#ရင်ဝှက်ရှိုက်သံ
(အခန်းဆက် ဝတ္ထု )
အပိုင်း (၂ )
**************************
"အမေ "
ဖိုးချမ်းဝမ်းသာအားရ ခေါ်လိုက်မိပြီး မည်းမည်းသဏ္ဍာန်ရှိရာ ဝရံတာဆီကိုပြေးထွက်သွားလိုက်မိတယ်။ထိုအချိန်မှာပဲ ဖိုးချမ်း၏ အင်္ကျီကုပ်ပိုးအားတစ်စုံတစ်ယောက်က ဆောင့်ဆွဲလိုက်လေသည်။
"ကိုကိုရေ...ကိုကို...ဒီကိုလာပါအုံး ...ဒီမှာ သားလေးဘာဖြစ်နေတာလဲ မသိဘူး "
အေမီမျိုးသည် ဖိုးချမ်းလေးအား ဖမ်းဆွဲထားလိုက်ရင်းမှ အသံကုန်ဟစ်၍ ခေါ်လိုက်လေသည်။
"ကိုကိုရေ ...ကိုကို ''
အေမီမျိုးမှာ ဒုတိယအကြိမ်မြောက် အော်ခေါ်လိုက်ရင်းမှ ဖုန်းကိုဖွင့်ပြီးခေါ်လိုက်သည်။ဖုန်းခေါ်ပြီး သိပ်မကြာခင်အချိန်မှာပဲ ကိုထွန်းနိုင်ဦးတစ်ယောက် အနားသို့ရောက်ရှိလာခဲ့လေသည်။
'' ဘာ ...ဘာဖြစ်တာလဲ မျိုး...ဘာဖြစ်လို့လဲ "
ကိုထွန်းနိုင်ဦးသည် ဇနီးဖြစ်သူ၏အနားကို လျှောက်သွားလိုက်ပြီး အထိတ်တလန့် မေးလိုက်လေသည်။
" ဒီ ...ဒီမှာ သားလေးဖိုးချမ်း...ဘာဖြစ်တာလဲ မသိဘူး ... ဝရံတာကို အတင်းပြေးထွက်ဖို့ လုပ်နေလို့ "
အေမီမျိုးပြောလိုက်မှပင် ကိုထွန်းနိုင်ဦးမှာ သားဖြစ်သူကို သတိထားမိသွားလေသည်။
"သား ..သားဘာဖြစ်တာလဲ "
"မသိပါဘူး ကိုကိုရယ် ... မေးလို့လဲမရဘူး...မျိုးအိပ်ခါနီးမှာ သားလေးအခန်းကိုသွားကြည့်တာ သားလေးမရှိတာနဲ့ လိုက်ရှာရင်းဒီမှာတွေ့တာ "
" သား ..ဖိုးချမ်း ...ဘာဖြစ်တာလဲ ... အဖေ့ကိုပြောစမ်း "
" အမေ ..အမေ့ကိုတွေ့တယ် ... တံခါးနားမှာ အမေရပ်နေတာတွေ့တယ်. "
"ဘာ..ဘာကွ ...မင်းဘာတွေပြောနေတာလဲချမ်းလင်းဦး "
ဖိုးချမ်းလေး၏အဖြေစကားကြောင့် ကိုထွန်းနိုင်ဦးစိတ်တိုသွားရပြီး သားဖြစ်သူကိုအသံမာမာနဲ့အော်လိုက်၏။
"သား ..သားတကယ်တွေ့တာအဖေ ...အမေ့ပဝါကိုလဲခြုံထားတယ် "
ဖိုးချမ်းလေးက ကြောက်ကြောက်ရွံ့ရွံ့နှင့် ထပ်ပြီးဖြေလိုက်သောအခါ ကိုထွန်းနိုင်ဦးနှင့် အေမီမျိုးမှာထိတ်လန့်သွားကြရလေသည်။သားဖြစ်သူ၏ အဖြေစကားကြောင့် ကိုထွန်းနိုင်ဦးမှာ ပို၍စိတ်တိုသွားရပြီး ဖိုးချမ်း၏ ပခုံးနှစ်ဖက်ကိုဆွဲကိုင်လှုပ်ခါယမ်းလိုက်လေသည်။
YOU ARE READING
ရင်ဝှက်ရှိုက်သံ
Misterio / Suspenso#ရင်ဝှက်ရှိုက်သံ (အခန်းဆက်ဝတ္ထု ) စ/ဆုံး Link စာရေးသူ = A Kyi Phyu ဇာတ်လမ်းအကျဉ်း သဇင်မြိုင်စံအိမ်ကြီးထဲမှ သူဌေးမရဲ့သေဆုံးမှုနဲ့ပျောက် ဆုံးနေသောသားငယ် သဇင်မြိုင်စံအိမ်ကြီးထဲမှ ခြောက်လှန့်မှုများ သဇင်မြိုင်စံအိမ်က...
