ورَديت مَو مِن الصَفر
حَتى الصَفر
ما يَبدَي
رَديت مَنك مَنكسر
والبال أبد ما يَهدي
جَندَي..
و رَجع مِن مَعركة
و خَسران بالعَندَي
__________________
يـزن؛ هـا يُـمه شنو صار !
ام حسـن؛ ولك شبيك مخبوص! خل نوصل للبيـت ونسولف..
يـزن؛ يُمـه لا تفتين مرارتي يا بيت سولفـن هسه، ام نجم؟!
تبـادلتْ نور النظرات ويا غيـّم وهن الإثنين عدهن تحفظات بس اكتفت نور بجملة
نور؛ الجماعة مبدئياً مبين موافقين بس طلبوا مهلة ثلاث ايام و يردون جوابهم
يـزن؛ اذا هيج شبيجن محولات صامت
ام حسن؛ گلنا بالبيت نحجي، هي عشر دقايق ما تگدر تتحمل!
هز راسـه يزن ساكـت لإن شاف الحجيـة مزعوجة وحس هن ما عجبهن شيء بهالزيارة يا البنية يا امر متعلق بيها
وصلوا البيت، سلموا على عماد وتمارة الكاعدين بالصالة رادت غيـّم تفلـتْ لشقتها متحججة بالتوأم بس يزن ما انطاها مجال وصاح
يـزن؛ هسه ماكو حجة بعد وكلنا كاعدين هنا سولفن!
ام حسـن؛ كعدن يـُمه
تنهدتْ غيـّم ونور اشرتلها تنفذ وهي راحت كعدت بصف عماد، اليباوع على والدته مستفهم مثل يزن، همستْ تمارة لغيّم
- شكو.. البنية ما مناسبة ؟
غيـّم؛ انتظري
عماد؛ بشري يُمـه شلونهم الناس والبنية عجبتكم ؟
أنت تقرأ
المَوْئِل |حِـرْزُ الأحباب|
Romansaرفعت راسها حتى تصير عيونها الهادئة بعيونـه التلمع ويا ضحكته، ابتسمت : - يآرَبّ كُل ايامك سعيدة و ينعاد عليك العيد لا فاقد ولا مفقود. - و ايامج يابه، بس كمليها بعد تحقيق الأماني ! رمشت و ردت بهدوء: - مو كُل امنية بيها صالح الانسان، لذلك ادعيلك يتـيّس...
