Uni
"အမေ့သွားမှာလား
ငယ်လေးဆီ "
"သွားမှကောင်းမှာပေါ့ "
သားငယ် လေး က အိမ်တက်မင်္ဂလာလုပ်မှာမို့ သူတို့တစ်မိသားစု လုံးကို လာစေချင်ကြောင်းပြောပါသည်။ သားသင့် ကလည်း သူ့ကို ဖုန်းဆက်ပြီး သူကိုယ်တိုင် ကားဖြင့် လာခေါ်မယ်ဆိုတာ ပြောပြီးပါပြီ။ ဒါပေမယ့် အခက်တွေနေတာ သူ့ယောကျာ်းကြောင့်ပါ ။ သူယောကျာ်းကို ငယ်လေးနဲ့ သင့် အိမ်တက်ပွဲလို့ကို မပြောရဲတာကြောင့်ဖြစ်သည်။ နောက် ဆက်တွဲမေးခွန်းတွေကို သူမဖြေနိုင်ပါ ။ သူကသာ သားငယ်လေး အဆင်ပြေစိတ်ချမ်းသာနေတာကြောင့် မဖြစ်နိုင်မှန်းသိပေမယ့် သားသင့်နဲ့ သဘောတူထားပေမယ့် ကို ထီးခမ်းကတော့ ရိုးသားတဲ့တောင်ပေါ်သားပီပီ လက်ခံမှာ မဟုတ်ပါ ။
"ဘာတွေ ပြောနေကြတာတုန်း
ဒီသားအမိ "
"ဘာမှမဟုတ်ပါဘူး အဘ
နေ့လည်စာ စားတော့မလား အဘ "
"မစားသေးပါဘူးကွာ
ဒီနေ့ ငါ့သားငယ်လေးကို သတိရနေတာ
အဲ့ကလေး အိမ်ပြန်မလာတာ ၃လ တောင် ရှိတော့မယ် "
သူ့သားငယ်လေးကို သတိရနေတာ ကြာပါပြီ။ ဖုန်းသာဆက်တာ လူပြန်မလာတာမို့ စိတ်ထဲတမျိုး။ ရန်ကုန်မှာ သူ့သူဌေးကများ သားငယ်လေးကို အနိုင်ကျင့်ပြီးများခိုင်းတာလားဆိုတဲ့မေးခွန်းတွေက အတွေးထဲ ရောက်လာခဲ့သည်။မအေး မေးရင်လည်း သူဌေးကို အကောင်း သိပ်ပြောလွန်းလို့မမေးချင်ပါ ။
"ဘာဖြစ်တာလဲ ကိုအောင် မျက်နှာက "
"ဘာမှမဖြစ်ပါဘူး သားငယ်လေး သတိရလို့"
"ငယ်လေး နဲ့ သားသင့်က အိမ်တက်လှမ်းဖိတ်ထားတယ်
တော်လည်း လိုက်ခဲ့လေ "
"မလိုက်ချင်ပါဘူးကွာ
ဘာလည်း သူ့သူဌေးက မွေးစားလိုက်တာလား ငါ့သားကို "
"မဟုတ်ပါဘူး
ဒီတိုင်း ... "
"ရှုပ်ရှုပ်ယှက်ယှက်တွေတော့ မလုပ်နဲ့မအေးရေ "
ဒီတခါ ဒေါ်နန်းအေးတင် ခေါင်းကိုက်သွားတာပါ ။ ကို ထီးခမ်းက အရမ်းရိုးသားသူမို့ ဘာမှမပြောတာ ပါ ။ သူပြောလိုက်ရင်လည်း တစ်အိမ်လုံး ကြောက်ရပါသည်။ သားလေးကိုလည်း စိတ်ချမ်းသာစေချင်သည်။ ယောကျာ်းကိုလည်း စိတ်မဆင်းရဲစေချင်ပါ ။ ကြားထဲက ဘာလုပ်ရမှန်းမသိအောင် စိတ်လေ နေ၏။
YOU ARE READING
Created by hate (Completed )
Romanceမင်းက တစ်သက်လုံး ငါ့ကို ခစားရမှာ ကြားလား #သင့် ငါက ဦးသင့်ရဲ့ အမိန့်ကို နာခံဖို့ မွေးဖွားလာတာ #စိုင်းအမြုတေ
