🌸 សមចិត្ត 🌸
// ភូមិគ្រិះជាយក្រុង//
ចាស្មីន មកដល់ផ្ទះទាំងសភាពមើលមិនយល់ ធ្វើឲ្យ ប៊ីនីលី ភ័យជាខ្លាំង ថែមទាំងកាលពីយប់មិញនេះទាក់ទងនាងមិនបានទៀត ស្មានតែមានអ្នកណាចាប់បាត់ទៅហើយ។
« ឯងទើបមកពីណា ចាស្មីន? » ប៊ីនីលី រហ័សសួរនាំមិត្តសម្លាញ់
« កាលពីយប់មិញផឹកស្រវឹងខ្លាំងពេក ទើបចូលសម្រាកក្នុងសណ្ឋាគារ» ចាស្មីន ជ្រើសនិយាយកុហក ឲ្យប្រាប់ការពិតយ៉ាងម៉េចបានទៅ ថាកាលពីយប់នាងដេកនៅផ្ទះរបស់ យ៉ុនហ្គី ថែមទាំងព្រឹកមិញវិះតែត្រូវគេរំលោភ?
« ប្រាកដហើយ? »
« អ្ហឹម! យើងទៅងូតទឹកសិន ស្អុះស្អាប់ណាស់» និយាយរួចនាងឡើងទៅបន្ទប់របស់ខ្លួនភ្លាម ព្រោះមិនចង់ឲ្យ
ប៊ីនីលី សួរនាំវែងឆ្ងាយ បើឲ្យនាងដឹងរឿងព្រឹកមិញ ច្បាស់ណាស់ថាសង្គ្រាមលោកលើកទី៣កើតឡើងជាមិនខាន
ប៊ីនីលី មើលតាមពីក្រោយមិត្តសម្លាញ់ ឃើញពីអាករះមិនប្រក្រតីរបស់នាងបានយ៉ាងច្បាស់។
« ចាស្មីន មកវិញហើយអ្ហេស? » ដានីល ទើបតែមកពីណាមិនដឹង ចូលមកសួរនាំ
« អ្ហឹម! » នាងតូចឆ្លើយខ្លីៗ ខួរក្បាលរំលឹកផែនការ
បន្ទាប់ដែលត្រូវធ្វើបាប វ៉ាង ជីហ៊ូ
« ហើយគេទើបមកពីណា! » ដានីឦ នៅតែបន្តសួរ ទាំងដែល ប៊ីនីលី ធ្វើមុខធុញគេពេញបន្ទុកហើយ
« ទៅសួរខ្លួនឯងទៅ! » និយាយរួច ប៊ីនីលី ដើរចេញបាត់ ទយកឲ្យ ដានីល នៅឈរអេះក្បាលតែម្នាក់ឯង
នាងតែងតែបែបនេះហើយ វេលាគិតរឿងសំខាន់ណាមួយ មិនអាចមាននរណាម្នាក់ចូលមករំខានបានទេ បើមិនចង់ឈឺខ្លួនត្រូវនៅឲ្យឆ្ងាយៗពីនាងបន្តិច។
« សួរបន្តិចក៏មិនបាន! » ដានីល រអ៊ូរង៉ូវៗម្នាក់ឯង ឃ្នើសចិត្តនឹងមិត្តសម្លាញ់ទាំងពីរ មានរឿងអ្វីក៏បិទបាំងមិនព្រមចែករំលែកបន្តិចសោះ
// ភូមិគ្រិះត្រកូល វ៉ាង //
ក្រលែកមកមើលភូមិគ្រិះដ៏សែនស្តុកស្តម្ភដែលបានតាំងទីនៅលើដីរាប់ហិចតា កំពុងតែមមាញឹកកូនចៅរត់ចែកជើងគ្នាស្វែងរកកូនប្រុសតែម្នាក់ និងជាប្រមុខរបស់ក្រុម វ៉ាយ៍វូល្ស យ៉ាងសកម្ម។ មកដល់ពេលនេះគឺថ្ងៃទីពីហើយ ដែលកូនប្រុសរបស់លោក វ៉ាង មិនទាន់ត្រលប់មកផ្ទះ ទូរស័ព្ទទៅក៏គ្មានអ្នកលើក ចំណែកមនុស្សជំនិតរបស់គេ មិនបានដឹងឡើយថាចៅហ្វាយរបស់ខ្លួនបាត់ទៅណា។
YOU ARE READING
ស្នេហ៍ក្បែរគ្រាប់សំណរ🌷(completed)
Romanceជីវិតស្រស់បំព្រងត្រូវបានរលាយត្រឹមពេលមួយយប់ ដោយស្នាដៃរបស់មនុស្សអាក្រក់ នាងត្រូវរត់យកងាប់យករស់ មិនថាគ្រួសារឬស្នេហា សូម្បីអត្តសញ្ញាណពិតប្រាកដក៏ត្រូវបាត់បង់។ ការឈឺចាប់បានផ្លាស់ប្តូក្មេងស្រីស្លូតបូត ឲ្យមានចិត្តកាចសាហាវសម្លាប់មិនញញើតដៃដើម្បីតែការសងសឹក។...
