المَوْئِل |حِـرْزُ الأحباب|

الخيـط الثالث والثلاثين

محسوبة من العمر
كل ليلة نگـضيها
وَ محسوبة من الدرب كل خطوة نمشيها
إيامْـنا اللي تمر رحلة
بـقطار العمر..
سفره بمـرابع خـِضْر
شـَتريد سمَـيّها!

الگـاطع
________________

غلـقتْ غيـّم باب السيارة وحسـن سألـها مبتسم وهو يلـزم إيدها ويمشون لباب الصالـة
حسـن؛ مستعـدة ؟
غيـّم؛ ان شاء الله..

صدف الكـُلّ مجتمعين يشوفون تلفزيون بالصالة بعد العشاء، نـور تخابر اختها وتمارة ويـزن يتناگرون، صارت عيون الموجودين على الباب وجاوبوا سلام حسـن وغيّـم، ابتسمـتْ ام حسن وهي تشوف الفرحة مرسومة بوجـه الأثنين، ركضـتْ جنـة ليزن وهو تلگاها كعدها يمه 
يـزن؛ هجي صارت ولج جيجي! تطلعين وما تعزميني صداقة من باب الشرجي هاي!
جنـة؛ انت جنت بالشغل يـزن!
يـزن؛ وانتِ وين رحتي مو باجر دوام ؟!
جنـة؛ رحنا للطبيبة شفناااا النونو ببطن غيـّم!

دارو كلهم صافنين على حجاية جنـة ويـزن تحمحم خجلان وگال على بالـه غيـّم مريضة
يـزن؛ احـم! سلامتـج خويـه.. ان شاء الله ماكو شيء خطر ؟؟
احمد؛ عمو جنـة يا نونو ؟!
جنـة؛ بيبي عنون جاي عمو.. اخوي واختي غيـّم كالت!

باوعو غيـّم وحسـن واحد للثاني مبتسمين، ضحك عماد بصوت وصاح بالـولد وهو يوگف
عماد؛ ولكممم راح نصير عمام مرة ثانيـة!!

يـزن؛ عود صددددك ؟!!
نور؛ غيمـة حلفي! انتِ حامل..

ضحكت ومدت ايدها لجنطتها طلعت فحص السونار انطتـه لأم نجـم وتمارة الفطيـرة حضنت غيـّم مدمعـة من فرحتها الهم ونور هلهلت بصوت عالي، طفروا يزن واحمد شبگوا حسن يباركوله ورجع يزن شـال جنـة ويهووس بيها
يـزن؛ طگتتت والما طگتتت احنة الموجودييين!
يـزن؛ و سمعوناااااااا الهلهولـة!! الف مبروووك كولوله!