ស្នេហ៍ក្បែរគ្រាប់សំណរ🌷(completed)

Part4

🌸 អរគុណចំពោះការស្រលាញ់មួយនេះ 🌸

មួយសប្តាហ៍កន្លងមកនេះ យូរ៉ា តែងតែត្រូវបានកូនចៅរបស់ យ៉ុនហ្គី មកទទួលឲ្យទៅក្លឹប drink & drunk ជារៀងរាល់ថ្ងៃ សូម្បីតែពេលនេះក៏ចឹងដែរ។

_ " យ៉ាងម៉េចដែរថ្ងៃនេះ? "

នេះជាសំណួរដំបូងរាល់ពេលដែល យូរ៉ា បានមកដល់។

_ " ក៏ធម្មតា! "

_ " នឹកបងឬអត់? "

ហើយនេះក៏ជាសំណួរបន្ទាប់ ដែល យូរ៉ា មិនធ្លាប់ឆ្លើយសូម្បីតែម្តងណាសោះ។

_ " អ្ហឹម! "

តែថ្ងៃនេះខុសពីរាល់ដង ស្រីតូចងក់ក្បាលជំនួសឲ្យចម្លើយ ថាខ្លួនក៏នឹកដល់អ្នកកម្លោះដែរ។

យ៉ុនហ្គី ញញឹមពេញចិត្ត ទោះនាងមិននិយាយក៏គេសប្បាយចិត្តដែរ យ៉ាងណាក៏ពេលនេះ ស្រីស្អាតរបស់គេព្រមចិត្តទន់ខ្លះហើយ។

អ្នកកម្លោះលារង្វង់ដៃឲ្យនាងតូចចូលមករក គេចង់ឱបនាងស្ទើរដាច់ខ្យល់ស្លាប់ទៅហើយ

_ " មកត្រង់នេះមក! "

យូរ៉ា ចូលទៅអ្គុយក្នុងរង្វង់ដៃរបស់គេដោយចិត្តស្ងប់ រាល់ពេលដែលបាននៅក្បែរ យ៉ុនហ្គី នាងមិនធ្លាប់ភ័យខ្លាចអ្វីទាំងអស់ ព្រោះដឹងច្បាស់ណាស់ថាប្រុសម្នាក់នេះគ្មានថ្ងៃបណ្តោយឲ្យនាងមានគ្រោះថ្នាក់ជាដាច់ខាត។

ទឹកមុខរបស់ យូរ៉ា ថ្ងៃនេះខុសពីរាល់ដង ទើបអ្នកកម្លោះរហ័សសួរនាំ

_ " ថ្ងៃនេះអូនកើតអីឬអត់? "

យូរ៉ា តប

_ " អត់មានទេ "

_ " អូនកំពុងតែកុហកអ្នកណា? "

_ " លោកមិនបានលែងសើចជាមួយខ្ញ៉ំទេមែនទេ? "

សុខៗនាងបែរមកសួរគេវិញ ដោយកែវភ្នែកបង្កប់ពីការភ័យខ្លាចចំពោះអ្វីម្យ៉ាង។

_ " អូនមានរឿងអ្វីមិនសប្បាយចិត្តមែនទេ "

នាងសួរទាំងរលីងរលោងទឹកភ្នែក

_ " គឺប្អូនរបស់លោកបោកប្រាស់មិត្តរបស់ខ្ញ៉ំ តើលោកកំពុងតែធ្វើដូចគ្នាដែរមែនទេ? "