لگينا الدِنيا ما تنحَب
حِزن وَ دروب
ما تِنطب
دربَ مَكتوب
بيه نبچي
ودربَ مَكتوب
بيه نتعَب
مجهـُول
___________________
ام حسـن؛ حمودي بيبي يلـه تعاااال انت واخوتك اكلوا!
سمـع محمد نداء الحجية عليهم من شباج المطبـخ ودار على البقيـة يحجي
محمد؛ ولكمممم يله عوفوا الطوبة وتعالوا بيبي سوتلنه اكل، بسرعة لا يجي ابوي ويشوفني ما قريت الدرس وشيخلصني منه!
سيف؛ حيييل تستاهل مو گالت بيبي كمل درسك يله تطلع
محمد؛ وانتَ درست؟!
سيف؛ امتحان رياضيات عندي كلشي ما افتهم بيه، نجم يشرحلي من يرجـع من صديقه
دخلوا للمطبخ، بيبيتهم اشرتلهم يرحون يغسلون اديهم ويجون كل واحد ياخذ اللفـة مالته(سندويش) والعصير مسويتلهم عصرونية مثل يومية، نفذوا ورجعوا كل واحد اخذ لفته وكعد على جهة من الميز ابتسمـتْ من اجـاها روح لزم طرف ثوبها يسألها
روح؛ بيبي ئيـم(غيـّم) وين ؟!
علي؛ ولك شبييك! مو تالت(گالت) عدها شغل!
رجع گال ما عاجبـه
روح؛ نونـة(جنونة) وين ؟!!
ام حسـن؛ بعد عيون بيبتك، امك وعماتك راحن لناس وجنة وياهن، اكعد انت هسه اكل ويا اخوانك وشوية وتشوف امك دخلت علينا
هز راسـه و راح كعد يـّم توأمه، اخذ لفة ياكل منها وعيونـه للباب شوكت ترجع امـه وعلاوي من يشوفه راح يبرطـم يكعد يلهي ويگله تعال يلعبه اي شيء لو يخبث على محمد وهو يحفظ درس الاملاء ويخلي يعيط بيهم وروح يضحك.
رغـم نفس العمر بس شخصياتهم بدت تبين اختلافاتها ورغـم ادراكهم كبر وباقيلهم شهر ويكملون السنتين بس روح لحد الآن متعلق بأمـه جداً واذا ما شافها يوم كامل يخاف ويظل يبجي وحتى ما يقبل ياكل مرات بس اذا علي لو جنة موجودين يبقى هادىء نوعاً ما، علاوي بالعكس مرح ومتقبل ويا الكُل لدرجة غيـّم اذا تعرف نفسها راح تتأخر تگله انتبه لأخوك ماما لا تخلي يحس على ما ارجع وبطلت تگدر تروح زيارة لو مبيت لأي مكان لمدة اطول من يوم واحد بدونهم لإن بالها يظل يّم روح..
أنت تقرأ
المَوْئِل |حِـرْزُ الأحباب|
Romanceرفعت راسها حتى تصير عيونها الهادئة بعيونـه التلمع ويا ضحكته، ابتسمت : - يآرَبّ كُل ايامك سعيدة و ينعاد عليك العيد لا فاقد ولا مفقود. - و ايامج يابه، بس كمليها بعد تحقيق الأماني ! رمشت و ردت بهدوء: - مو كُل امنية بيها صالح الانسان، لذلك ادعيلك يتـيّس...
