🌸 អូនមកហើយ 🌸
៚ព្រឹកថ្ងៃថ្មី
មីនអា ក្រោកឡើងតាមទម្លាប់របស់ខ្លួន ខុសប្លែកតែម្យ៉ាងប៉ុណ្ណោះគឺនាងកំពុងតែមកលបស្តាប់ការសន្ទនារបស់ឪពុកមុខបន្ទប់ធ្វើការការរបស់គាត់។
ហើយអ្វីដែលនាងបានឮ វាធ្វើឲ្យនាងតក់ស្លុតជាខ្លាំង
« បើមួយម៉ោងទៀតវានៅតែមិនព្រមនិយាយទេ សម្លាប់វាចោលតែម្តងទៅ! »
នេះប៉ានាងកំពុងតែចង់សម្លាប់ យ៉ុនហ្គី ឬ? បើបែបនេះមិនបានទេ នាងត្រូវតែទៅនិយាយជាមួយឪពុកឲ្យដឹងសខ្មៅតែម្តង។
« ប៉ាសម្លាប់បង យ៉ុនហ្គី មិនបាននោះទេ! »
លោក ក្វាងស៊ូ ភ្ញាក់ផ្អើលជាខ្លាំង កាលបើបានជើញវត្តមានរបស់កូនស្រីបែបនេះ ដោយមិនចង់ឆ្លើយសំណួររបស់នាង ទើបគាត់ធ្វើជាគំហកឲ្យនាង
« មីនអា! នេះកូនលួចស្តាប់ប៉ានិយាយទូរស័ព្ទមែនទេ »
« រឿងនេះមិនសំខាន់ទេ! ប៉ាឆ្លើយនឹងខ្ញ៉ំមកថាប៉ាចង់សម្លាប់បង យ៉ុនហ្គី មែនទេ? » មីនអា មិនខ្លាចចំពោះសម្តីគំរាមរបស់ឪពុកនោះទេ នាងសួរបញ្ជាក់នូវអ្វីដែលខ្លួនបានឮមុននេះ
« មែន! » លោក ក្វាងស៊ូ ព្រមទទួលថាវាជាការពិត ដែលការពិតមួយនេះវាធ្វើបាបចិត្ត មីនអា ស្ទើរតែឆ្កួតទៅហើយ
« ហេតុអីទៅប៉ា នោះជាអនាគតប្តីខ្ញ៉ំណា៎ប៉ា » តើប៉ានាងកើតអីទៅហើយ ហេតុអីចង់សម្លាប់មនុស្សប្រុសដែលនាងស្រលាញ់ទៅវិញ
« ប៉ាមិនព្រមមានកូនប្រសារដូចជាវាទេ » លោក ក្វាងស៊ូ និយាយទាំងមុខមាំ តបមកកាន់កូនស្រី
« ក្រែងប៉ាចង់ឲ្យខ្ញ៉ំរៀបការជាមួយគាត់នោះអី ម៉េចក៏ពេលនេះមកនិយាយបែបនេះទៅកើតប៉ា »
នាងនឹកទៅដល់ថ្ងៃដំបូង ពេលដែលប៉ារបស់នាងចូលមកប្រាប់ថា នឹងផ្សំផ្គ៉ំនាងឲ្យរៀបការជាមួយនឹង យ៉ុនហ្គី នាងសប្បាយចិត្តខ្លាំងណាស់ តែហេតុអីពេលនេះជាប៉ាដែលមកបំផ្លាញសេចក្តីសុខនាងទៅវិញ។
« វាមិនបានស្រលាញ់កូននោះទេ មីនអា វាបានទៅលួចទាក់ទងស្រីឈ្មោះ ចាស្មីន ប៉ាមិនព្រមឲ្យវាធ្វើបាបចិត្តកូនស្រីប៉ាទេ »
YOU ARE READING
ស្នេហ៍ក្បែរគ្រាប់សំណរ🌷(completed)
Romanceជីវិតស្រស់បំព្រងត្រូវបានរលាយត្រឹមពេលមួយយប់ ដោយស្នាដៃរបស់មនុស្សអាក្រក់ នាងត្រូវរត់យកងាប់យករស់ មិនថាគ្រួសារឬស្នេហា សូម្បីអត្តសញ្ញាណពិតប្រាកដក៏ត្រូវបាត់បង់។ ការឈឺចាប់បានផ្លាស់ប្តូក្មេងស្រីស្លូតបូត ឲ្យមានចិត្តកាចសាហាវសម្លាប់មិនញញើតដៃដើម្បីតែការសងសឹក។...
