يَ طيفك لا نـشْد لا مـَر
سمعـنه القلب يحمـل غيـَض
موش الطيـف يتغـيّر
______________________
*
*
*
*
« وَ بيـاض قلوبنـه على الروح غـَيـّم »
اعزائي
الفـاتحـة
على روح شهداء المقاومـة اللبنانيـة💔
والسيـد الشهيـد حسـن نصر الله 💔
دعواتـكم بالفرج لأخواننا بجنوب لبنـان
وكل منطقـة وصلها العدو الصهـ-يوني
💔💔💔
_____________________
غلقـتْ غيـّم التلفون من رن المنبه بسرعـة لا يفز حسـن، تسندت شوية شوية وگامت تتحرك بهدوء، توضت وشربتلها عصير وكعدت وراها على كرسي الصلاة تصلي صلاة الليل، لإن بطنها كبرت وجسمها ثگل اكثر من دخلت شهرها الخامس وبعد ما تكدر تصلي طبيعي..
بعد ساعـة فرغـتْ من الادعية والصلاة وتحس نفسها جوعانة فد مرة، بعدها تفكر شنو تاكل وتحس صارت بخشمها ريحة الكباب واشتهت تاكله كُلشش، مسـحتْ على بطنها تضحك وتحجي
غيـّم؛ ولكـم ماما راح تسمنوني ضعف سمن الحمل على هالأكل!
رجعـتْ للغرفـة، كعدت على طرف السرير من جهة حسـن ورفعت ايدها تكعده
غيـّم؛ حـسن ... حسـن ... حـسن
بالمرة الثالثة فتح عيونه واعي وباوعلها مضيق عيونه من الضوء الخفيف بالغرفة
حسـن؛ ها غيـّم؟ بيش الساعة ؟
غيـّم؛ بالوحدة بالليل
حسـن؛ وليش ما نايمة.. بيج شيء؟
غيـّم؛ لا.. بس جوعانـة
حسـن؛ بالوحدة بالليل ؟؟
غيـّم؛ اني حامل حسن!
ابتسـم مو قصده يضوجها بس يعرفها ما تاكل هيج وقت قبل
حسـن؛ تمام يابـه تمام
كعـد على حيله، عدل شعرها يسأل
حسـن؛ كولي.. شنو تردين اسويلـج؟
غيـّم؛ مشتهية كباب وهيـج ويا الطماطة مشوية والريحان وخبزة حارة اووف
أنت تقرأ
المَوْئِل |حِـرْزُ الأحباب|
Storie d'amoreرفعت راسها حتى تصير عيونها الهادئة بعيونـه التلمع ويا ضحكته، ابتسمت : - يآرَبّ كُل ايامك سعيدة و ينعاد عليك العيد لا فاقد ولا مفقود. - و ايامج يابه، بس كمليها بعد تحقيق الأماني ! رمشت و ردت بهدوء: - مو كُل امنية بيها صالح الانسان، لذلك ادعيلك يتـيّس...
