အပိုင်း-၇၁
Be My Bride - ချိုချိုချဥ်ချဥ် ကိုကို့ရင်ခွင်
"ဘာလာလုပ်တာလဲ"
"မိန်းမချင်းရှင်းစရာရှိလို့လာတာ ဘာလဲနင့်ကိုတွေ့ချင်လွန်းလို့လာနေတယ်များထင်နေလား"
ဆိုဖာပေါ်ကျကျနနထိုင်လိုက်ပြီး ဆံပင်လေးနားကြားညှပ်လိုက်သည့်ခမ်းလေးဟာ မျက်နှာလေးကို မော့ချီထားလိုက်၏။
"ပြောစရာရှိတာပြောပြီးပြန်တော့ နင့်လိုအားနေတာမဟုတ်ဘူး"
"ပြောမှာပေါ့ ဧည့်သည်ကိုဧည့်မခံတော့ဘူးလား အော်...ငါကမယားကြီးဆိုတဲ့အသိနဲ့ နင့်လိုပေါ်တင်စနှိုက်တဲ့လူက မနာလိုဖြစ်လို့ဧည့်မခံတာလား.."
"နင်..."
ကေစိတ်တိုနေ၍ ခမ်းလေးကျေနပ်ပါသည်။ ထိုစဉ်ကြီးမေက အအေးခွက်လေးကိုင်၍ ခမ်းလေးရှေ့သို့လာချပေးလေ၏။
"သမီး အအေးသောက်ပါအုံးကွယ့်"
"ဟုတ်ကြီးမေ ကြီးမေနေရတာအဆင်ပြေရဲ့လားဟင် "
"ပြေပါတယ်သမီး ပြေပါတယ်"
ကြီးမေတို့ဒီမှာမနေချင်မှန်း ခမ်းလေးသိသည်။ ကိုကိုကဒီကိုသွားနေပေးကြပါလို့ပြောလို့သာ အားလုံးရောက်လာကြပေမယ့် နေချင်ကြတဲ့ပုံလဲမပေါ်လို့ နောက်နေ့တော့ပြန်ခေါ်မှဖြစ်မည်။
"ဒီနေ့ပြောရောပြောအုံးမှာလား ငါမအားဘူးလို့ပြောထားတယ်နော်"
ကိုယ်လေးရှေ့ကိုင်းကာ ပေါင်ပေါ်မေးထောက်၍ ကေ့ကေ့မျက်လုံးကို သေချာစိုက်ကြည့်လိုက်၏။
"နင်ကိုကို့ကိုချစ်လား"
"......"
တစ်ဖက်က အဖြေပြန်မလာ တွေဝေသည့်အနေအထားနှင့်ရှိနေလေသည့်အခါ ခမ်းလေးပြုံးလိုက်သည်။ ခမ်းလေးလိုချင်သည့်အဖြေကို ခမ်းလေးရခဲ့ပါပြီ။
"ကဲ ခွင့်ပြုပါအုံး"
အကို့ကိုချစ်ပါတယ်ဟုပြောဖို့အရေး ကေ့စိတ်ထဲ ဝန်လေးနေမိ၏။
"နင်ဒါမေးဖို့လာခဲ့တာလား"
"အွန်း"
"ငါပြန်မဖြေရသေးဘူးလေ"
YOU ARE READING
Be My Bride 🌷💙 ချိုချိုချဥ်ချဥ် ကိုကို့ရင်ခွင်
Romance"ပူတင်းလေးကဘာလဲ" "ကိုကို့အပိုင်" "ကိုကိုတို့ကရောဘာလဲ " "မောင်နှမ" "ဟာ..."
