Uni
"ငယ်လေး!!! ရလား "
"ဟုတ်ဦး "
အိမ်တက် လုပ်ပြီး ၁ပတ်အကြာမှာ အမေနဲ့ မမ ကို ရွာငံ လိုက်ပို့တာဖြစ်သည် ။ အမေက မလိုက် ပို့နဲ့ ပြောပေမယ့် စိတ်ဆိုးနေတဲ့ အဘ ကို မဖြစ်မနေ သွားတွေ့လိုက်သည် ။ အဘက သူဖုန်းဆက် တာ လုံးဝမကိုင်တာ မို့ ရင်ထဲမကောင်း ။ အဘ ပြောလည်းခံမယ်ဆိုတဲ့ စိတ်နဲ့ အမေ့ကိုလိုက်ပို့ လိုက်တာဖြစ်သည်။
"အမေ့ !!အဆင်ပြေလား "
"ပြေတယ် သားကြီး "
"ညီမလေးကော "
"ပြေတယ်အကိုသင့်"
ဒေါ်နန်းအေးတင် တစ်လမ်းလုံး ခေါင်းကိုက်နေတော့သည်။ ကလေး နှစ်ယောက်ကို သနားတာ ။ သားသင့်က ငယ်လေးကို အတော်လေးချစ်တဲ့အပြင် အလိုလိုက်ထားတာပိုသဘောကျသည်။ သူ့ကိုလည်းအမေအရင်း တစ်ယောက်လို အစစ အရာရာ ဂရုစိုက်တာမို့ သူလည်း သဘော ကျမိသည်။ သူ့သားလေး အပေါ် မြတ်မြတ်နိုးနိုး တန်ဖိုးထားတာ လေးကို သဘော အကျဆုံးပါ ။
"အဘ !!!!"
"အေး သားငယ်လေး
လာကွာ "
ဦးစိုင်းအောင်ထီးအိမ်မှာ တစ်ယောက်ထဲအထီး ကျန်နေချိန် တွင် မောင်သင့်ကား ခြံထဲဝင်လာ ၏။ သူ့မိန်းမနဲ့ သမီးကလည်းကားပေါ်က ဆင်းလာပြီး သူ့မျက်နှာကို မဝံမရဲကြည့်နေ၏။ မိန်းမ စိတ်ချမ်းသာအောင်ငယ်လေး ကို မိန်းမ သဘောအတိုင်းထားလိုက်တာ မှားသွားပါပြီ။ သူအတန် တန် ပြောတဲ့ကြားက မောင်သင့် အိမ်ပေါ် ပါလာသည်။ သူ့သားလေးကတော့ မတွေ့ရတာ ကြာတာမို့ သူ့ကို နမ်းနေတော့သည်။ သူလည်း မျက် ရည်မကျမိအောင် အတော်လေး ထိမ်းထားရသည်။
"အဘ နေကောင်းတယ်နော် " (သင့်)
"အင်း " (အဘ)
"လာ ငယ်လေး အဘ ကို ကန်တော့ရအောင် " (သင့်)
"မလိုဘူး မောင်သင့် " (အဘ)
"ကိုထီးခမ်း " (အမေ)
"မယ်အေးတော်တော့ " (အဘ)
"အဘ !!!" (မမ)
ပြသနာ အကြီးအကျယ်တက်ပါတော့ သည်။ သင့်လည်း အတော်စိတ်မကောင်း ဖြစ်သွားသည်။ ငယ်လေးလည်းငိုသလို အမေလည်း ငိုနေပါသည်။ အဘ က သူတို့နှစ်ယောက်ကန်တော့တာ လုံးဝလက်မခံ။ အရင်ကဆို အဘ က သူ့အပေါ် သိပ်ကောင်းတာပါ ။ ငယ်လေး မရှိဘဲ ရွာငံမှာ ၂နှစ် လာနေတဲ့အချိန်ကဆို သူ့ကို သားတစ်ယောက်လို ဖေးမခဲ့သည်။ အစစအရာရာ ကူညီခဲ့၏။
YOU ARE READING
Created by hate (Completed )
Romanceမင်းက တစ်သက်လုံး ငါ့ကို ခစားရမှာ ကြားလား #သင့် ငါက ဦးသင့်ရဲ့ အမိန့်ကို နာခံဖို့ မွေးဖွားလာတာ #စိုင်းအမြုတေ
