ညီ

Part-29( part-2)

"ရုပ်ရှင်ကြည့်ဖို့ စီစဥ်ထားတယ်"

"ဟင်...ဘာ ကား မို့လို့လဲ"

"ခုနာမည်အရမ်း ကြီး​နေတဲ့ သရဲကား"

"သရဲကား!!!"

"အင်း...အကို မကြည့်ရဲလို့လား ...ကျွန်​တော်ရှိတာပဲကို"

"မ...မ..မကြည့်ရဲစရာလား...ငါက က​လေးမှမဟုတ်တာ"

ရုပ်ရှင်ကြည့်ဖို့စီစဥ်ထားတာ အကိုမသိပါ။ ပြုန်းစားကြီးစီစဥ်လိုက်တာမျိုး ဖြစ်​နေတာလဲပါသည်။ သရဲကားလို့ ပြော​တော့ မှေးကျဥ်း​နေတဲ့မျက်လုံး​လေးက အပြူးသား​လေး​နှင့် သူ့ကို​ မော့ကြည့်ကာ အံ့ဩပုံ​လေးက ကုတ်ဖဲ့ပစ်ချင်စရာ။

ကြည့်ရင်း စားဖို့ ပေါက်​ပေါက်ဆုပ်ရယ် အခြားစားစရာတို့တို့တီတီ လေးများဝယ်ပြီး ရုံထဲ ဝင်​တော့အ​မှောင်ချထားပြီးသားဖြစ်​နေပြီ။

အတွဲခုံ​​​လေးတွင်​နေရာယူ အကျအနထိုင်ပြီး​နောက် ရုပ်ရှင်ကြည့်ခြင်းကို စတင်လိုက်ပါသည်။

တချက်တချက် ဘွားခနဲဝါးခနဲ အလန့်တကြားဖြစ်သွား​သော ပရိုဂျက်တာ ပေါ်က သရဲအခန်းများတွင် ဇတ်​လေး ပုပုဝင်သွား​သော အကို။မျက်​မှောင်​လေးကြုတ်ပြီး တချက်တချက် မျက်လုံး​လေးမှိတ်ကာ လက်နှင့်ကွယ်ထားလိုက်သည့်ပုံရိပ်​လေး​တွေက ရုပ်ရှင်က အလင်း​ရောင် လာ ဟပ်တိုင်း မြင်ရတဲ့ အဲ့မျက်နှာ​လေးကိုသာ Jungkook တ​ယောက်ကြည့်ရင်း ခိုးရယ်ရတာ ရုပ်ရှင်ဆီ​တောင် စိတ်မ​ရောက်နိုင်ပါဘူး။ ရုပ်ရှင်ကြည့်တာလား   Park Jimin ကိုကြည့်တာလားမသဲကွဲ။

ရုပ်ရှင်တဝက်​လောက်​ရောက်တဲ့အချိန်မှာ လန့်ဖျန့်စရာ အခန်း​တွေ​ရောက်ရင် သူ့ဘက်တိုးပြီးရင်ဘက်ထဲ ကိုငုံ့ဝင်မတက် ရောက်,ရောက်လာ​သော အ​ကောင်​​ပေါက်​လေးကို ပုခုံးက​နေ သိမ်းကျုံးဖတ်ထားလိုက်ရာ ယုန်ဗလတို့ ဂွင်ပဲ။

ဘေးကအတွဲခုံက အတွဲတစ်တွဲကလည်းသူတို့နည်းတူ ကြောက်​ကြောက်လန့်လန့်ရုပ်ရှင်ကြည့်​နေရင်း တ​ယောက်ကိုတ​ယောက်ဖတ်ထားလိုက်တာများ ဘေးတိုက်လှမ်းမြင်ရတဲ့ သူ​တောင်ရင်ခွင်ထဲကအ​ကောင်​ပေါက်​လေးကို ရင်ခွင်ထဲ​ကို ပိုမို တင်းကျပ်​သွား​အောင်ဖတ်ထားရင်းခိုလုံ​စေလိုက်သည်။