🌸 បារម្ភពីបងមែនទេ 🌸
ទីបំផុត ចាស្មីន បានមកដល់តាមទីតាំងដែល ជុងហ្គុក បានប្រគល់ឲ្យ។ ជាផ្ទះថ្មមួយជាន់ មិនធំពេកមិនតូចពេក សាកសមសំរាប់ការសម្រាកលំហែរកាយជាខ្លាំង។
ផ្ទះមួយនេះនៅឆ្ងាយដាច់ដោយឡែកពីគេ បង្ហាញថា
ម្ចាស់ផ្ទះត្រូវការរក្សាឯកជនភាពរបស់ខ្លួនឯងខ្ពស់ បើមើលពីខាងក្រៅមានសភាពស្ងប់ស្ងាត់ហាក់បីដូចគ្មានមនុស្សរស់នៅយ៉ាងចឹង។
នេះបើក៉ំតែបានការបញ្ជាក់យ៉ាងច្បាស់លាស់ពី ជុងហ្គុក ទេ នាងប្រហែលជាគិតថា យ៉ុនហ្គី មិនបាននៅទីនេះនោះឡើយ
« មើលទៅគាត់មិននៅទេបង! » វេន ពោលឡើងពេលមកឈរនៅមុខផ្ទះបានមួយសន្ទុះ
« តែ ជុងហ្គុក ប្រាប់ថាគេនៅក្នុងផ្ទះ » ចាស្មីន មិនចង់ទៅវិញ យ៉ាងណាក៏នាងត្រូវតែនាំគេទៅជាមួយនាងឲ្យបាន នាងម៉េចនឹងអាចបណ្ដោយឲ្យគេជួបគ្រោះថ្នាក់តែម្នាក់ឯងបាននោះ
« តែយើងមកចុចកណ្ដឹងយូរហើយណា៎! » វាក៏មែនដូច វេន និយាយ ពួកគេទាំងពីរចុចចង់បាក់ម្រាមដៃទៅហើយ នៅតែមិនឃើញមានអ្នកណាមកបើកទ្វា
ស្រីស្រស់ឈរគិតមួយសន្ទុះ មុននឹងនិយាយទៅកាន់ វេន ព្រោះថានេះជាវិធីចុងក្រោយហើយ ទោះបីជាត្រូវ វេន បដិសេធក៏នាងមិនខ្វល់
« ឯងនៅចាំក្នុងឡានទៅ បងផ្តោះរបងទៅមើល! »
« វាគ្រោះថ្នាក់ណាស់! »
« ក៉ំបារម្ភអីបងមើលថែខ្លួនឯងបាន »
និយាយរូច ចាស្មីន ចាប់ផ្តើមធ្វើការផ្លោះរបង ដែលមានកម្ពស់ជាងពីរម៉ែត្រ ចាត់ទុកថាសំណាងល្អដែលមានដើមលើនៅជិតនេះ ដើម្បីអាចតោងឡើងទៅបាន បើមិនដូច្នោះទេ ច្បាស់ជាគ្មានមធ្យោបាយឡើយ។
ដឹប!
« យ៉ាងម៉េចហើយបងស្រី? » បានឮសម្លេងរបស់មនុស្សធ្លាក់ពីទីខ្ពស់មកដល់ដី ធ្វើឲ្យ វេន មានការបារម្ភជាខ្លាំង រហ័សស្រែកសួរពីសុខទុក្ខភ្លាម
« បងមិនអីទេ! » មកពីប្រញាប់លោតចុះលឿនពេក ទើបធ្វើឲ្យនាងរក្សាជំហរមិនជាប់ បណ្តាលឲ្យធ្លាក់មកមួយទំហឹង សំណាងល្អដែលមានគំនរស្លឹកឈើក្រាស់ក្រែលជួយទប់ ក៉ំអីបាក់ស្អិតបាត់ទៅហើយ
YOU ARE READING
ស្នេហ៍ក្បែរគ្រាប់សំណរ🌷(completed)
Romanceជីវិតស្រស់បំព្រងត្រូវបានរលាយត្រឹមពេលមួយយប់ ដោយស្នាដៃរបស់មនុស្សអាក្រក់ នាងត្រូវរត់យកងាប់យករស់ មិនថាគ្រួសារឬស្នេហា សូម្បីអត្តសញ្ញាណពិតប្រាកដក៏ត្រូវបាត់បង់។ ការឈឺចាប់បានផ្លាស់ប្តូក្មេងស្រីស្លូតបូត ឲ្យមានចិត្តកាចសាហាវសម្លាប់មិនញញើតដៃដើម្បីតែការសងសឹក។...
