ဒီရက်ပိုင်းအတွင်းနန်းတော်တစ်ခုလုံးပြာယာခတ်နေကြသည်။ အရှင့်ရဲ့နန်းတက်ပွဲနဲ့ ထ်ိမ်းမြှားပွဲကတစ်ရက်ထဲဖြစ်လေတော့ နန်းတွင်းကအပျိုတော်တွေတင်မက ပညာရပ်နယ်ပယ်အစုံမှာကျွမ်းကျင်ကြသည့် ပညာရှင်တွေကပါ အရှင့်ရဲ့နန်းတက်ပွဲကိုဝန်းရံပြင်ဆင်ပေးကြသည်။
ခုံရုံးကိုအစိုးရသည့် အိမ်တော်ကြီးတွေကလည်း အရှင့်နန်းတက်ပွဲကို တက်ရောက်ဖို့ အပြိုင်အဆိုင်ပြင်ဆင်နေကြသည်က တစ်တိုင်းပြည်လုံးဟိုးလေးတကျော်ကျော်။
ရှင်ဘုရင်ရဲ့နန်းတက်ပွဲဟာ ဘုရင်တစ်ပါးရဲ့နှစ်သက်တမ်းအဆုံးထိ တစ်ပွဲပဲရှိတာကြောင့် ထ်ိုပွဲကိုကြုံကြိုက်လာကြသည့် အရှင့်နန်းတက်ပွဲကိုတိုင်းသူပြည်သားအားလုံးမျှော်လင့်စောင့်စားနေကြသည်။
"အရှင်မ.. မင်္ဂလာဝတ်စုံကို အပျ်ိုတော်တွေယူဆောင်လာကြပါပြီ..ပြသခွင့်တောင်းနေပါတယ်အရှင်မ."
သူ့ကိုလျှောက်တင်လာသည့်အထိန်းတော်ကြီးရဲ့စကားကြောင့် ခုံပေါ်ထိုင်နေသည့်ရှောင်းကျန့်ရဲ့ခန္တာကိုယ်လေးခပ်မတ်မတ်ဖြစ်သွားသည်။
သူ့အတွက်....မင်္ဂလာဝတ်စုံတဲ့။
သူဝင်ခိုင်းလိုက်တော့ အပျိုတော်တွေဟာဝတ်စုံကို အပိုင်းအစအများကြီးခွဲကာ ရွှေလင်ဗန်းတွေနဲ့သယ်ဆောင်လာကြသည်။
"မိဖုရားလောင်းကို ဂါဝရပြုပါတယ်..."
အရိုအသေပေးနေကြသည် အပျ်ိုတော်တွေကိုရှောင်းကျန့်နေသာသလို နေခိုင်းလိုက်ပြီးသယ်ဆောင်လာသည့်မင်္ဂလာဝတ်စုံကိုသာကြည့်လိုက်ပါသည်။ သူတို့ရိုးရာဟာ မင်္ဂလာပွဲတွေမှာအနီရောင်သုံးရင် တစ်ဘဝလုံးပျော်ရွှင်ချမ်းမြေ့စေသည် ဟူသောယုံကြည်မှုရှိသည်။ ဒါကြောင့်ထိမ်းမြှားမင်္ဂလာပွဲတိုင်းလိုလို ဇနီးမောင်နှံတွေဟာ အနီရောင်ရဲရဲ မင်္ဂလာဝတ်စုံကိုသာ ဝတ်ဆင်ကြလေ့ရှိသည်။
ဒါကြောင့် သူ့အတွက်ပြင်ဆင်ပေးထားသည့်မင်္ဂလာဝတ်စုံသည်လည်း ပတ္တမြားရောင်ကဲ့သို့ဖိတ်ဖိတ်လက်နေသည်။
