جنِح بيَه أنِكسِر
و آلَثاَني مخِلَوع
طِرت كوه على عنِاَد اليَكرهونِ
سِمير صبيح
_____________________
اندفع باب الصالـة و رن صوت كعب على
الأرضية المرمر و ارتفع صوت الداخل
- صباح الخير على الرايدلنا الخير!
وينكـم يَ اهل البيت!
طلعت نور من المطبخ بإيدها صينيـة الجاي
نور؛ لك هااااااي منو الجاي !
تمارة التوها نازلة على الدرج
تمارة؛
(انا جعلنا من بين ايديهم سداً ومن خلفهم سداً... )
- ها تمارو رجعـتي ... بيها الخير!
طلعت ام حسن من غرفتـها بيدها السبحة
الظاهر جانت تصلي
ام حسن؛ هلا بعد أميمتج شلونج ؟
تقدمتْ بوسّت وحضنت امها
نهلة؛ محتام قلبي على شوفتج و شوفة اخواني،
شلونج يروحي ؟!
رجعت بوست البنات و توزعن على القنفات بالصـالة
يسولفن، بس اخذت نهلة استكان الجاي من نور،
التفت عليهن تسأل
نهلة؛ تعالـن صدك شنو واحد من اخواني متزوج
بالسر واني ما ادري، و انا داخلة شفتلي غزالـة
تضوي تلعب ويا سيوفي بالحديقة...؟!
تمارة؛ وليش ما تكون بنت وحدة منّا و ضاميها عنج
نهلة؛ لج دادة البنية ملامحها تنگرط
ما بيها سماوِّيّـة طباعجن !
نور؛ تمارة الفاهية لا تحجيها قبل لا تشرب الجاي!
ما تدرين ما يركد روح الحيـة غيره
نهلـة؛ هسه گـولن منو هالطفلـة
تمارة؛ ضيفة يمعودة
أنت تقرأ
المَوْئِل |حِـرْزُ الأحباب|
Romanceرفعت راسها حتى تصير عيونها الهادئة بعيونـه التلمع ويا ضحكته، ابتسمت : - يآرَبّ كُل ايامك سعيدة و ينعاد عليك العيد لا فاقد ولا مفقود. - و ايامج يابه، بس كمليها بعد تحقيق الأماني ! رمشت و ردت بهدوء: - مو كُل امنية بيها صالح الانسان، لذلك ادعيلك يتـيّس...
