#ရင်ဝှက်ရှိုက်သံ
(အခန်းဆက်ဝတ္ထု)
အပိုင်း (၂၁)
**************************
"ခင်ငြိမ်းဖြူ ..ငြိမ်း..သမီး သတိရလာပြီလား ...."
ခင်ငြိမ်းဖြူသတိဝင်လာချိန်တွင် ခင်းငြိမ်းဖြူ၏ဘေးတွင်ဒေါ်ကြင်အပါအဝင် တစ်အိမ်သားလုံးကို တွေ့လိုက်ရလေသည်။
"မင်းနဲ့အလန့်တကြားထအော်လိုက်တာ မိငြိမ်းရယ်..ငါတို့မှာ လိပ်ပြာလွင့်မတတ်ပဲ .. ဒါနဲ့ဘာဖြစ်တာတုန်း ... အခန်းကိုရော ဘာလို့သော့ခတ်ထားရတာလဲဟဲ့ "
ဒေါ်စန်းစန်းရီက ပွစီပွစိပြောလိုက်သည်။
" ဟုတ်သားပဲ ငြိမ်းရယ် ... သော့ကခတ်ထားသေးတယ် ... ဘာဖြစ်တာလဲပြောပါအုံး ..မေမျိုးတို့ဖြင့် အသံကြားကြားချင်း အသည်းအသန်းပြေးဆင်းလာလိုက်ရတာ...ဒီရောက်တော့ သော့ခတ်ထားလို့ တံခါးကို ဖျက်ပြီးဝင်လိုက်ရတာ "
ခင်ငြိမ်းဖြူစိတ်ထဲမှာ ကြောက်လန့်စိတ်အနည်းငယ် ပြေလျော့သွားပြီဖြစ်သောကြောင့် အားလုံးကိုမော့ကြည့်လိုက်မိပြီး
"ဟို..ဟို ... ငြိမ်း..ငြိမ်း ..မ..မလှိုင်ကိုတွေ့....တွေ့လိုက်.. "
ခင်ငြိမ်းဖြူတုန်တုန်ယင်ယင်ထစ်ထစ်ငေါ့ငေါ့နှင့် ပြောနေစဉ်မှာပင် ခက်ထန်က စိတ်မရှည်နိုင်တော့ဘဲ ဝင်ပြောလိုက်သည်။
"ပြောဖို့အရေးကို ဘာဖြစ်နေတာလဲ....မလှိုင်ကိုတွေ့တယ်လို့ ပြောအုံးမလို့လား ...
ဒါမှမဟုတ် ငါ့အမေ့ဒေါ်မြမိုးသက်ကိုတွေ့တယ်လို့ ပြောအုံးမှာလား ... မင်းလဲတော်တော် တတ်နိုင်တယ်နော် ... ဆုံးသွားသမျှလူတိုင်းက ... မကျွတ်လွတ်ဘဲ မင်းကိုပဲရွေးပြီးခြောက်နေတာထင်တယ် .....လူစိတ်ဝင်စားအောင် ရူးချင်ယောင်ဆောင်မနေနဲ့ကွ .. မင်းလို အလုပ်သမားတစ်ယောက်အတွက် ငါတို့အိပ်ရေးပျက်မခံနိုင်ဘူး ..အလကားအရှုပ်ထုပ်...အပိုတွေလုပ်ပြနေတယ် .. တံခါးဖျက်လိုက်ရလို့ အမောပါဆို့တယ် "
ခက်ထန်၏မောက်မာရိုင်းစိုင်းလှသော စကားကြောင့် အားလုံး ခက်ထန်ကိုကြည့်လိုက်ကြလေသည်။ညီညီကမူ လက်သီးကို ကျစ်ကျစ်ပါအောင်ဆုပ်လိုက်ပြီးလျှင် ဘကြီးဖြစ်သူကို ကြည့်လိုက်ပြီး
YOU ARE READING
ရင်ဝှက်ရှိုက်သံ
Misterio / Suspenso#ရင်ဝှက်ရှိုက်သံ (အခန်းဆက်ဝတ္ထု ) စ/ဆုံး Link စာရေးသူ = A Kyi Phyu ဇာတ်လမ်းအကျဉ်း သဇင်မြိုင်စံအိမ်ကြီးထဲမှ သူဌေးမရဲ့သေဆုံးမှုနဲ့ပျောက် ဆုံးနေသောသားငယ် သဇင်မြိုင်စံအိမ်ကြီးထဲမှ ခြောက်လှန့်မှုများ သဇင်မြိုင်စံအိမ်က...
