွေရဲ့စီးပွားရေးကောင်းသောကြောင့် ယုံးလျဲ့သည်လည်း အင်အားကြီးချမ်းသာသော တိုင်းပြည်တစ်ပြည်လည်းဖြစ်လာသည်။ ထို့နည်းတူယုံးလျဲ့ဘုရင်၏တန်ခိုးအာဏာသည်လည်း အတိုင်းအတိုင်းပြည်ပြည် ရှိန်စရာကောင်းအောင် ကြီးမားလာခဲ့သည်။
ဒါပေမဲ့ နန်းတော်ထဲမှာရှင်ဘုရင့်နန်းဆောင်နဲ့အပြိုင် အင်အားကြီးသည့်နန်းဆောင်တစ်ခုလည်းရှိလေသည်။ ထိုနန်းဆောင်သည် အရှင့်နန်းဆောင် ညာဘက်မှာတည်ရှိပြီး ကျွန်းနက်တွေနှင့် တည်ဆောက်ထားသည့် ဝမ်မိဖုရားကြီး၏ နန်းဆောင်ပင်ဖြစ်သည်။
မိဖုရားကြီးရဲ့အဖေကလည်း နိုင်ငံတော်ရဲ့အတိုင်ပင်ခံအမတ်ဟောင်းတစ်ယောက်ဖြစ်ကာ မိဖုရားကြီးရဲ့အစ်ကိုတော်သည် နိုင်ငံရဲ့လက်ရှိစစ်သူကြီးဖြစ်သည်။ ညီတော်ကတော့ အခုလက်ရှိ လူဝင်မှုကြီးကြပ်ရေးနှင့် ပြည်သူ့အင်အား ဌာနရဲ့ အကြီးဆုံးအမတ်ကြီးဖြစ်လေသည်။
အစ်ကိုတော်ရဲ့ စစ်တပ်တစ်ခုလုံးသာမက၊တခြားအမတ်တွေရဲ့ ထောက်ခံမှုကြောင့် မိဖုရားကြီးရဲ့အာဏာသည် တစ်နေ့တစ်ခြားတန်ခိုးထွားလာခဲ့သည်။
ဒါကြောင့်ပဲ မိဖုရားကြီးဟာ ဘုရင့်ထီးနန်းကို သူ့သားတော်၃ပါးထဲကအကြီးဆုံးသားတော်ကို အိမ်ရှေ့စံအရာပေးဖို့ အရှင့်ထံတောင်းဆိုခဲ့ပေမဲ့ မင်းကြီးဟာ သူမအင်အားကိုတွန်းလှန်ပြီး သားတော်ကိုအိမ်ရှေ့စံအရာပေးဖို့ ငြင်းဆန်ခဲ့သည်။ ပြီးလျှင် သူနတ်ရွာစံမှာ အမိန့်အာဏာလွှဲခဲ့မည်ဟုဆိုသည်။
ဘုရင့်မှာ သားတော်က(၁၃) ပါးတောင်ရှိတာမို့ ဘုရင်ဘယ်သူ့ကိုပေးချင်နေလဲသူမ,မသိ။ ဒီတော့ အရှင့်ကိုအကြပ်ကိုင်လို့ကောင်းအောင် သားတော်၁၀ပါးလုံးကိုရှင်းပစ်ဖိုွကြံထားသည်။ အရှင့် မျက်စိရှေ့မှာမရှိသည့် နယ်မြို့အသီးသီးမှာ တာဝန်ကျနေသည့် မင်းသားတွေအကုန်လုံးကို သူမရှင်းပစ်ဖို့ သူမအစ်ကိုတော်စစ်သူကြီးနဲ့တိုင်ပင်ထားခဲ့သည်။
