🌸 ចាប់អារម្មណ៍ 🌸
/ Drink&Drunk club/
ដំណឹងរបស់ក្រុម ប្លែលវូល្ស ដែលបានទៅរំខានការរកស៉ីរបស់ត្រកូល វ៉ាង បានដឹងមកដក់ត្រចៀករបស់ យ៉ុនហ្គី ។
« ជុងហ្គុក ដឹងរឿងនេះឬអត់? » អ្នកកម្លោះសួរទៅកាន់មនុស្សជំនិតរបស់ខ្លួន
« បាទដឹងចៅហ្វាយ! » ខាលីត តប
« ឯងឆាប់ទៅធ្វើការរបស់ឯងទៅ! » ដឹងអ្វីដែលខ្លួនចង់ដឹងរួចហើយ យ៉ុនហ្គី ដេញកូនចៅឲ្យចេញពីបន្ទប់ធ្វើការរបស់ខ្លួន
« បាទចៅហ្វាយ! » ខាលីត ឱនគំនាបលា មិនហ៊ាននៅជំទាស់បញ្ជារបស់ម្ចាស់
« ខ្លួនជាស្រី ហេតុអីក៏ព្រលើនយ៉ាងនេះ »
នឹកទៅដល់រង្វង់ឆ្នាស់ឆ្នើមពេលណា ធ្វើឲ្យ យ៉ុនហ្គី មានស្នាមញញឹមលើមុខដោយមិនដឹងខ្លួន មានអារម្មណ៍ដូចជាស្គាល់នាងមកជាយូរហើយទៀតផង តែទោះរកនឹកយ៉ាងណាក៏នឹកមិនឃើញ។
« ខ្ញ៉ំកាន់តែចាប់អារម្មណ៍លើនាងហើយ យូ ចាស្មីន! » អ្នកកម្លោះលើកស្រាមកក្រេបមួយក្អឹក រំពៃនឹកដល់មនុស្សស្រីឆ្នាស់ឆ្នើម គួរឲ្យចង់យកឈ្នះ ថ្ងៃណាមួយគេត្រូវតែធ្វើឲ្យនាងធ្លាក់មកក្នុងរង្វង់ដៃរបស់គេឲ្យបាន ចាំតែមើលចុះ
/ ត្រកូល វ៉ាង/
« ពួកវាហ៊ានណាស់មករារាំងការងាររបស់យើង » កែវស្រាក្នុងដៃត្រូវបានគប់ទៅរកជញ្ជាំង កម្ទេចនៃកែវបែកខ្ចាយពេញបន្ទប់ ដោយស្នាដៃរបស់បុរសចំណាស់ ក្រោយពីដឹងរឿងបានកើតឡើងនៅកំពង់ផែ
វ៉ាង ជីវ៉ុន ខឹងស្ទើរដាច់សរសៃឈាមខួរក្បាល ពេលត្រូវក្មេងពីម្សិលម្ងៃដូចជាក្រុមរបស់ ចាស្មីន មកចាត់ការម្តងហើយម្តងទៀតបែបនេះ។ ការជួញដូរលើកនេះ ធ្វើឲ្យខាតបង់លុយអស់ជាច្រើនលាន ថែមទាំងបាត់បង់ម៉ូយដ៉ំទៀតផង។
« លោកម្ចាស់តបតទៅពួកវាវិញទេទាន? » ស៊ូហុន កូនចៅជំនិតរបស់លោក វ៉ាង សួរ ទាំងមិនហ៊ានងើបភ្នែកសម្លឹងចំ
« មិនបាច់ ឲ្យពួកវាសប្បាយចិត្តសិនទៅ! ភីតធើ ឯងត្រូវតែស៊ើបព័ត៌មានពីពួកវាឲ្យបាន ធ្វើយ៉ាងណាក៏ដោយ » គាត់បញ្ជាទៅមនុស្សជំនិតរបស់កូនប្រុស
YOU ARE READING
ស្នេហ៍ក្បែរគ្រាប់សំណរ🌷(completed)
عاطفيةជីវិតស្រស់បំព្រងត្រូវបានរលាយត្រឹមពេលមួយយប់ ដោយស្នាដៃរបស់មនុស្សអាក្រក់ នាងត្រូវរត់យកងាប់យករស់ មិនថាគ្រួសារឬស្នេហា សូម្បីអត្តសញ្ញាណពិតប្រាកដក៏ត្រូវបាត់បង់។ ការឈឺចាប់បានផ្លាស់ប្តូក្មេងស្រីស្លូតបូត ឲ្យមានចិត្តកាចសាហាវសម្លាប់មិនញញើតដៃដើម្បីតែការសងសឹក។...
