المَوْئِل |حِـرْزُ الأحباب|

الخيـط الواحد والخمسين

شـَوصفلـكُم غربتي.. صدري مخنوگـ
صوتيّ مبحـوح
دفنـتـُوني بـغُـرُب
وَ تعالج الروحْ

كريم العراقي
__________________

••• غيـّم •••

•
•
•

درت اشوف منـو وراي وتنفسـتْ براحـة من شفتها رويدة، ترخصـت وغلقت التلفون ويا ام حسـن عايفتها بصدمتها
واشرت لرودي تجي تكعد وتعوف گلاص العصير الأنكسر

رويدة؛ شنو صايـر يمعودة ؟؟!
اني الأنخنت اذا اتذكر صح انتِ ليش تردين تطلگين

غيـّم؛ صوتج لا يسمعون الجهال

رويـدة؛ تمام تمام بس احجيلي شكو شنو ممكن
يكون الموضوع؟! حتى توصلون هالمرحلة خلال يوم،
لحد البارحة انتِ تبجين عليـّييه!

غيـّم؛ واليوم استوعبت شكد جنت غبيـة...

رويـدة؛ شنو دادة طلـع متزوج عليج ؟؟
بس گولي وعوفي الباقي عليـه

صرفنت ردنها عود مستعدة لعركة،ضحكتْ رغم قهـري
غيـّم؛ اذا نريـد نعرف كل اشكـال الخيانـة بمصطلح
واحد رويدة شنو راح يكـون ؟

رويـدة؛ هممممممم.... الاستغلال؟ طعن الظهر ؟
كسر الثقة ؟ هواي الصراحة بس دقيقة دقيقة
اكو شيء اشمل ..." الاستغفال "

هزيت راسي
غيـّم؛ الاستغفـال بالضبط، واني لإن اكتشفتْ
دا اتحول مُغفلـة.. قررتْ انهي هالعـلاقـة

رويـدة؛ بس انتِ تحبي لدرجة تربطين وجودج بوجوده